Jump to content

Устод Шодӣ

Мавод аз Википедиа — донишномаи озод
Устод Шодӣ

Дарвеш Шодӣ (форсӣ: درویش شادی‎), маъруф ба Устод Шодӣ (форсӣ: استاد شادی‎; 1441—1506, Ҳирот) — мусиқидон, оҳангсоз, навозанда ва хонандаи форс-тоҷик.

Зиндагинома[вироиш | вироиши манбаъ]

Аслаш ҳабашӣ. Дар Ҳирот таваллуд шудааст. Ҳунари мусиқиро ибтидо аз падараш, баъдан назарияи онро аз Абдурраҳмони Ҷомӣ омӯхтааст. Устод Шодӣ дар сурудхонӣ маҳорати баланд дошта, мушкилтарин қисматҳои созию овозии мақомҳоро моҳирона месуруд.

Фарзандаш Ғулом Шодӣ низ навозанда будааст. Нақшҳои офаридаи «Сунбула», «Моҳи Ҳилол», «Дили шиша» ва савтҳои Дарвеш Шодӣ дар Хуросону Мовароуннаҳр шуҳрати зиёд доштанд. Аксаран ба ғазалҳои Амир Хусрави Деҳлавӣ, Абдурраҳмони Ҷомӣ ва шоирони дигар оҳангҳо офаридаст. Хоҷа Юсуфи Андигонӣ, Ғулом Алӣ Шунқор, Устод Алӣ Кормал шогирдони бомаҳорати ӯ буданд.

Мувофиқи маълумоти Дарвешалии Чангӣ Дарвеш Шодӣ дар шаҳри Қазон вафот кардааст. Аз асарҳои ӯ, махсусан 12 нақш, ки ба усули мақоми «Ироқ» эҷод кардааст, дар инкишофи мусиқии асри 15 мавқеи муҳим дошт.

Эзоҳ[вироиш | вироиши манбаъ]

Адабиёт[вироиш | вироиши манбаъ]