Хосе Луис Сапатеро

Мавод аз Википедиа — донишномаи озод
Jump to navigation Jump to search
Хосе Луис Сапатеро
исп. José Luis Rodríguez Zapatero
José Luis Rodríguez Zapatero en el Foro Económico Mundial (cropped) 2.jpg
Coat of Arms of José Luis Rodríguez Zapatero (Order of Isabella the Catholic).svg
Таваллуд 6 август 1960(1960-08-06)[1][2][3][…] (61 сол) ё 4 август 1960(1960-08-04)[4][5] (61 сол)
Ном ҳангоми таваллуд исп. José Luis Rodríguez Zapatero
Ҳамсар Sonsoles Espinosa Díaz[d]
Ҳизб
Таҳсилот
Эътиқод Агноститсизм
Соядаст José Luis Rodríguez Zapatero Signature.svg
Ҷоизаҳо
Commons-logo.svg Парвандаҳо дар Викианбор

Хосе Луис Родригес Сапатеро ( исп. José Luis Rodríguez Zapatero4 августи 1960, Валядолид, Кастилия ва Леон, Испания ) - сиёсатмадори испанӣ, сарвазири Испания аз соли 2004 то 2011.

Зиндагинома[вироиш | вироиши манбаъ]

Ӯ 4 августи соли 1960 дар шаҳри Валядолид ( Кастилия ва Леон ) таваллуд шудааст. Бо таъсири волидайнаш, сотсиалистҳои содиқ, ӯ ба зудӣ ба ақидаҳои сотсиалистӣ мафтун шуд ва дар соли 1976 ба Ҳизби сотсиалистии коргарии Испания (ҲСКИ) пайваст.

Соли 1982 факултети ҳуқуқшиносии Донишгоҳи Леонро хатм карда то соли 1986 дар он ҷо омӯзгор буд. Соли 1986 ба хаёти фаъолонаи сиёсй шуруъ намуд. Вай ба Конгресси вакилони музофоти Леон интихоб шуда, дар асл ҷавонтарин вакили он гардид. Вай чор маротиба паи ҳам ба конгресс интихоб шуд. Аз соли 1988 то соли 2000 Сапатеро ба созмони минтақавии сотсиалистҳо дар Леон сарварӣ мекард ва дар моҳи июли соли 2000 дар Анҷумани XXXV Ҳизби сотсиалистии коргарии Испания (ҲСКИ) котиби генералии ҳизб интихоб шуд.

Вай баъд аз ғалаба дар интихоботи парлумонии Ҳизби сотсиалистии коргарии Испания ба хукумат сарварӣ кард. Бо пуштибонии артиши ИМА дар Ироқ ва ҳамчунин ҳамлаҳои террористии 11 марти соли 2004 Ҳизби халқи Испания нуфузи худро дар ҷомеа қисман аз даст дод. 14 марти соли 2004 Ҳизби сотсиалистии коргарии Испания бо раҳбарии Родригес Сапатеро дар интихоботи миллӣ пирӯз шуд. Дар моҳи апрели соли 2004 Сапатеро девони вазиронро ташкил дод. Баъд аз ғалабаи сотсиалистон, Испания сиёсати берунии худро андаке тағйир дода, аз тамоили пештараи яктарафаи худ ба ИМА даст кашида роҳи сиёсати наздикшавиро бо Иттиҳоди Аврупоро интихоб кард.

Дар интихоботи парлумонии 9 марти соли 2008 Ҳизби сотсиалистӣ аксарияти нисбӣ дар порлумонро ба даст овард ва тавонист қудратро дар кишвар нигоҳ дорад.

11 апрели соли 2008 вай бори дуюм ба мансаби сарвазир таъйид шуд ва то 21 декабри соли 2011 дар ин вазифа буд.

Оила[вироиш | вироиши манбаъ]

Ӯ бо Сонсолес Эспиноза, омӯзгори мусиқӣ издивоҷ кардааст ва соҳиби ду духтар аст - Лаура ва Алба.

Пайвандҳо[вироиш | вироиши манбаъ]

Эзоҳ[вироиш | вироиши манбаъ]