Занбӯри асал

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Занбӯри асал
Bees Collecting Pollen 2004-08-14.jpg
Таснифоти илмӣ
Номи илмии баналмилалӣ

Apis mellifera Linnaeus, 1758

Ареал

тасвир

Занбӯри асал

Занбӯри асал, ҳашарот, як намуди занбӯр, мансуби пардаболон. Дар аксари кишварҳои дунё паҳн шудааст. Аз занбӯри асал асал, муми асал, прополис, заҳри занбӯр ва шири шоҳзанбӯр мегиранд. Дар гардолудкунии растаниҳо роли муҳим мебозад. Занбӯри асал оила шуда (баҳору тирамоҳ аз 15 - 20 ва тобистон аз 60 - 80 ҳазор) зиндагӣ мекунанд. Оилаи занбӯри асал аз модарзанбӯр (шоҳзанбӯр, малика), занбӯрҳои корӣ, нарзанбӯр иборат аст. Модарзанбӯр (дарозиаш то 25 мм) 2-3 сол муттасил тухм мегузорад, шаҳд ва гарди гул ҷамъ намекунад ва ғадудҳои мумҷудокунӣ надорад. Занбӯри корӣ (дарозиаш то 15 мм) наслҳоро тарбия карда, шон месозанд, шаҳду гард чамъ менамоянд, шаҳдро ба асал, гардро ба перга (гарди гули растанӣ, ки занбӯр дар сурохиҳои шонҳо ҷой карда болояшро бо асал пӯшонидааст) табдил медиҳанд ва кандуро ҳимоя мекунанд. Тобистон 35-40 ва баҳору зимистон 6-8 моҳ умр мебинанд. Занбӯрҳои нар дар кандуҳо дар аввали тобистон пайдо шуда, баъди бордоршавии модарзанбӯр мемиранд. Занбӯрҳои нари боқимондаро занбӯрҳои корӣ охири тирамоҳ аз қанду меронанд. Оилаҳои нави занбӯр бо роҳи афзоиш пайдо мешаванд. Занбӯри асал навъ ва ҷинсҳои гуногун дорад. Занбӯрҳои ашхаби кавказӣ, украинӣ, русӣ, итолиявӣ бештар паҳн шудаанд. Дар Тоҷикистон занбӯрпарварӣ аз занбӯрҳои ваҳшии кӯҳӣ (қаротоғӣ, варзобӣ, ғармӣ ва ғайра) ибтидо гирифтааст. Соли 1977 дар Тоҷикистон қариб 83600 оилаи занбӯри асал парвариш карда мешуд.


Нигаред[вироиш]