Маҳмадалӣ Муҳаммадиев

Маҳмадалӣ Муҳаммадиев
Маҳмадалӣ Муҳаммадиев
Таърихи таваллуд:	10 март 1946
Зодгоҳ:	ноҳияи Дарвоз, Вилояти мухтори Кӯҳистони Бадахшон, ҶШС Тоҷикистон, ИҶШС;
Таърихи даргузашт	7 январ 2021 (74 сол)
Маҳалли марг:	Душанбе, Тоҷикистон;
Касб:	ҳунарпешаи театр, ҳунарпешаи синамо
IMDb:	ID 0611485

Дар Википедия мақолаҳо дар бораи дигар шахсон бо номи Маҳмадалӣ мебошанд.

Дар Википедия мақолаҳо дар бораи дигар шахсон бо насаби Муҳаммадиев мебошанд.

Маҳмадалӣ Муҳаммадиев (10 март 1946, ноҳияи Дарвоз, Вилояти мухтори Кӯҳистони Бадахшон — 7 январ 2021, Душанбе) — ҳунарпешаи театру синамо. Узви Иттиҳодияи синамогарони ИҶШС (1982)^[1].

Зиндагинома[вироиш | вироиши манбаъ]

Маҳмадалӣ Муҳаммадиев, 10 марти соли 1946 дар деҳаи Хушарваки ноҳияи Дарвоз ба дунё омадааст. Хатмкардаи Институти театру кинои Маскав (1971) аст. Дар Театри давлатии академӣ-драмавии ба номи Лоҳутӣ ва Театри давлатии ҷавонони ба номи М. Воҳидов кор карда, як силсила нақшҳо офаридааст.

Синамо[вироиш | вироиши манбаъ]

Маҳмадалӣ Муҳаммадиев дар ҳамкорӣ бо муассисаҳои филмсозии собиқ ҷамоҳири шӯравӣ дар филмҳои зиёде нақш офаридааст. Нақшҳои ӯ дар филмҳои бадеии «Одам пӯсташро иваз мекунад», «Шикори охирин» («Тоҷикфилм»), «Хайр кабудии тобистон», «Тали мамнӯъ» («Узбекфилм»), «Ситораҳо дар шаб», «Соя» («Туркманфилм») ва чандин филмҳо дар Маскаву Кишинев басо ҷолибанд. ӯ дар филмҳо ва намоишномаҳои телевизонии ватанӣ аз қабили «Парвози хушдоманам», «Сабзабаноз», «Қисмат», «Фиреби хаёл», «Шифо», «Чакидаҳо» ва ғайра низ нақшҳои хотирмон бозидааст.