Истиқлол (бошгоҳи футбол)

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Парчами Тоҷикистон «Истиқлол»
Нишони бошгоҳ
Номи пурра Бошгоҳи футболи «Истиқлол» Душанбе
Лақаб Тоҷҳо
Таъсис 1 ноябри 2007
Майдон Стадиони марказии ҷумҳуриявии «Помир» (Душанбе)
Ғунҷоиш 24 000
Президент Парчами Тоҷикистон Шоҳрӯх Саидзода
Мураббӣ Парчами Тоҷикистон/Парчами Русия Муҳсин Муҳаммадиев
Капитан Парчами Тоҷикистон Фатҳулло Фатҳуллоев
Сарпараст Парчами Тоҷикистон Avesto
Сайт fc-istiklol.tj
Мусобиқа Лигаи олии чемпионати Тоҷикистон
2017 Қаҳрамони кунунӣ Қаҳрамон
Форма
Либбоси
асосӣ
Форма
Либоси
меҳмонӣ
Форма
Либоси
дуввум

«Истиқлол» (номи пурра:Клуби футболи «Истиқлол» Душанбе) — бошгоҳи Футбол Душанбе; яке аз дастаҳои маъруфи футболи Тоҷикистон, чемпиони кунунии лигаи олии Чемпионати Тоҷикистон ва Ҷоми футболи Тоҷикистон. «Истиқлол» чемпиони панҷкаратаи Тоҷикистон (2010, 2011, 2014, 2015, 2016), барандаи шашкаратаи Ҷоми Тоҷикистон (2009, 2010, 2013, 2014, 2015, 2016), Ҷоми олии Тоҷикистон (2010, 2011, 2012, 2014, 2015, 2016), барандаи Ҷоми Президенти Конфедератсияи футболи Осиё (КФО, 2012,).

Таъсис ва таърихи клуб[вироиш]

Клуби футболи «Истиқлол» Душанбе моҳи ноябри соли 2007 таъсис ёфтааст. Президенти клуби «Истиқлол» − Шоҳрух Саидов. Сармураббии даста − Муҳсин Муҳаммадиев (аз ноябри 2016). Капитани даста − Дилшод Восиев. Пойгоҳи асосии «Истиқлол» − Варзишгоҳи марказии шаҳри Душанбе.

Дар мавсими бозиҳои футболи соли 2008 «Истиқлол» дар чемпионати Тоҷикистон байни дастаҳои лигаи якум дар 35 бозӣ ғолиб шуда (таҳти роҳбарии сармураббӣ Қ. Латифов), ҳуқуқи дар лигаи олӣ бозӣ карданро пайдо кард. Дар лигаи олии чемпионати Тоҷикистон (2009) «Истиқлол» (таҳти роҳбарии сармураббӣ С. Ғафуров) бо як зумра бозигарони ҷавони ботаҷриба, ки аз мактаби дастаи мунтахаби футболбозони навраси Тоҷикистон гузашта буданд, ба сабқат шуруъ кард. Дар 18 мусобиқа 11 ғалаба ба даст оварда, 3 бозиро мусовӣ намуд ва 4 бозиро бохта, бо 36 хол ҷои чорумро ишғол кард. Ҳамзамон дар мусобиқаи анъанавии зимистона ва баҳории Рустам Долтабоев ва Ҷоми миллии ҷумҳурӣ ғолиб шуд. Дар соли 2010 «Истиқлол» бо усулҳои хосси бозии худ тавонист, ки Ҷоми олӣ ва Ҷоми миллиро ба даст оварда, чемпиони Тоҷикистон шавад. Дар таърихи футболи тоҷик бори нахуст «Истиқлол» дастаи чемпиони секаратаи кишвар − «Вахш»-и Қӯрғонтеппаро бо ҳисоби 2:0 мағлуб намуда, Ҷоми олии Тоҷикистонро соҳиб шуд. Дар мусобиқаи ниҳоӣ барои Ҷоми Тоҷикистон (2010), ки чун анъана 5 октябр − дар рӯзи таваллуди Президенти Ҷумҳурии Тоҷикистон Эмомалӣ Раҳмон баргузор мешуд, «Истиқлол» дастаи «Хуҷанд»-ро бо ҳисоби 5:0 мағлуб кард. Даври якуми чемпионати миллӣ барои «Истиқлол» чандон бобарор набуд: дар миёнаҳои даври дуюм сармураббӣ С. Ғафуров аз вазифа сабукдӯш шуд ва роҳбарияти клуб ба ҷои ӯ А. Рафиқов − собиқ ҳимоятгари маъруфи дастаи «Помир»-и Душанбе (хатмкардаи Мактаби олии сармураббиёни Маскав ва дорои иҷозатномаи дараҷаи «В»)-ро даъват кард. Бо омадани мураббии нав даста таҷдид гардид ва баъди чанд бозӣ «Истиқлол» дар ҷадвали мусибиқот пешсаф шуд. Дар чемпионати соли 2010 «Истиқлол» дар 32 бозӣ боре мағлуб нашуд ва дар 26 бозӣ ғолиб омада, 5 бозиро мусовӣ анҷом дод ва соҳиби 84 хол гашт. Дар ҷамъбасти мусобиқаҳои соли 2010 капитани даста ва ҳамлагар Ю. Рабиев (бо 30 тӯби ба дарвозаи ҳарифон вориднамудааш) «Футболбози беҳтарини Тоҷикистон», Э. Раҷабов «Ҳимоятгари беҳтарин» ва А. Рафиқов «Сармураббии беҳтарини сол» эълон шуданд. Дар дастаи «Истиқлол» бисёр бозигарони ҷавон ва умедбахш шомиланд, ки аъзои дастаҳои мунтахаби миллӣ, ҷавонон, олимпӣ ва наврасони Тоҷикистон мебошанд. Дар мавсими футболи соли 2010 «Истиқлол» ғолиби чемпионати Тоҷикистон гашта, дар таърихи футболи тоҷик аввалин шуда, барои ширкат дар мусобиқаҳои «Ҷоми Иттиҳод‒2011» ва Ҷоми Президенти КФО‒2011 (Конфедератсияи футболи Осиё) ҳуқуқ пайдо кард. Соли 2011 низ «Истиқлол» Ҷоми олӣ ва Ҷоми миллии чемпионати Тоҷикистонро соҳиб шуд. Дар ҷамъбасти сол А. Тӯйчиев «Дарвозабони беҳтарин», Ю. Рабиев (бо 32 тӯби задааш) «Ҳамлагари беҳтарин» эътироф шуданд. Мавсими соли 2012-ро «Истиқлол» бо муваффақият оғоз кард: таҳти роҳбарии сармураббии нав ‒ Н. Кавазович даста бори сеюм Ҷоми олии ҷумҳуриро ба даст овард. Ҳамон сол «Истиқлол» дар чемпионати Тоҷикистон соҳиби медали биринҷӣ ва Ҷоми Президенти КФО шуда, А. Тӯйчиев «Дарвозабони беҳтарин», Н. Давронов «Нимҳимоятгари беҳтарин», капитани даста Д. Восиев «Ҳамлагари беҳтарин» ва «Футболбози беҳтарини сол» эълон гардиданд. Дар даври якуми чемпионати Тоҷикистон (2013) «Истиқлол» дар 9 бозӣ 8 ғолибият ба даст оварда, баъди бохт ба дастаи «Равшан»-и Кӯлоб (1:0) сармураббӣ Н. Кавазович ба истеъфо рафт. Сармурабии нави даста О. Ширинбеков (дар гузашта нимҳимоятгари маъруфи дастаҳои футболи «Помир»-и Душанбе, «Торпедо»-и Маскав ва мунтахаби ИҶШС) таъин гардид, ки дар ҷамъбасти мавсим «Истиқлол» -ро ба гирифтани медали нуқраи чемпионати Тоҷикистон ва Ҷоми миллӣ мушараф сохт. Дар ин сол А. Тӯйчиев бори сеюм «Дарвозабони беҳтарин», Д. Восиев бори дуюм «Футболбози беҳтарини сол» ва Ҳусейни Сӯҳроб (узви эронии даста) «Нишонзанӣ беҳтарин»-и чемпионати Тоҷикистон шуданд. Моҳи январи соли 2014 ба ҷои О. Ширинбеков М. Эргашев сармураббии даста шуд. Баъдан «Истиқлол» дар тамоми мусобиқаҳои дохилии кишвар пирӯз гардид. Моҳи феврал дар мусобиқаи байналмилалии Ҷоми осоишгоҳи «Баҳористон» бо иштироки дастаҳои футболи ҷумҳуриҳои Тоҷикистон ва Қазоқистон «Истиқлол» 5 ғалаба ба даст оварда, соҳиби ҷоми мазкур гашт. Сипас Ҷоми ФФТ ва Ҷоми олии Тоҷикистонро низ ба даст овард. Ҳамон сол «Истиқлол» бори сеюм чемпиони Тоҷикистон ва бори чорум соҳиби Ҷоми Тоҷикистон шуд. Дар мавсими соли 2015 «Истиқлол» дар мусобиқаҳо барои Ҷоми КФО аввалин шуда, то давраи ниҳоӣ роҳ ёфт ва ширкатдори муваффақи он гардид. Дар мусобиқаҳои дохили кишвар «Истиқлол» бори дуюм соҳиби Ҷоми осоишгоҳи «Баҳористон», Ҷоми ФФТ, бори панҷум Ҷоми олии Тоҷикистон, бори чорум медали тилои чемпионати миллӣ гашта, дар мусобиқаи ниҳоии мавсим бори панҷум Ҷоми миллиро ба даст овард. Дар мавсими соли 2016 «Истиқлол» дар мусобиқот барои Ҷоми КФО аз гурӯҳҳо баромада натавонист. Баъди даври якуми мусобиқот Н. Юсуфов иҷрокунандаи муваққатии вазифаи сармураббии даста таъин шуд. Дар ҷамъбасти мавсими футбол «Истиқлол» бори панҷум соҳиби медали тилло ва бори шашум ғолиби мусобиқаҳои Ҷоми кишвар гардид.

Дар мавсими соли 2017-2018 дастаи «Истиқлол»-и Душанбе бори чорум барандаи Ҷоми Федератсияи футболи Тоҷикистон (ФФТ) шуд. [1]

Роҳбарият ва кормандон[вироиш]

Вазифа Ном
Президент Парчами Тоҷикистон Шоҳрӯх Саидзода
Сардори даста Парчами Тоҷикистон Ҷаҳонгир Ҷалилов
Менеҷер Парчами Тоҷикистон Шаҳзод Сулаймонов
Сухангӯ Парчами Тоҷикистон Рустам Ҳакимов
Аккос - оператор Парчами Тоҷикистон Сиёвуш Каримов

Бозигарони машҳур[вироиш]

Сармураббиён[вироиш]

Давра Сармураббӣ
2007—2009 Парчами Тоҷикистон Қаноат Латифов
2009—2010 Парчами Тоҷикистон Салоҳиддин Ғафуров
2010—2012 Парчами Тоҷикистон/Парчами Русия Алимҷон Рафиқов
2012—2013 Парчами Сербия Никола Кавазович
2013 Парчами Тоҷикистон/Парчами Русия Олег Ширинбеков
2014—2016 Парчами Тоҷикистон Мубин Эргашев
2016 Парчами Сербия Никола Лазаревич
2016—то ҳол Парчами Тоҷикистон/Парчами Русия Муҳсин Муҳаммадиев

Рангҳои бошгоҳ[вироиш]

Сурх Сиёҳ Сафед Сабз

Эзоҳ[вироиш]

Пайвандҳо[вироиш]