Истиқлол (бошгоҳи футбол)

Мавод аз Википедиа — донишномаи озод
Jump to navigation Jump to search
Парчами Тоҷикистон «Истиқлол»
Нишони бошгоҳ
Номи пурра Бошгоҳи футболи «Истиқлол» Душанбе
Лақаб Шерҳо
Таъсис 1 ноябри 2007
Майдон Варзишгоҳи марказии Тоҷикистон (Душанбе)
Ғунҷоиш 24 000
Президент Парчами Тоҷикистон Шоҳрӯх Саидзода
Мураббӣ Парчами Тоҷикистон Парчами Укроин Виталий Левченко
Капитан Парчами Тоҷикистон Манучеҳр Ҷалилов
Рейтинг ҷойи 185–ум дар AFC (2022)[1]
ҷойи 1657-ум дар IFFHS (2022)[2]
Сарпараст Парчами Тоҷикистон Авесто, Сиёма
Сайт fc-istiklol.tj
Мусобиқа Лигаи олии Тоҷикистон
2021 Қаҳрамони кунунӣ Қаҳрамон
Форма
Либоси
асосӣ
Форма
Либоси
меҳмонӣ
Форма
Либоси
дуввум

«Истиқлол» (номи пурра: Бошгоҳи футболи «Истиқлол» Душанбе) — бошгоҳи футболии тоҷик, ки соли 2007 дар шаҳри Душанбе таъсис ёфтааст. Яке аз дастаҳои футболии маъруфу пурифтихори Тоҷикистон ва Осиёи Миёна дар замони муосир ба ҳисоб меравад. Қаҳрамони кунунии Лигаи олӣ ва Суперҷоми Тоҷикистон.

«Истиқлол» 10 карат қаҳрамони Тоҷикистон, 8 карат барандаи Ҷоми Тоҷикистон ва 10 карат барандаи Суперҷоми Тоҷикистон мебошад. Дар сатҳи байналмилалӣ бошад, даста ҷоизадори Ҷоми президенти КФО дар соли 2012 - сеюмин муҳимтарин мусобиқаи бошгоҳҳои футбол дар Осиё ва ду маротиба финалисти Ҷоми КФО (дар солҳои 2015 ва 2017) - дуввумин муҳимтарин мусобиқаи бошгоҳӣ дар Осиё (монанд ба Лигаи Урупои УЕФА) шудааст.

Таъсис ва таърихи клуб[вироиш | вироиши манбаъ]

Клуби футболи «Истиқлол» Душанбе моҳи ноябри соли 2007 таъсис ёфтааст. Президенти клуби «Истиқлол» − Шоҳрӯх Саидзода. Сармураббии даста − Виталий Левченко (аз 17-уми феврали 2020). Капитани даста − Манучеҳр Ҷалилов. Пойгоҳи асосии «Истиқлол» − Варзишгоҳи марказии шаҳри Душанбе.

Қадами нахуст[вироиш | вироиши манбаъ]

Фаъолияти худро дастаи «Истиқлол» соли 2008 дар лигаи якуми Тоҷикистон шурӯъ намуд. Таҳти роҳбарии сармураббӣ Қаноат Латифов тим дар ҳамаи 34 бозии фасл пирӯзӣ ба даст оварда, қаҳрамони Лигаи аввал шуд ва ба Лигаи олӣ роҳхат гирифт.

Барои пурқувват кардани даста дар мавсими 2009 ба даста сармураббии ҷадид Салоҳиддин Ғафуров даъват шуд. Ҳамроҳи ӯ як зумра бозигарони пуртаҷриба ва ҷавон аз мунтахаби наврасони Тоҷикистон, ки соҳиби медалҳои биринҷии Ҷоми Осиё миёни наврасон дар Сингапур (2006) ва иштирокчиёни Ҷоми Ҷаҳон миёни наврасон дар Куриёи Ҷанубӣ (2007) буданд, ба даста пайвастанд.[3]. «Истиқлол» аз 18 бозӣ - 11 ғалаба, 3 мусовӣ ва 4 бозиро бохта, бо 36 хол ҷои чорумро ишғол кард. Ҳамзамон даста дар мусобиқаи анъанавии зимистонӣ-баҳории Рустам Долтабоев ва Ҷоми миллии Тоҷикистон иштирок намуда, соҳиби ҳарду ҷом шуд.

Ҳет-трики аввалин[вироиш | вироиши манбаъ]

Дар соли 2010 «Истиқлол» бо усулҳои хосси бозии худ тавонист, қаҳрамони Лигаи олии Тоҷикистон шавад. «Истиқлол» қаҳрамони секаратаи кишвар дастаи «Вахш»-и Қӯрғонтеппаро бо ҳисоби 2:0 мағлуб намуда, ғолиби нахустин Суперҷоми Тоҷикистон дар таърихи футболи тоҷик шуд. Дар мусобиқаи ниҳоӣ барои Ҷоми Тоҷикистон (2010), ки чун анъана 5 октябр − дар рӯзи таваллуди Президенти Ҷумҳурии Тоҷикистон Эмомалӣ Раҳмон баргузор мешуд, «Истиқлол» дастаи «Хуҷанд»-ро бо ҳисоби 5:0 мағлуб кард.

Омадани Алимҷон Рафиқов[вироиш | вироиши манбаъ]

Даври якуми чемпионати миллӣ барои «Истиқлол» чандон бобарор набуд: дар миёнаҳои даври дуюм сармураббӣ Салоҳиддин Ғафуров аз вазифа сабукдӯш шуд ва роҳбарияти даста ба ҷои ӯ Алимҷон Рафиқов − собиқ ҳимоятгари маъруфи дастаи «Помир»-и Душанбе (хатмкардаи Мактаби олии сармураббиёни Маскав ва дорои иҷозатномаи дараҷаи «В»)-ро даъват кард. Бо омадани мураббии нав даста таҷдид гардид ва баъди чанд бозӣ «Истиқлол» дар ҷадвали мусибиқот пешсаф шуд. Дар чемпионати соли 2010 «Истиқлол» дар 32 бозӣ боре мағлуб нашуд ва дар 26 бозӣ ғолиб омада, 6 бозиро мусовӣ анҷом дод ва соҳиби 84 хол гашт. Дар ҷамъбасти мусобиқаҳои соли 2010 ҳамлагар ва сарвони даста Юсуф Рабиев (бо 30 голи задааш) «Футболбози беҳтарини Тоҷикистон», Эраҷ Раҷабов «Ҳимоятгари беҳтарин» ва Алимҷон Рафиқов «Сармураббии беҳтарини сол» эълон шуданд. Дар мавсими футболи соли 2010 «Истиқлол» ғолиби чемпионати Тоҷикистон гашта, дар таърихи футболи тоҷик аввалин шуда, барои ширкат дар мусобиқаҳои «Ҷоми Иттиҳод‒2011» ва Ҷоми Президенти КФО‒2011 (Конфедеросиюни футболи Осиё) ҳуқуқ пайдо кард. Соли 2011 низ «Истиқлол» қаҳрамони Лигаи олӣ ва Суперҷоми Тоҷикистонро соҳиб шуд. Дар ҷамъбасти сол Алишер Тӯйчиев «Дарвозабони беҳтарин», Юсуф Рабиев (бо 32 голи задааш) «Ҳамлагари беҳтарин» эътироф шуданд.

Никола Кавазович ва нахустин Ҷоми байналмилалӣ[вироиш | вироиши манбаъ]

Мавсими соли 2012-ро «Истиқлол» бо муваффақият оғоз кард: таҳти роҳбарии сармураббии нав ‒ Н. Кавазович даста бори сеюм Ҷоми олии ҷумҳуриро ба даст овард. Ҳамон сол «Истиқлол» дар чемпионати Тоҷикистон соҳиби медали биринҷӣ ва Ҷоми Президенти КФО шуда, А. Тӯйчиев «Дарвозабони беҳтарин», Н. Давронов «Нимҳимоятгари беҳтарин», капитани даста Д. Восиев «Ҳамлагари беҳтарин» ва «Футболбози беҳтарини сол» эълон гардиданд.

Омадани Олег Ширинбеков[вироиш | вироиши манбаъ]

Дар даври якуми чемпионати Тоҷикистон (2013) «Истиқлол» дар 9 бозӣ 8 ғолибият ба даст оварда, баъди бохт ба дастаи «Равшан»-и Кӯлоб (1:0) сармураббӣ Н. Кавазович ба истеъфо рафт. Сармурабии нави даста О. Ширинбеков (дар гузашта нимҳимоятгари маъруфи дастаҳои футболи «Помир»-и Душанбе, «Торпедо»-и Маскав ва мунтахаби ИҶШС) таъйин гардид, ки дар ҷамъбасти мавсим «Истиқлол» -ро ба гирифтани медали нуқраи чемпионати Тоҷикистон ва Ҷоми миллӣ мушараф сохт. Дар ин сол А. Тӯйчиев бори сеюм «Дарвозабони беҳтарин», Д. Восиев бори дуюм «Футболбози беҳтарини сол» ва Суҳроб Ҳусейнӣ (узви эронии даста) «Нишонзанӣ беҳтарин»-и чемпионати Тоҷикистон шуданд.

Мубин Эргашев[вироиш | вироиши манбаъ]

Моҳи январи соли 2014 ба ҷои О. Ширинбеков М. Эргашев сармураббии даста шуд. Баъдан «Истиқлол» дар тамоми мусобиқаҳои дохилии кишвар пирӯз гардид. Моҳи феврал дар мусобиқаи байналмилалии Ҷоми осоишгоҳи «Баҳористон» бо иштироки дастаҳои футболи ҷумҳуриҳои Тоҷикистон ва Қазоқистон «Истиқлол» 5 ғалаба ба даст оварда, соҳиби ҷоми мазкур гашт. Сипас Ҷоми ФФТ ва Ҷоми олии Тоҷикистонро низ ба даст овард. Ҳамон сол «Истиқлол» бори сеюм чемпиони Тоҷикистон ва бори чорум соҳиби Ҷоми Тоҷикистон шуд.

Бори аввал дар Ҷоми КФО (AFC)[вироиш | вироиши манбаъ]

Дар мавсими соли 2015 «Истиқлол» дар мусобиқаҳо барои Ҷоми КФО аввалин шуда, то давраи ниҳоӣ роҳ ёфт ва ширкатдори муваффақи он гардид. Дар мусобиқаҳои дохили кишвар «Истиқлол» бори дуюм соҳиби Ҷоми осоишгоҳи «Баҳористон», Ҷоми ФФТ, бори панҷум Ҷоми олии Тоҷикистон, бори чорум медали тилои чемпионати миллӣ гашта, дар мусобиқаи ниҳоии мавсим бори панҷум Ҷоми миллиро ба даст овард. Дар мавсими соли 2016 «Истиқлол» дар мусобиқот барои Ҷоми КФО аз гурӯҳҳо баромада натавонист. Баъди даври якуми мусобиқот Н. Юсуфов иҷрокунандаи муваққатии вазифаи сармураббии даста таъйин шуд. Дар ҷамъбасти мавсими футбол «Истиқлол» бори панҷум соҳиби медали тило ва бори шашум ғолиби мусобиқаҳои Ҷоми кишвар гардид.

Дар мавсими соли 2017-2018 дастаи «Истиқлол»-и Душанбе бори чорум барандаи Ҷоми Федератсияи футболи Тоҷикистон (ФФТ) шуд.[4]

Роҳбарият ва кормандон[вироиш | вироиши манбаъ]

Вазифа Ном
Президент Парчами Тоҷикистон Шоҳрӯх Саидзода
Сардори даста Парчами Тоҷикистон Ҷалилов Ҷаҳонгир Фатҳуллоевич
Менеҷер Парчами Тоҷикистон Сулаймонов Шаҳзод Тоҷиддинович
Сухангӯ Парчами Тоҷикистон Ҳакимов Рустам Абдурасулович
Аккос - оператор Парчами Тоҷикистон Расулов Сиёвуш Тоҳирович

Ҳайати мураббиён[вироиш | вироиши манбаъ]

Вазифа Ном
Сармураббӣ Парчами Тоҷикистон Парчами Укроин Виталий Левченко
Мураббии калон Парчами Тоҷикистон Алишер Тухтаев
Мураббӣ Парчами Тоҷикистон Анвар Норқулов
Мураббии дарвозабонҳо Парчами Тоҷикистон Фаррух Бердиев
Мудир Парчами Тоҷикистон Одил Эргашев
Сардухтур Парчами Тоҷикистон Фаррух Авезов
Духтур Парчами Тоҷикистон Эркин Додоҷонов
Сармураббии тими ҷавонон Парчами Тоҷикистон Рустам Қурбонов
Сармураббии тими наврасон (то 17 сола) Парчами Тоҷикистон Далер Қаёсов

Бозигарони машҳур[вироиш | вироиши манбаъ]

Сармураббиён[вироиш | вироиши манбаъ]

Давра Сармураббӣ
2007—2009 Парчами Тоҷикистон Қаноат Латифов
2009—2010 Парчами Тоҷикистон Салоҳиддин Ғафуров
2010—2012 Парчами Тоҷикистон Парчами Русия Алимҷон Рафиқов
2012—2013 Парчами Сербия Никола Кавазович
2013 Парчами Тоҷикистон Парчами Русия Олег Ширинбеков
2014—2016 Парчами Тоҷикистон Мубин Эргашев
2016 Парчами Сербия Никола Лазаревич
2016—2018 Парчами Тоҷикистон Парчами Русия Муҳсин Муҳаммадиев
2018—2019 Парчами Тоҷикистон Парчами Русия Ҳаким Фузайлов
2019 Парчами Тоҷикистон Алишер Тухтаев (и.в)
2020 Парчами Тоҷикистон Мубин Эргашев
2020-то ҳол Парчами Тоҷикистон Парчами Укроин Виталий Левченко

Рангҳои бошгоҳ[вироиш | вироиши манбаъ]

Сурх Сиёҳ Сафед Сабз

Эзоҳ[вироиш | вироиши манбаъ]

Пайвандҳо[вироиш | вироиши манбаъ]