Зайниддин Зидон

Зайниддин Зидон
Иттилооти умумӣ
Номи пурра	Зайниддин Язид Зидон
Лақаб	Зизу
Таваллуд	23 июн 1972(1972-06-23) (53 сол) Марсел, Фаронса
Шаҳрвандӣ	Фаронса
Қад	185 см
Мавқеъ	миёнмайдони ҳуҷумкор
Иттилоот дар бораи бошгоҳ
Бошгоҳ	сармураббии озод
Маснад
Бошгоҳҳои ҷавонон
1982—1983	«Сен-Анри»
1983—1987	«Сетем-ле-Валлон»
1987—1988	«Канн»
Маснади бошгоҳӣ*
1988—1992	«Канн»	61 (6)
1992—1996	«Бордо»	139 (28)
1996—2001	«Ювентус»	151 (24)
2001—2006	«Реал Мадрид»	155 (37)
Мунтахаби миллӣ**
1988—1989	Фаронса (то 17)	4 (1)
1989—1990	Фаронса (то 18)	6 (0)
1990—1994	Фаронса (то 21)	20 (3)
1994—2006	Фаронса	108 (31)
1995	Фаронса (B)	1 (0)
Маснади мураббигӣ
2013—2014	«Реал Мадрид» ёвар
2014—2016	«Реал Мадрид Кастийя»
2016—2018	«Реал Мадрид»
2019—2021	«Реал Мадрид»
Медалҳои байналмилалӣ
Қаҳрамонии ҷаҳон
Тилло	Фаронса 1998
Нуқра	Олмон 2006
Қаҳрамонии Аврупо
Биринҷӣ	Инглистон 1996
Тилло	Белгия/Нидерланд 2000
Бозиҳои баҳримиёназаминӣ
Биринҷӣ	Лангедок — Руссилон 1993
* Миқдори бозӣ ва гол барои бошгоҳи ҳирфаӣ фақат барои лигаҳои мухталифи миллӣ ба назар гирифта мешавад. ** Миқдори бозӣ ва гол барои мунтахаби миллӣ дар бозиҳои расмӣ.

Зайнидди́н Язи́д Зидон (фр. Zinédine Yazid Zidane; ар. زين الدين زيدان‎‎; 23 июни 1972, Марсел, Фаронса) — собиқ футболбоз, мураббии фаронсавӣ.

Коршиносон аксар бар ин боваранд, ки Зидон як нобиға ва яке аз беҳтарин бозикунони таърихи футбол аст. Ӯ дар бошгоҳҳои «Ювентус», «Реал Мадрид» ва тими миллии футболи Фаронса (1994–2006) 108 бор дар мусобиқаҳо ширкат намуда, 31 гол ва дар чемпионатҳои ҷаҳон дар 20 бозӣ ширкат карда, 10 гол задааст. Дар мақоми бозикуни хатти миёна (миёнмайдони ҳуҷумкор) ҳунарнамоӣ мекард.

Зидон дар тӯли умри ҳирфаии худ се бор ба унвони беҳтарин бозикуни ҷаҳон аз сӯи ФИФА дар солҳои 1998, 2000 ва 2003 интихоб шуд. Ӯ як бор ҷоизаи беҳтарин бозикуни соли Урупо, як бор ҷоизаи боарзиштарин бозигари Лигаи Қаҳрамонҳои Урупо ва боре ҳам ҷоизаи беҳтарини бозигари Ҷоми ҷаҳониро дарёфт кардааст ва ба қаҳрамони Ҷоми ҷаҳонӣ, Ҷоми миллатҳои Урупо, Лигаи Қаҳрамонҳои Урупо, силсилаи Итолиё ва лигаи Испониё ноил шудааст. Аз ин рӯ метавон ӯро аз пурифтихортарин бозигари таърих донист.

Зидон ҳамчунин се бор дар дидорҳои ниҳоии Ҷоми ҷаҳонию Лигаи Қаҳрамонҳои Урупо гол задааст. Ӯ дар Фаронса радаи аввали беҳтарини футболбози таърихи Фаронсаро ба худ ихтисос додааст. Зидон пас аз мусобиқоти ҷоми ҷаҳонии 2006 аз футбол худоҳофизӣ кард. Бад-ин тартиб «Реал Мадрид» охирин тими бошгоҳӣ ва финали Ҷоми ҷаҳонии 2006 охирин бозии ҳирфаии ӯ буд.

Зиндагинома

Хонаи волидайни Зидон дар Алҷазоир

Зидон 23 июни соли 1972 дар Марсел ба дунё омадааст. Ӯ панҷумин фарзанди хонавода аст. Падару модараш, Исмоилу Малика алҷазоирӣ буданд.

Адабиёт

• Зидон // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.