Мастибек Паллаев

Мастибек Паллаев
Таърихи таваллуд	10 октябр 1939(1939-10-10)
Зодгоҳ	ноҳияи Рӯшон, Вилояти мухтори Кӯҳистони Бадахшон, ҶШС Тоҷикистон, ИҶШС
Таърихи даргузашт	30 январ 1984(1984-01-30) (44 сол)
Маҳалли даргузашт	Душанбе, ҶШС Тоҷикистон, ИҶШС
Кишвар	ИҶШС
Пеша(ҳо)	овозхон, мазҳакабоз
Ҷоизаҳо	Ҳунарпешаи хидматнишондодаи ҶШС Тоҷикистон (1974)

Мастибек Паллаев (10 октябр 1939, ноҳияи Рӯшон, Вилояти мухтори Кӯҳистони Бадахшон — 30 январ 1984, Душанбе) — овозхон, ширинкор, Ҳунарпешаи шоистаи ҶШС Тоҷикистон (1974).

Зиндагинома

Соли 1979 ғоибона Донишкадаи ҳунарҳои зебои Тоҷикистонро ба итмом расондааст. Аз соли 1958 дар ансамбли тарона ва рақси «Помир» ва аз соли 1960 то поёни умр дар Филармонияи давлатии Тоҷикистон сурудхонӣ кардааст. Бо тахаллуси Масто машҳур буд ва ҳамроҳи Усто (Устоқадам Машрабов) саҳнаҳои ҳаҷвӣ, интермедияҳо, этюдҳо ва сурудҳои ширинкоронаи замонавӣ эҷод карда, симои роҳбарони фориғболу бепарво, мунофиқон, оилабезорон, майпарас­тон, олуфта­сатангони корбезор ва амсоли онҳоро ба намоиш мегузоштанд."Эшон Шаҳристон рафтанд", «Муфаттиш», «Тақсими кор», «Му­дири анбор», «Усто-ризо, Масто-ризо», «Қалин», «Хизмати олӣ карданд», «Аз мо чӣ ҳосил», «Мода шуд» барин дуэтҳояшон вирди забонҳо гардиданд. Мутаассифона, баъди фавти фоҷиаомези ин ду санъаткор дигар амалан касе равиши ҳунарашонро пайгирӣ накард.

Адабиёт

• Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.