Каан Ӯрганҷиоғлу

Каан Ӯрганҷиоғлу
Каан Ӯрганҷиоғлу
	тур. Kaan Urgancıoğlu
Ном ба ҳангоми таваллуд:	тур. Kaan Urgancıoğlu
Таърихи таваллуд:	8 май 1981 (43 сол)
Зодгоҳ:	Измир, Туркия
Шаҳрвандӣ:	Туркия
Касб:	ҳунарпеша
Корнома:	2002–то ҳол
Самт:	силсилафилм, синамо
IMDb:	ID 1284648
	Парвандаҳо дар Викианбор

Каан Ӯрганҷиоғлу (тур. Kaan Urgancıoğlu); тав. 8 майи 1981, Измир, Туркия) — ҳунарпешаи турк.

Зиндагинома

Каан дар Измир ба дунё омадааст. Падараш измирӣ ва модараш арабу албанӣ мебошад. Ӯ мактаби миёнаи хусусиро дар он ҷо хатм карда, сипас бо оилааш ба Амрико кӯчидааст. Дар онҷо коллеҷро хатм намуда соли 2000 Каан ба Туркия баргашт. Дар он ҷо ба донишгоҳ дохил шуда, онро соли 2007 хатм кардааст. Соли 2002, коргардон Абдуллоҳ Оғуз Каанро мушоҳида намуд ва пешниҳод кард, ки ҳунари ӯро дар силсилафилми "Karaoğlan" бисанҷад. Каан аз кастинг гузашт ва барои нақш қабул карда шуд ва тамоми нозукиҳои ҳунарро Каан ба омӯхтан шурӯъ кард. Соли 2008 ба Ню Йорк рафт, то дар курси 4-моҳа дар Stella Adler Studios таҳсил кунад. Ӯ дар филмномаи худ тақрибан 30 филм дорад.

Фаъолият

Аввалин лоиҳаи Каан ин силсилафилми хурди ҳодисавии "Karaoğlan" буд, ки нақши марказиро бозидааст - сужа дар бораи муқобилат байни хонадони давлати Муғулҳо пас аз марги Чингизхон мебошад. Он замон Каан маълумоти театрӣ надошт. Ба қарори коргардон, ки ӯ аспсавориро хуб медонад - ин маҳорат барои қаҳрамон бениҳоят муҳим аст, ӯ қабул шуд. Нақши бозидаи ӯ хурд буд, аммо он нақшаҳои ӯро дар оянда тағйир дод. Дарҳол пас аз бозгашт ба Истанбул, ба ӯ пешниҳод шуд, ки дар силсилафилми кӯтоҳи "Kampüsistan" нақши Толга - донишҷӯро бозӣ кунад. Ин филми ҳаҷвӣ баҳои баланд ба даст овардааст. 2006 якбора се лоиҳаро ба ӯ овард: "Корманди полис шавед" (Ah Polis Olsam), ""Роҳи ҳалокат" (Azap Yolu) ва "Муҳаббати аввал" (İlk Aşk). Соли 2008 ӯ дар мелодрамаи машҳури Limon Agaci нақш бозидааст. Банаворгирии силсилафилм дар деҳаи сайёҳии Гечек дар соҳили баҳр сурат гирифт. Нақши ӯ Каан - марди ошиқ ва румонтикӣ меӣошад. Боре ӯ дар бозор духтареро мебинад Парӣ. Ҳиссиёт дарҳол дар байни ҷуфтҳо пайдо шуд. Ба хотири ӯ, вай аз метрополитен ба вилоят мекӯчад. Дар мусоҳиба ҳунарманд эътироф кард, ки дар ҳаёти воқеӣ ӯ барои чунин амал барои шахси дӯстдоштааш омода аст.

Нақшҳои дугонаи Каан Ӯрганҷиоғлу ва Мурод Экен дар силсилафилми "Бародарони душман" (Düşman Kardeşler, 2012), аз ҷониби тамошобинони бисёр кишварҳо баҳои баланд дода шуданд. Мувофиқи сужа, Аҳмад ва Меҳмет душмананд, аммо дар маҷмӯъ онҳо хеле наздик шуданд. Ин ҳаҷв дар бораи ду бародари булғорӣ мебошад, ки то 30-солагӣ дар бораи робитаи оилаи худ намедонистанд ва аз ҳамдигар нафрат доштанд. Филм дар Ғелиболу дар нимҷазираи Галиполӣ сурат гирифт - манзараҳои он ҷойҳо ба деҳаи Булғористони Тракия монанданд.

Ӯрганҷиоғлу соли 2013 дар силсилафилми И.Ш.Қ (A.S.K) нақши дуюмдараҷаро бозидааст. Қаҳрамони ӯ - Ҷон Вурал як марди сарватманди бетаҷрибаро тасвир намудааст, ки писари ягонаест ва бовар дорад, ки пул ҳама чиз аст. Ӯ ба осонӣ ба духтарон ноил мешавад, аммо орзуи сохтани оилаи мустаҳкамро орзу мекунад. Дар ин силсилафилм, ситораҳои синамои Туркия кор кардаанд: коргардон Омур Олтой, ҳунарпешаҳо Набоҳат Чеҳра, ки модари Ҷон ва Ҳазал Кая дӯстдоштаи ӯро бозидаанд.

Берун аз Туркия ӯро нақши Амир дар силсилафилми машҳур ва муваффақи "Ишқи сиёҳ" (Kara Sevda, 2015-2017) шинохта намудааст, ки қаҳрамони ӯ рақиби асосиро тасвир намудааст^[2]. Дар силсилафилм ӯ як шахси мушкилест, ки зиндагии нофаҳмо дорад: ӯ ба дигарон ҳасад мебарад ва аз зани радшуда интиқом мегирад ва ҳар рӯз зиндагии ӯро ба даҳшат табдил медиҳад. Бо вуҷуди ин, ону ӯ маҳбубтарин дар байни тамошобинон гардид. Худи ҳунарпеша ин хислатро чунин шарҳ медиҳад: "Духтаронро мардоне ҷалб мекунанд, ки таслим намешаванд". Ӯ дар миёни ҳунарпешаҳои маъруф Бурак Озчивит, Наслихон Атогул, Заррин Текиндор ва дигарон ҳунарнамоӣ намудааст.

Соли 2018 ҳунарпеша нақши аввалини худро дар филми хориҷии Jack Ryan иҷро кард. Соли 2020 ӯ дар силсилафилми интернетии Netflix "Ишқ 101" (Love 101), бо Мерт Язиҷиоғлу, Алина Боз, Салоҳиддин Пошолӣ, Бода Ишчил ва Кубилай Ака нақш офаридааст^[3].

Ҳаёти шахсӣ

Ҳаёти шахсии Каан Ӯрганҷиоғлу бо робитаҳои зиёди ошиқона пур шудааст. Аввалин робитаи ҷиддии ӯ бо духтаре бо номи Ниҳон 7 сол идома ёфтааст. Баъдан якчанд муддат бо ҳунарманд намояндаи баланди ҷамъиятӣ Дерин Мермерсӣ робита дошт. Аммо аллакай соли 2013, дили ӯ озод буд. Ба зудӣ Каан бо аккос Зайнаб Оймак мулоқот намуд. Духтари хоксор тавонист ҳунарпешаро дар назди худ нигоҳ дорад ва соли 2016 ҷуфт эъломи номзадияшонро намуданд. Тобистони соли 2017 онҳо издивоҷ намуданд.

Филмнома

Филм
Сол	Номгӯй	Бо тоҷикӣ	Нақш	Шарҳҳо
2005	Ispanaktan Nağmeler
2006	İlk Aşk		Ориф
2007	Son Ders: Aşk ve Üniversite		Улаш Атилла
2009	Büşra		Титрек
2010	Peşpeşe		Ҳорун
2014	Panzehir		Меҳмет
2015	Uzaklarda Arama		Тайфун
2019	Baron 2		Эҳсон	Филми ӯзбакӣ
2019	Gerçek Olamaz		Мурод
Силсилафилмҳо
Сол	Номгӯй	Бо тоҷикӣ	Нақш	Шарҳҳо
2002	Karaoğlan		Қараоғлан
2003	Kampüsistan		Толга
2004	Avrupa Yakası
2005	Yeniden Çalıkuşu		Алӣ
	Körfez Ateşi
	Sessiz Gece		Анил
	Seni Çok Özledim		Оташ Эртурч
2006	Gülpare	Гулпарӣ
	Ah Polis Olsam		Незиҳ
	Azap Yolu		Йигит
2007	Tutsak		Меҳмет
2008	Limon Ağacı		Каан
2009	Ayrılık		Дениз
2010	Canım Ailem		Талат
2010	Düriye'nin Güğümleri		Ӯмут
2011	Bir Ömür Yetmez		Эрен
2011	Leyla ile Mecnun	Лайли ва Маҷнун	Барқҷон
2012	Düşman Kardeşler		Меҳмет
	Son		Тайфун
	Acayip Hikayeler		Алпер
2013	A.Ş.K.	И.Ш.Қ	Ҷон
2015	Filinta^[4]		Отто Петровик
2015–2017	Kara Sevda	Ишқи сиёҳ	Амир Козҷиоғлу
2018	Jack Ryan		Дениз	Силсилафилми амрикоӣ дар Amazon Prime; 2 қисм
2020	Ask 101	Ишқ 101	Камол	Netflix

Ҷоизаҳо

2015: Ҷоизаи Ayaklı Gazete – "En İyi Yardımcı Erkek Oyuncu" ( Ишқи сиёҳ, Амир Козҷиоғлу)

Нигаред низ

Феҳристи ҳунарпешаҳои марди Туркия

Эзоҳ

↑ https://www.kimnereli.net/kaan-urgancioglu.html
↑ нусхаи бойгонӣ. 16 марти 2021 санҷида шуд. Баргирифта аз сарчашмаи аввал 14 Декабри 2019.
↑ https://www.netflix.com/title/81080697
↑ http://www.milliyet.com.tr/filinta-dizisi-4-bolumde-surpriz-magazin-1997974/

Пайвандҳо

[_b572ae01f74b4573-1] ttps://www.kimnereli.net/kaan-urgancioglu.html

[2] нусхаи бойгонӣ. 16 марти 2021 санҷида шуд. Баргирифта аз сарчашмаи аввал 14 Декабри 2019.

[3] ttps://www.netflix.com/title/81080697

[4] ttp://www.milliyet.com.tr/filinta-dizisi-4-bolumde-surpriz-magazin-1997974/

[1]

[2]

[3]

[4]

Дар шабакаҳои иҷтимоъӣ	Твиттер Инстаграм
Вебгоҳҳои мавзӯъӣ	AlloCiné Бонки Иттилоотии Интернетии Филмҳо Кинопоиск Rotten Tomatoes