Маска

Мавод аз Википедиа — донишномаи озод
Jump to navigation Jump to search

Маска — як навъ маҳсулоти хӯрокӣ: контсентрати равғани шир (вобаста ба навъ 78-82,5 %, дар равғани доғ қариб 99 %). Маска дорои комплекси кислотаҳои равған, миқдори зиёди фосватидҳо (400 мг%), витаминҳои дар равғану об ҳалшаванда, ангиштоб, сафеда, об ва намакҳои минералӣ буда, организм онро ба осонӣ ҳазм (то 95 %) мекунад. Каллориянокиаш 730 ккал /100 г. Дар таркиби маска ба ҳисоби миёна 0,6 мг% витамини А, 0,001-0,008 мг% витамини Д, 2,5 % токоферолҳо ҳаст. Маска дар сарзамини тоҷик, аз ҷумла дар водии Ҳисор аз қадим маълум буда, онро аз шир, ҷурғот, қаймоқи гов бо ёрии гуппӣ ё чархчӯб ҳосил мекунанд.[1]


Адабиёт[вироиш]

  • Саймиддинов Д. Вожашиносии забони форсии миёна. — Душанбе: Пайванд, 2001;
  • Фарҳанги забони тоҷикӣ. Ҷ. 2. — М: Советская Энциклопедия, 1969;
  • Шовалиева М. История кулинарной культуры таджикского народа. — Душанбе: Дониш, 2015.

Пайнавиштҳо[вироиш]

  1. Донишномаи Ҳисор. — Душанбе: «Ирфон», 2015, — с. 551—552