Мирзо Бобоев

Бобоев Мирзо Бобоевич
Бобоев Мирзо Бобоевич
Раиси Кумитаи банақшагирии давлатии ҶШС Тоҷикистон
	30 ноябри 1983 — соли 1988
Пешгузашта	Қаҳҳор Маҳкамов
Ҷонишин	Бурӣ Каримов
Таваллуд	5 июл 1926; Кӯлоб;
Даргузашт	9 май 2016 (89 сол); Душанбе, Тоҷикистон
Ҳизб	КПСС
Таҳсилот	Мактаби олии ҳизбӣ (Тошканд) ; Университети Давлатии Тоҷикистон ба номи В.И. Ленин

Мирзо Бобоев (5 июли 1926, Кӯлоб, вилояти Кӯлоб, ҶМШС Тоҷикистон — 9 майи 2016, Душанбе, Тоҷикистон) — арбоби ҳизбию давлатӣ, Қаҳрамони Меҳнати Сотсиалистӣ (1971).

Зиндагинома

Солҳои 1944-50 хидмат дар Артиши Шӯравӣ, 1950-52 нозири Вазорати маҳсулоттайёркунии ИҶШС дар вил. Кӯлоб, 1952-53 муовини намоянда ва намояндаи Вазорати маҳсулоттайёркунии ИҶШС дар ноҳияи Данғара ва Ховалинг, 1953-54 сардори шуъбаи кишоварзӣ ва маҳсулоттайёркунии ноҳияи Ховалинг, 1955-56 раиси комиҷроияи ноҳияи Ховалинг, 1956-57 мудири шуъбаи комитети ҳизбии ноҳияи Темурмалик, 1957-58 муовини раиси комиҷроияи ноҳияи Совет (ҳоло Темурмалик), 1958-62 шунавандаи мактаби олии ҳизбии шаҳри Тошканд, 1962-63 директори хоҷагии «Муъминобод»-и ноҳияи Кӯлоб. 1963-64 раиси комиҷроия, 1964-65 котиб ва 1965-73 котиби якуми комитети ҳизбии ноҳияи Восеъ, 1973—1983 котиби КМ ҲК Тоҷикистон, 1983-87 муовини Раиси Шӯрои Вазирон, раиси Госплани ҷумҳурӣ буд. Б. барои пешрафти кишоварзӣ дар ҷумҳурӣ хидматҳои арзанда намуда, дар таҳияву тарҳрезии ободонии минтақаҳои кӯҳистон, пешбурди боғу токпарварӣ саҳм гузоштааст. Аз соли 1986 нафақагири шахсӣ. Дар матбуоти даврӣ оид ба мушкилот ва пешбурди соҳаи кишоварзӣ чандин мақолаи муҳим дарҷ намудааст. Ҳамчун воқеанигор ва публисист низ доир ба талошу пайкарҳои овони истиқлол ва бурду бохти даврони рукуду бозсозӣ, мушкилоту ҳангомаҳои давлатсозии навини тоҷикон китобҳои зеринро институтишор кардааст: «Сатрҳо аз зиндагӣ» (2000), «Андешаҳо» (2007), «Чаро камбизоатем» (2012) ва «Взгляд» (русӣ, 2006). Депутати Шӯрои Олии ҶШС Тоҷикистон (даъватҳои 7-9).

Ордену медалҳо

Бо орденҳои Ленин, Револютсияи Октябр, Байрақи Сурхи Меҳнат, медалҳо ва Ифтихорномаҳои Раёсати Шӯрои Олии ҶШС Тоҷикистон сарфароз гардидааст.

Эзоҳ

Сарчашма

Бобоев Мирзо / Б. Абдураҳмонов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.