Абдумӯъмин Шарифӣ

Мавод аз Википедиа — донишномаи озод
Jump to navigation Jump to search
Абдумӯъмин Шарифӣ
Таърихи таваллуд: 20 май 1961(1961-05-20) (60 сол)
Зодгоҳ:
Шаҳрвандӣ:
Касб: ҳунарпешаи синамо, ҳунарпешаи театр
Ҷоизаҳо:

Абдумӯъмин Шарифӣ (Шарифӣ Абдумӯъмини Ҳалимзод; 20 майи 1961, ноҳияи Ҳисор, ҶШС Тоҷикистон) — ҳунарпешаи театру синамои тоҷик, Ҳунарпешаи шоистаи Тоҷикистон (2011).

Зиндагинома[вироиш | вироиши манбаъ]

Фориғуттаҳсили Донишкадаи давлатии санъати ба номи М. Турсунзода (1982) аст. Солҳои 1982—1989 ҳунарпешаи Театри мусиқӣ-мазҳакаи шаҳри Қурғонтеппа, 1989—2003 ҳунарпешаи Театри таҷрибавии тамошобини наврас «Аҳорун» (ҳамзамон тариқи қарордоду шартномавӣ дар Театри давлатии академӣ-драмавии ба номи Лоҳутӣ ва Театри давлатии драмаи русии ба номи В. Маяковский) кор кардааст. Аз соли 2008 ҳунарпешаи Театри давлатии ҷавонони ба номи Маҳмудҷон Воҳидов мебошад. Худфарсоии том дар дарки моҳияти образ ба бозиаш хос аст, комёбиро бо заҳмат ва муҳаббати бедареғ ба касб соҳиб мегардад, баҳри равнақи ҳунар пайваста талош меварзад. Образҳои офаридааш дар спектаклҳои «Шоҳ Гавазн», «Доми фиреб», «Тартюф», «Марги Яздигурд», «Шайх Санъон», «Шоҳ Лир», «Электра», «Панҷ зани Афандӣ», «Роҳзан ва кӯзагар», «Зани сарватманд», «Рӯзе дарозтар аз қарн», «Рустам ва Сӯҳроб», «Сарбозони қаторӣ», «Нури маърифат», «Чашмони бародари қиёматӣ», «Бозингарон», «Шабе дур аз Ватан», «Аловиддин ва чароғи сеҳрнок», «Моҷаро», «Иштибоҳ» ҳамагӣ хотирмонанд.

Эзоҳ[вироиш | вироиши манбаъ]

Адабиёт[вироиш | вироиши манбаъ]

  • Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.