Бесс

Мавод аз Википедиа — донишномаи озод
Jump to navigation Jump to search
Бесс
Бесс
Сурат
Санаи таваллуд:

асри IV то м.

Санаи марг:

329 то м.

Бесс (юн. Bessos), ҳокими Бохтар дар замони Ҳахоманишиён.

Тирамоҳи с. 331 то м., вақте ки Дорои III дар муҳорибаи Гавгамел аз Искандари Мақдунӣ шикаст хӯрд, Бесс он ҷо фармондеҳи лашкари дастаи савораи Бохтариёну Суғдиёни Доро буд. Искандари Мақдунӣ Дороро аз Ҳамадон ба Рай ва аз он ҷо ба Марв таъқиб намуд, ки зимни он Бесс бо Доро ҳамроҳ буд. Ҳангоми дар Марв паноҳ бурдан бо дастури Бесс Доро кушта шуд. Баъдтар Бессро шоҳи Бохтар эълон намуданд. Бесс ба худ номи Ардашершоҳ (Артаксеркси IV)-ро гирифт. Азбаски Бохтар вилояти пурзӯр ба шумор мерафт, сарлашкарон аз Бесс умеди калон доштанд. Бесс баъди ба тахт нишастан ба Бохтар омада, ваъда дод, ки кишварро аз истилогарон муҳофизат хоҳад кард. Искандари Мақдунӣ (с. 329 то м.) баъди забти Арея (Ҳирот) ва Арахосия (Кобул) ба Бохтар лашкар мекашад. Бесс ба ҷойи муқобилат ба Искандар бо 7000 ҳазор ҷанговар аз д. Окс (Ому) гузашта ба вил. Навтоқи Суғд гурехт. Пас аз муддате суғдиён Бессро дастгир карда ба сарлашкари Искандар Лаг Птоломей супориданд. Искандар бо баҳонаи Дороро куштани Бесс, ӯро ба қатл расонд.

Адабиёт[вироиш]

  • История таджикского народа. / Под ред. Б. А. Литвинского. Т. 1. Д., 1998
  • Б. Ғафуров.Тоҷикон. Китоби I. — Душанбе, 1998. — С.98-103

Сарчашма[вироиш]