Салими Аюбзод

Мавод аз Википедиа — донишномаи озод
Jump to navigation Jump to search
Салими Аюбзод
267x400px
Санаи таваллуд:

18 август 1960(1960-08-18) (58 сол)

Зодгоҳ:

Ноҳияи МастчоҳҶШС Тоҷикистон

Шаҳрвандӣ:

 Тоҷикистон Тоҷикистон

Навъи фаъолият:

блогнавис,нависанда,хабарнигор

Салими Аюбзод (1960) - нависанда, хабарнигор ва блогнависи тоҷик. Барандаи Ҷоизаи аввали Конфедератсиюни иттифоқҳои журналистии Ҷомеаи кишварҳои ҳамсуд дар соли 1991 ва Ҷоизаи ба номи Отахон Латифӣ дар соли 2017.

Зиндагинома[вироиш]

18 августи соли 1960 дар ноҳияи Мастчоҳ ба дунё омадааст. Дар солҳои таҳсил дар мактаби миёна хабару мақола, ҳикоя ва латифаҳои ӯ дар нашрияҳои бачагонаи Тоҷикистон ба табъ расидаанд. Пас аз хатми Донишгоҳи давлатии Тоҷикистон дар нашрияҳои гуногун дар ш. Душанбе ва Маскав кор кардааст. Мудири бахши сиёсӣ ва иҷтимоии ҳафтаномаи "Адабиёт ва санъат", ноиби сардабири "Ҳафтганҷ" ва сардабири нашрияи "Чароғи рӯз" буд. Солҳои 1991-92 гузоришгари оҷонси хабарии НЕГА ва раиси намояндагии созмони АСМО-ПРЕСС дар Тоҷикистон буд. Дар соли 1992 ба Маскав кӯчид ва котиби масъули ҳафтаномаи "Голос", сипас таҳлилгари "Независимая газета" таъйин шуд.

Фаъолият дар Радиои Озодӣ[вироиш]

Аз соли 1990 хабарнигор ва аз 1995 корманди Дафтари марказии Радиои Озодист. Амалан ӯ аввалин шаҳрванди Тоҷикистон аст, ки бо ин расона ҳамкорӣ карда ва барои кор ба он даъват шудааст. Дар солҳои 1992-1995 хабарнигори Радиои Озодӣ дар Русия ва Иттиҳоди Давлатҳои Муштаракулманофеъ буд. Ба ҳайси хабарнигор дар аксари даврҳои гуфтушуниди сулҳи Тоҷикистон (1994-1997) ширкат ва аз ҷараёни онҳо гузориш додааст. Дар ин бора силсилаи шашқисмаи "Фақат ба хотири сулҳ"-ро омода ва дар радио пахш намуд.

Дар соли 1999 силсилаи гузоришҳои вижаро таҳти унвони "Сад ранги сад сол" ("Тоҷикон дар қарни бистум")-ро ки аз 30 бахш иборат буд таҳия ва пахш кард. Соли 2002 матни ин барномаҳо дар шакли китоб ба нашр расид ва дар шаҳри Душанбе муррафӣ шуд. Ин китоб аз тарафи олими намоёни афғон Наҷми Ковиёнӣ ба хатти форсӣ баргардон ва дар Олмон ба нашр расид. Дар силсилаи мазкур муаллиф ба пажӯҳиши таърихи афкори сиёсӣ ва иҷтимоии тоҷикон пардохта,чеҳраҳои боризи миллии садаи 20-и тоҷикон ва рӯйдодҳои сарнавиштсози ҳаёти ин халқро ба тасвир гирифт. Китоби ӯ ва солномаи он, ки ба забони англисӣ аз тарафи олими намоёни эронитабори Иёлоти Муттаҳидаи Амрико Эраҷи Баширӣ омода шудааст, дар бархе аз донишгоҳҳои Амрико ба ҳайси таърихи навтарини тоҷикон омӯхта мешавад.

Аз соли 2000 ба ин тараф ӯ ба расонаҳои нав таваҷҷӯҳ кард ва нахустин сомонаи интернетии тоҷикиии кириллиро дар Радиои Озодӣ таъсис дод. Дар он вақт ҳуруфи кириллии тоҷикӣ дар низоми Микрософт мавҷуд набуд ва Радиои Озодӣ аввалин бор ҳуруфи кириллии тоҷикии махсуси ин сомонаро ба вуҷуд овард. Торнамои Радиои Озодӣ, ки солҳои тӯлонӣ аз тарафи Салими Аюбзод сарварӣ мешуд, муддатҳои зиёде аз пурхонандатарин расонаҳо нави тоҷикии кириллӣ боқӣ мондааст. Аввалин таҷрибаҳои интерактивиро маҳз ҳамон сомона роҳандозӣ ва дастандаркорони тоҷик ошно сохт.[1]

Яке аз пешгомони ҳаракати блоггерҳо ё блогнависони тоҷик буда, дар таъсиси даҳҳо блог саҳм гирифтааст ва блоги худи ӯ "Нигариш ва кандуков" мавзӯъҳои ҷолиберо матраҳ намуда, аз пурхонандатарин блогҳои тоҷикӣ ба шумор меравад.[2]

Аз соли 2015 ба ин су мудири Бахши хабарии кишварҳои Осиёи Марказӣ дар Радиои Аврупои Озод/Радиои Озодист. Кори ин бахш ба густариши табодули хабар, аксу видео ва гузоришҳои садоӣ дар миёни давлатҳои Осиёи Марказӣ, кумак ба истиқлолияти иттилоотии ин давлатҳо ва баланд бардоштани сатҳи жанри хабар дар минтақа нигаронида шудааст.

Соли 2017 барои силсилаи мақолаҳояш барандаи Ҷоизаи ба номи Отахон Латифӣ гардид.

Эҷодиёт[вироиш]

Салими Аюбзод муаллифи шаш китоби мустанад ва бадеӣ: “Девор”, “Гунги хобдида”, “Сад ранги сад сол”, “Тоҷикон дар қарни бистум”, “Каме латра” ва филмҳои мустанади “Муҳоҷират”, “Бозгашти беохир” ва барандаи Ҷоизаи аввали Конфедератсиюни иттифоқҳои журналистии Ҷомеаи кишварҳои ҳамсуд дар соли 1991 аст. Қиссаи ӯ "Каме латра" дар матбуоти Тоҷикистон баҳсҳои зиёдеро ба бор овард ва силсилаи ҳикояҳои ахири ӯ аз сабки нав ва қавитараш паём медиҳад. Намунаҳои осораш ба забонҳои хориҷӣ баргардон ва нашр шудаанд. Аюбзод чанде аз достонҳои кутоҳи Ҷек Лондон, Наҷиб Маҳфуз, Гектор Ҳю Монро (Соқӣ), Вардгес Петросиён, Дурдӣ Байлиев ва дигаронро ба тоҷикӣ тарҷума кардааст. [3]

Навиштаҳои нав дар блоги Нигариш ва кандуков[вироиш]

  • Ойинаи Хоразми бостон
  • Фонуси ёд
  • Дар жарфнои дард
  • Нигоҳ ба оянда. Баъд аз 30 сол чӣ хоҳад шуд?
  • Бозкашфи Олег Фезов
  • Ранда аз пар
  • Гирдгардони сирк
  • Ливиу Бота: Таджики — это нация с поэтической душой
  • Яғноб ва яғнобиён
  • Салом, (ф)Файзи Бадахшон!
  • Идомаи марсияи падар
  • Сшито белыми нитками
  • Иауоэяӣ ё “вая вай кунед, ки вай шавад”
  • Сайид Абдуллоҳи Нурӣ: Ибораи “исломи сиёсӣ” хатост
  • Миллати раққос[4]

Эзоҳ[вироиш]