Акбар Ҳакимов
| Ҳакимов Акбар Дӯстмуродович | |
| Таърихи таваллуд | 26 май 1963 |
| Зодгоҳ | деҳаи Муллотуғмаи ноҳияи Файзобод, ҶШС Тоҷикистон |
| Шаҳрвандӣ |
 Тоҷикистон |
| Падар | Дӯстмурод Ҳакимов |
| Ҷоизаҳо |
|
Акбар Ҳакимов (Ҳакимов Акбар Дӯстмуродович; 26 майи 1963, деҳаи Муллотуғмаи ноҳияи Файзобод, ҶШС Тоҷикистон) — соҳибкор. Узви Кумитаи Маҷлиси намояндагони Маҷлиси Олии Ҷумҳурии Тоҷикистон оид ба иқтисод, буҷет, молия ва андоз (2005—2010).
Зиндагинома[вироиш | вироиши манбаъ]
Акбар Ҳакимов 26 майи соли 1963 дар деҳаи Муллотуғмаи ноҳияи Файзобод ба дунё омадааст. Мактаби миёнаи № 22 ба номи Абӯабдуллоҳ Рӯдакиро дар ноҳияи Файзобод хатм кардааст. Дорои ду маълумоти олӣ — ҳуқуқшиносӣ ва иқтисодӣ, соҳиби 5 фарзанд аст[1].
Фаъолияти корӣ[вироиш | вироиши манбаъ]
Солҳои 1980—1982 дар маъмурияти кинотеатри Файзобод кор кардааст. Ҳамзамон факултети ҳуқуқшиносӣ ва факултаи молия ва қарзи Университети давлатии Тоҷикистонро ғоибона хатм намудааст. Солҳои 1982—1989 коргари муассисаи нақлиётии «Тоҷиктрансэкспедитсия», 1989—1991 таъминотчӣ, 1991—1993 ҷонишини директор ва 1993—1995 директори кооперативи «Арча», 1995—1996 мудири шуъбаи ҳуқуқ, сардори Раёсати робитаҳои иқтисодии хориҷӣ ва 1996—1997 муовини вазири Вазорати ғаллаи ҶШС Тоҷикистон, 1997—1998 ҷонишини раиси Ширкати давлатии холдингии «Ғалла», 1998—2001 директори генералии Комбинати истеҳсолии ордбарории ноҳияи Нов, 2001—2003 директори генералии Комбинати агросаноатии Вазорати иқтисод ва савдои Ҷумҳурии Тоҷикистон буд. Аз соли сарвари кулли ҶСК комбинати агросаноатии «Гулистон»-и ноҳияи Спитамени вилояти Суғд ва ҳамзамон раиси Кумитаи иҷроияи Ҳизби Халқии Демократии Тоҷикистон дар ҳамин корхона мебошад. Соли 2000 вакили Маҷлиси вакилони халқи вилояти Суғд, соли 2005 аз ҳавзаи интихоботии № 11-и ноҳияи Файзобод вакили мардумӣ дар Маҷлиси намояндагони Маҷлиси Олии Ҷумҳурии Тоҷикистон интихоб шудааст ва ба ҳайси муовини раиси Кумита оид ба буҷет, молия ва саноат кор кардааст[2].
Аз соли 2010 ба ҳайси раиси Шӯрои директорони ҶСК холдингии «Ганҷ» фаъолият дорад.
Қарздорӣ ва парванда[вироиш | вироиши манбаъ]
Акбар Ҳакимов, директори генералии ду ширкати бузург — «Ганҷи ҳилол» ва «Спитамен текстайлз» беш аз як сол аст, ки дар боздоштгоҳ аст ва парвандааш ҳамоно таҳқиқ мешавад[3].
Ҷоизаҳо[вироиш | вироиши манбаъ]
Бо ордени Шараф (дараҷаи II) сарфароз гардидааст.
Нигаред низ[вироиш | вироиши манбаъ]
Эзоҳ[вироиш | вироиши манбаъ]
- ↑ Сайдари Ҳайдар. Акбар Ҳакимов: Қавли ба Президент додаамонро иҷро мекунем!. МТЖТ. faraj.tj. 26 Январ 2018 санҷида шуд.(пайванди дастнорас)
- ↑ ХАКИМОВ Акбар Дустмуродович | ЦентрАзия. centrasia.org. 17 марти 2021 санҷида шуд.
- ↑ Қарзи “Агроинвестбонк” тоҷири дигарро ба зиндон кашид: чаро Акбар Ҳакимов ҳабс шуд?(тоҷ.). Sputnik Tajik. 17 марти 2021 санҷида шуд.
Пайвандҳо[вироиш | вироиши манбаъ]
Сарчашма[вироиш | вироиши манбаъ]
- ФАЙЗОБОД. Энсиклопедия. — Д., 2011. СИЭМТ, — 392 саҳ. — ISBN 978-99947-33-48-4