Чашмаи Элок
Чашмаи Элок — чашма дар деҳаи Элоки ҷамоати деҳоти Қалаидашти ноҳияи Файзобод. Обаш ҳамеша сард ва софу зулол мебошад.
Таърих
[вироиш | вироиши манбаъ]Соли 1976 бо ташаббуси директори ҳамонвақтаи совхоз С. Ғиёсов ва ёрию дастгирии сокинони маҳал дар болои чашма аз тарафи устоҳои гулдасти исфарагӣ А. Сироҷов, X. Ахмедов, К. Холиқов бинои зебои пурнақшунигор сохта шуд. Ба муносибати ба 20-солагии Истиқлоли давлатии Тоҷикистон ва 80-солагии ноҳияи Файзобод бинои чашма аз нав таъмир карда шуд. Ин мавзеъ макони пазироии меҳмонон гаштааст. Сокини деҳаи Элок Акбар Раҳимзода дар васфи ин чашма гуфтааст:
Биё ин ҷо бинӯш оби зулоли чашмасорашро,
Тамошо кун бинову манзару нақшу нигорашро.
Ба сони гулшану боғу чаман зиннатфизо бошад.
Диёри сайргоҳи бехазон, фасли бахорашро.
Чашмаи Элок дар филмҳо
[вироиш | вироиши манбаъ]
Чашмаи Элок дар замони шӯравӣ дар навори сурудхонии бархе аз овозхонони тоҷик ва чанде аз филмҳо сабт шудааст. Баъзе саҳнаҳои филми телевизиюнии «Завқи ҷавонӣ» (1983) дар ҳамин Чашмаи Элок ба навор гирифта шудааст. Дар филм намои Чашмаи Элок, тарбузҳои даруни об, рақси Саида Файзалиева, ҷамъи меҳмонон бараъло намуддор аст[1].
Нигаред низ
[вироиш | вироиши манбаъ]Эзоҳ
[вироиш | вироиши манбаъ]- ↑ Филми «Завқи ҷавонӣ». youtube.com (22 августи 2022).
Адабиёт
[вироиш | вироиши манбаъ]- ФАЙЗОБОД. Энсиклопедия. Душанбе, 2011. Сарредаксияи илмии Энсиклопедияи Миллии Тоҷик. 392 саҳ.