Элок
| Деҳа | |
|---|---|
 | |
| Кишвар | Тоҷикистон |
| Вилоят | НТҶ |
| Ноҳия | Файзобод |
| Ҷамоат | Деҳоти Қалаидашт |
| Координатаҳо | 38°39′41″ с. ш. 69°31′14″ в. д.HGЯO |
| Тақсимоти дохилӣ | 5 маҳалла |
| Раиси маҳалла | Пиров Гадо |
| Забони расмӣ | тоҷикӣ |
| Аҳолӣ | 4211 нафар (2017) |
| Вақти минтақавӣ | UTC+5 |
| Коди телефон | +992 3135 |
| Коди мошин | TJ08 |
|
| |
Элок — яке аз калонтарин деҳа дар ҳудуди ҷамоати деҳоти Қалаидашти ноҳияи Файзобод мебошад. Аҳолиаш 2949 нафар (2010), тоҷикон. Аз 524 хоҷагӣ иборат аст.
Иқтисод[вироиш | вироиши манбаъ]
Деҳа як муассисаи таҳсилоти миёнаи умумӣ ва як муассисаи таҳсилоти миёна, нуқтаҳои хидматрасонии маишӣ, хонаи саломатӣ, 44 хоҷагии деҳқонӣ, 7 мағоза, 2 дорухона, сартарошхона, коргоҳи дӯзандагӣ, бустонсаро, хоҷагии колективии «Элок», осиёи обӣ, 2 осиёи барқӣ, сехи коркарди чубу тахта, нуқтаи фурӯши сӯзишворӣ, гӯшаи деҳқон, автосервис, устохонаи оҳангарӣ, 2 толори варзишӣ, корхонаи коркарди маҳсулоти шири ҶДММ «Суҳробҷон», масҷиди ҷомеъи марказӣ, масҷиди панҷвақта дорад.
Мардуми деҳа ба боғдорӣ, ғаллакорӣ, кадупарварӣ, чорводорӣ, картошкапарварӣ машғуланд. Заминҳо аз чашмаҳо обёрӣ мешаванд.
Маҳаллаҳои Элок[вироиш | вироиши манбаъ]
| Маҳаллаҳои деҳаи Элок | |||||||||||
| Маҳалла | Аҳолӣ | ||||||||||
|---|---|---|---|---|---|---|---|---|---|---|---|
| Элоки Калон | |||||||||||
| Элоки Боло | |||||||||||
| Элоки Поён | |||||||||||
| Гулихайри Боло | |||||||||||
| Гулихайри Поён | |||||||||||
Таърих[вироиш | вироиши манбаъ]
Шаҳри Элок (Илок) дар масофаи як рӯза роҳ дар шарқи Вашгирд воқеъ буд ва Истахрӣ онро охирин шаҳри Вашгирд дар марзи Рошт гуфтааст. Ҳоло яке аз деҳаҳои ноҳияи Файзобод ва ҳам рӯде, ки аз ҳудуди ин ноҳия гузашта ба дарёи Кофарниҳон мерезад, Элок ном доранд. В. В. Бартолд вайронаҳои истеҳкоми Қалъаи Даштро макони шаҳри асримиёнагии Элок мешуморад. Дар харитаи садаи XIX-и ин мавзеъ дар шимолу шарқи Файзобод, миёни ин ноҳия ва Оби Гарм маҳалле бо номи Элокдара қайд шудааст, ки эҳтимол маҳалли аслии Элоки асримиёнагӣ дар он воқеъ бошад.
Мақбараи Шайх Абдураҳими Давлат ва масҷиди ҷомеи марказии ноҳияи Файзобод дар ҳамин деҳа ҷойгир аст.[1]
Шахсиятҳои маъруфи Элок[вироиш | вироиши манбаъ]
Аз шахсиятҳои маъруфи деҳа инҳоро номбар кардан мумкин аст: пирони тариқати нақшбандия Ҳазрати Бузургвор, Эшони Шайх, Махдуми Зубайдуллоҳ, собиқ муовини Раиси Шӯрои уламои Тоҷикистон Домулло Маъруфҷон Раҳимзода, сархатиби Масҷиди марказии «Яккачинор»-и ноҳияи Синои шаҳри Душанбе Эшони Ҳамдулло (Раҳимов), сархатиби Масҷиди марказии ноҳияи Файзобод Эшони Қори Носир, адабиётшинос Боймурод Шарифзода, доктори илмҳои филология Муҳриддин Низомов, устодони ДМТ Файзалӣ Аминов, Исмоил Бобиев, Авзалшо Зарипов, олимони ПРМ Салоҳуддин Амонӣ, номзади илмҳои педагогика Сайфиддин Камолзода, Қурбоналӣ Зиёев, номзади илмҳои иқтисод, Раиси Шурои нозирони ҶСК «Тоҷиксодиротбонк» Забҳулло Нуруллоев, шоир Усмон Шарифзода, сармуҳаррири Идораи барномаҳои иттилоотии «Телевизиони Тоҷикистон» Хӯҷаназари Аминиён, ҷонишини сармуҳаррири СИ ЭМТ Неъматулло Акбаров.
Иштирокдорони ҶБВ[вироиш | вироиши манбаъ]
Аз деҳаи Элок дар Ҷанги Бузурги Ватанӣ нафарони зиёде ширкат доштаанд, аз ҷумлаи онҳо Абдуллохон Фатҳуддинов, Одинахуҷа Зиёев[2], Бобӣ Раҳимов, Достӣ Садруддинов, Абдулҳай Муҳиддинов, Аҳмадхон Фатҳуддинов, Сабур Зукуллоев, Сафар Аминов, Ҳикматулло Абдуллоев ва дигарон мебошанд.
Аксҳои Элок[вироиш | вироиши манбаъ]
-
Замини "Сияҳхор"
-
Баҳори Элок
-
“Шаҳу арус”
-
“Бинии камар”
-
“Чордара”
-
Деҳаи Элок аз баландӣ
Пайвандҳо[вироиш | вироиши манбаъ]
- Деҳаи Элок дар расмҳо аз нигоҳи ман…
- Сайре ба деҳаи Элоки Файзобод — бахши якум(пайванди дастнорас)
- Сайре ба деҳаи Элоки Файзобод — бахши дуюм(пайванди дастнорас)
- Дар сайти http://www.elok.ucoz.com/ метавонед донистаниҳое дар бораи деҳаи Элок дастрас кунед.
Нигаред низ[вироиш | вироиши манбаъ]
Эзоҳ[вироиш | вироиши манбаъ]
- ↑ ФАЙЗОБОД. Энсиклопедия. — Д., 2011. СИЭМТ, — 392 саҳ. — ISBN 978-99947-33-48-4
- ↑ Убайдулло РАҲИМОВ. ҚИССАИ ҚАҲРАМОНИ 103-СОЛА. Нашрияи расмии Тоҷикистон - "Ҷумҳурият". jumhuriyat.tj. 7 июни 2017 санҷида шуд.
