Тоҷмаҳал

Мавод аз Википедиа — донишномаи озод
Масҷид
Тоҷмаҳал
Кишвар
Сабки меъморӣ Меъмории исломӣ
Муаллиф Лоиҳа Шоҳ Ҷаҳон
Архитектор Устод Аҳмад Лоҳурӣ
Арзиш 32 000 000 $
Майдони умумӣ
  • 17 ҳектор
Шумораи манораҳо 4
Баландии манора 45 метр
Таркиб Мармар
Вебгоҳ tajmahal.gov.in(англ.)(ҳин.)
 Парвандаҳо дар Викианбор

Тоҷмаҳал (ҳинди : ताज महल, англ.: Taj Mahal) — аз пуровозатарин бунҳои ҷаҳон ва оромгоҳи зебо ва бошукуҳ аст ки дар наздикии шаҳри Агра ва дар 200 километрии Ҷануби Деҳли воқеъ шудааст ва яке аз аҷоиботи ҳафтгонаи ҷадиди дунё ба шумор меравад.

Таърих[вироиш | вироиши манбаъ]

Яке аз намоёнтарин ёдгории меъмории ҳинду исломӣ дар давраи ҳукмронии Мугулҳои ҳинд (1526-1858) мақбараи зани Шоҳҷаҳон- Мумтозмаҳал, ки солҳои 1630-1652 дар назди Агра дар соҳили рӯди Ҷамна бунёд шудааст, (баътар худи Шоҳҷаҳонро ҳам дар Тоҷмаҳал дафн кардаанд).

Сохтмон[вироиш | вироиши манбаъ]

Бунёди мақбара 22 сол тӯл кашида ва соли 1652 ба итмом расидааст. Барои зинату ороиши Тоҷмаҳал устухони 2-ҳазор фил истифода гардидааст. Тоҷмаҳал (маъмораш аз рӯи тахминҳо Устод Аҳмад Лоҳурӣ) бинои Панҷгунбазаест (баландиаш 74 метр), ки дар кунҷҳояш 4 манора (баландиаш 45 метр) қомат афрохтааст. Деворҳои Тоҷмаҳал аз мармари сафед буда, рӯяш бо сангҳои қиматбаҳои зумуррад, ақиқ, қаҳрабо ва ғайра ҳотамкорӣ шудааст. Тоҷмаҳал аз рӯи шаҳомати зебоӣ, нафосати бадеӣ ва ороишоти гаронбаҳо, банду басти мукаммал ва таносуби дилрабои тарҳ яке аз мӯъҷизаҳои олам ба шумор меравад. Тоҷмаҳал на танҳо комёбию бозёфтҳои ҳунармандони ҳинд, балки таҷассуми анъанаи бой ва нозукиҳои санъати меъмории Осиёи Миёна ва Эрон низ мебошад, чунки бо ҳамдастии меъморону ҳунармандони ин кишварҳо бино ёфтааст.

Тоҷмаҳал

Эзоҳ[вироиш | вироиши манбаъ]

  1. TAJ MAHAL // History — 1995.
  2. archINFORM (нем.) — 1994.