Вайон-Кутюрио Пол

Вайон-Кутюрио Пол
фр. Paul Vaillant-Couturier
Таърихи таваллуд	8 январ 1892(1892-01-08)
Зодгоҳ	Порис
Таърихи даргузашт	10 октябр 1937(1937-10-10)[…] (45 сол)
Маҳалли даргузашт	Порис, Фаронса ё Порис
Кишвар	Фаронса
Пеша	сиёсатмадор, нависанда, рӯзноманигор
Модар	Marguerite Vaillant-Couturier[d]
Ҳамсар	Marie-Claude Vaillant-Couturier[d] ва Ida Treat[d]
Ҷоизаҳо
Парвандаҳо дар Викианбор
Осор дар Викитека

Вайон-Кутюрио Пол (8.1.1892, Порис – 10.10.1937, ҳамон ҷо) — нависанда ва ходими Ҳизби коммунисти Фаронса. Хатмкардаи факултаи ҳуқуқшиносии Донишгоҳи Порис. Иштирокдори Ҷанги якуми ҷаҳонӣ (1914–18). Яке аз асосгузорони Ҳизби коммунистӣ дар Фаронса (1920). В.-К. Инқилоби Октябри соли 1917-ро бо хушнудӣ пешвоз гирифт. Солҳои 1926– 37 сармуҳаррири г. «Юманите »-и Фаронса буд. В.-К. якчанд бор ба собиқ ИҶШС, соли 1931 ба Тоҷикистон омад. Вай нахустин нависандаи фаронсавист, ки ба Тоҷикистон омадааст. Ӯ бо ҳаёти иқтисодию фарҳангии халқии тоҷик шинос шуда, таассуроти хешро дар силсилаи очеркҳо нигошт, ки дар г. «Юманите» ба табъ расиданд. Асарҳои «Бозгашти чӯпон » (1913), «Сулҳ» (1913–14), «Айёми таътил», «Ҷанги аскарон» (ҳар ду 1919), «Жанни бенаво» (1921), «Поездҳои сурх» (1925) ва ғ. навиштаҳои В.-К. мебошанд. Соли 1932 маҷмӯаи очеркҳои В.-К. (иборат аз 24 очерк) ба шакли китоби алоҳида ба табъ расид (ба русӣ, 1933). Понздаҳ боби ин маҷмӯа таассуроти сафари В.-К.-ро аз боздиди мавзеъҳои гуногуни Тоҷикистон фаро гирифтааст.

Сарчашма

• Вайон-Кутюрио // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.