Генуя

Маҳалли аҳолинишин
Генуя
итол. Genova
Парчам Нишон
Кишвар	[[|]]
Роҳбар	Marco Bucci[d]
Таърих ва ҷуғрофиё
Масоҳат	240,29 км² (9 октябр 2011)
Баландии марказ	20 м
Минтақаи замонӣ	UTC+1[d] ва UTC+02:00
Аҳолӣ
Аҳолӣ	▼558 745 тан (1 январ 2023)
Забони расмӣ	итолиёӣ
Шиносаҳои ададӣ
Пешшумораи телефон	010
Нишонаи почта	16121–16167
Коди мошин	GE
smart.comune.genova.it
Парвандаҳо дар Викианбор

Ге́нуя (итол. Genova [ˈdʒɛːnova], [ˈzeːna], лот. Genua, Ianua) — шаҳр дар шимоли Итолиё, дар соҳили халиҷи Генуяи баҳри Лигурия. Маркази маъмурии музофоти Генуя ва вилояти Лигурия. Аҳолиаш 599,7 ҳазор нафар (2014). Якҷо бо шаҳрчаҳои атрофаш Генуяи Калонро ташкил медиҳад, ки дар ҳайати он 70 шаҳрчаи хурди саноатӣ ва истироҳатӣ мавҷуд аст (Корнияно-Лигуре, Сампердарена, Болсането, Рапалло, Портофино).

Иқлим

Иқлими Генуя субтропикӣ буда, зимистони салқин ва тобистони бениҳоят гарм аст.

Таърих

Генуя дар садаи IV то м. аз тарафи қабилаи маҳаллии лигурҳо бунёд шудааст. Дар асрҳои миёна яке аз марказҳои бузурги тиҷоративу молиявии Аврупо ба ҳисоб мерафт. Дар нимаи садаи XX маркази муҳимми саноатии мамлакат гардид.

Иқтисод

Яке аз бандарҳои бузургтарини баҳри Миёназамин буда (гардиши мол дар як сол 50 млн т, аз ҷумла маҳсулоти нафтӣ 30 млн т), асоси иқтисодиёти мамлакат ба он вобастагӣ дорад. Бо бандари Ла Спессия тариқи паром мепайвандад. Маркази р. о., роҳҳои худрав ва фурудгоҳи байналмилалӣ (ба номи Христофор Колумб) дорад. Дар Генуя корхонаҳои санъатии филиззот, кимиё, хӯрокворӣ, нассоҷӣ, истеҳсолу коркарди нафт, мошинасозӣ (киштӣ, ҳавопаймо, тракторсозӣ, истеҳсоли муҳаррикҳо, дегҳои буғӣ) мавҷуданд.

Гардишгарӣ

Генуя маркази сайёҳии мамлакат буда, қад-қади соҳили баҳр дар Ривйераи Лигурия осоишгоҳҳо ҷой гирифтаанд. Дар Генуя осори меъмории асрҳои 11-17 (маъбади Санта-Мария ди Кастелло, калисои Сан-Лоренсо, дайри Сан-Стефано) боқӣ мондаанд. Осорхонаҳои бостоншиносӣ, меъмории Лигурия, санъати шарқ, баҳрӣ, нигористони бадеӣ, осорхонаҳои инфиродии Христофор Колумб, Н. Паганини донишгоҳ, консерваротия, академияи саноеи нафиса дорад. Христофор Колумб дар Генуя зода шудааст.

Бародаршаҳрҳо

• Сумгаит, Озарбойҷон
• Афина, Юнон
• Хиос, Юнон (1985)
• Екатеринбург, Русия
• Санкт-Петербург, Русия (2002)
• Тамбов, Русия
• Балтимор, ШМА
• Колумбус, ШМА
• Одесса, Украина
• Марсел, Фаронса
• Риека, Хорватия (2004)

Нигористон

Минои Лантерна	Майдони Феррари	Калисои Лаврентии Муқаддас	Бонки Сан-Ҷорҷо

Адабиёт

• Генуя // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.