Даниэл Луго

Даниэл Луго
Даниэл Луго
	исп. Daniel Lugo
Ном ба ҳангоми таваллуд:	Daniel Rodríguez Lugo
Таърихи таваллуд:	30 июл 1945 (78 сол)
Зодгоҳ:	Кагуас, Пуэрто Рико
Шаҳрвандӣ:	Пуэрто Рико
Касб:	ҳунарпеша
Корнома:	1975-то ҳол
IMDb:	ID 0525240

Даниэл Родригес Луго (исп. Daniel Rodríguez Lugo, тав. 30 июл 1945, Каргуас, Пуэрто Рико) — ҳунарпешаи пуэрторикӣ^[1], ки бисёртар дар силсилафилмҳои Амрикои Лотинӣ ҳунарнамоӣ мекунад. Ӯ дар теленовелаҳои машҳури «Ҳамсон» (исп. El Clon) ва «Ниқоби Онолиё» (исп. El rostro de Analía) нақш офаридааст.

Ҳаёт ва фаъолият[вироиш | вироиши манбаъ]

Даниэл Луго 30 июли соли 1945 дар шаҳри Каргуаси Пуэрто Рико таваллуд шудааст.

Луго фаъолияти ҳунарияшро дар синни 30-солагӣ дар синамо оғоз намудааст. Аввалин нақши иҷрокардааш дар филми "El enterrador de cuentos" соли 1978 буд, ки нақши ночизеро бозидааст. Соли 1979 дар филми "Dios los cría" нақши Карлосро бозидааст.

Корҳои навбатии ӯ бо нақшҳои хурде дар филмҳои "La gran fiesta" (1985) ва Nicolás y los demás ....Paco (1986) буданд.

Луго дебюти худро дар телевизион соли 1987 дар теленовелаи "Miami Vice" бо нақши Падар Эрнесто иҷро намудааст.

Соли 1994 дар филми "Linda Sara" ва соли 1995 дар филмҳои "El final" ва "Manhattan Merengue!" нақш офаридааст. Худи ҳамон сол дар силсилафилми телевизионии "Amores de fin de siglo" нақши Сантягоро бозидааст.

Лоиҳаҳои навбатии Луго теленовелаҳои Quirpa de tres mujeres (1996), Reina de corazones (1998), Prisionera (2004), La hija del mariachi (2006), Pecados ajenos (2007) ва филмҳои La Primera Vez (1997), Amaneció de Golpe (1998), 100 años de perdón (1998), Undercurrent (1999), Second Honeymoon (2001), Dreaming of Julia (2003), Envy (2004), My Backyard Was a Mountain (2005), Thieves and Liars (2006) ва Deception (2008) буданд, ки ба Даниэл шӯҳрат наоварданд.

Соли 2008 Даниэл дар теленовелаи "Ниқоби Онолиё", нақши доктор Армандо Ривероро бозид, ки ин кор дар тамоми Амрикои Лотинӣ ва берун аз он шӯҳрат баровард. Дар ин силсилафилм Даниэл бо ҳунарпешаҳои машҳур Мартин Карпан, Элизабет Гутеррес, Сулӣ Монтеро, Морисо Родригес, Габриэл Поррас, Педро Морено ва дигарон дар як саҳна нақшофарӣ намуданд. Ин теленовела дар Тоҷикистон ва Эрон низ машҳур шуд.

Соли 2010 дар ремейки теленовелаи Амрикои Лотинӣ "Ҳамсон" нақши Алӣ Рашидро бозид. Ин силсилафилм Даниэлро ба мисли ҳунарпешаҳои дигари лоиҳа Маурисио Очманн, Сандра Эчеверриа, Саул Лисазо, Хуан Пабло Раба, Луз Стелло Луэнгас ва дигарон дар тамоми дунё шинохта намуд.

Аз соли 2011 то соли 2012 ӯ дар теленовелаи "La casa de al lado" нақши Реното Кондеро бозид, ки нақшҳои асосиро Мигел Варонӣ, Морисо Родригес,Габриэл Поррас,Катрин Сиачоке, Давид Чокарро ва Химена Дуке бозидаанд.

Соли 2013 Даниэл дар теленовелаи Las Bandidas- Ҳуго Леон Феррер нақши Олигариоро бозидааст.

Соли 2020 дар теленовелаи драмавии 100 días para enamorarnos-и Телемундо нақши хурдеро бозид.