Дов (филм, 2022)
| ДОВ | |
 Постери нахустнамоиши филми «Дов» дар Маскав | |
| Жанр | драма |
| Коргардон | Муҳиддини Музаффар |
| Муаллифи филмнома |
Бахтиёр Каримов, Муҳиддини Музаффар |
| Дар нақшҳои асосӣ |
Абдумӯъмин Шарифӣ Салоҳуддин Шукурзода Фирӯза Раҳмонова Аҳмади Қутбуддин Исфандиёр Ғуломзода Хушрӯз Эргашев |
| Оҳангсоз | Иқбол Завқибеков |
| Ширкати синамоӣ |
Суғдсинамо Тоҷикфилм Futura Magnum |
| Давомнокӣ | 118 дақ |
| Буҷет | 1 146 000 сомонӣ |
| Мамлакат |
 Тоҷикистон |
| Забон | тоҷикӣ |
| Сол | 2022 |
| IMDb | ID 22084876 |
«Дов» (англ. Fortune) — филми драмаи тоҷикӣ бо коргардонии Муҳиддини Музаффар ва филмноманависии Бахтиёр Каримов ва Муҳиддини Музаффар, ки дар соли 2022 аз ҷониби студияи «Суғдсинамо» бароварда шудааст. Нахустнамоиши филм дар таърихи 8 октябр дар Бусон, 17 октябр дар Маскав ва 28 октябри 2022 дар Душанбе баргузор шуд.[1]
Хулосаи достон[вироиш | вироиши манбаъ]
Филм саргузашти ду дӯст — Қаҳҳор ва Маннонро дар пасманзараи инқирози шадиди сиёсӣ ва иқтисодии даҳаи 90-уми қарни XX дар Тоҷикистон нишон медиҳад[2][3]. Онҳо ҳамроҳ ба корхонаи қисмҳои эҳтиётии худравҳо ба кор омаданд. Новобаста аз хоҳиши худ, ҳолати бамиёномада онҳоро водор намуд, ки аз коргоҳ қисмҳои эҳтиётии худравро дуздида фурӯшанд.
Қаҳҳор дар вазъияти муташанниҷи шахсиятӣ қарор дошт. Ояндаи худро барои худу писаронаш тамоман дигар хел тасаввур мекард. Аммо, писари калониаш Алиҷон ба роҳи фиребгарӣ рафт ва ягона умедаш ба писари хурди Азизҷон — донишҷӯйи донишгоҳи мусиқии Маскав монда буд. Боре хоҳиши Манонро ба ҷо оварда Қаҳор маоши худро ба ӯ дод ва ба ивазаш андаке озуқаворӣ ва билети лотерея гирифт. Маҳз ҳамин билети наҳси лотерея минбаъд байни рафиқон тафриқа андохт. Гузашта аз ин, ҷудоӣ байни сокинони деҳот ба миён омад. Қаҳор ба лотерея худрави тамғаи «Москвич» бурд кард ва инро баъзе ҳамдеҳагон ноодилона пиндоштанд. Маннон дучори ғам гардид. Ҳарчанд вай ба ихтиёри худ лотереяро ба Қаҳҳор дода буд. Аммо ҳоло ягона духтараш бемории вазнин аст ва барои муолиҷа таъҷилӣ пул лозим. Чунин ҳолат боиси кафидани девори дӯстӣ ва боиси фоҷеа шуд. Ба иллати ин моҷароҳо Қаҳҳор бемор шуда аз шунидани хабари Азизҷон таҳсилро дар консерватория қатъ намуда, гирифтори инсулт шуда бармаҳал вафот кард. Аммо ҳақиқати азими талхе пас аз марги Қаҳор ошкор шуд…
Бозигарон[вироиш | вироиши манбаъ]
Бозигарони нақшҳои асосии филм Абдумӯъмин Шарифӣ, Салоҳуддин Шукурзода, Фирӯза Раҳмонова, Аҳмади Қутбуддин, Исфандиёр Ғуломзода ва Хушрӯз Эргашев мебошанд.
Омилони филм[вироиш | вироиши манбаъ]
Филм тавассути «Суғдсинамо» дар ҳамкорӣ бо «Тоҷикфилм» ва маркази продюсерии «Футура магнум» дар муддати 48 рӯз аз 2 апрел то 18 майи соли 2021 дар шаҳраки Вокзали шаҳри Конибодом ва шаҳраки Нефтободи шаҳри Исфара наворбардорӣ шудааст.[4]
Ҷоизаҳо[вироиш | вироиши манбаъ]
Филм барандаи «Беҳтарин филми ҳунарӣ» ва бозигари нақши авввали филм Салоҳуддин Шукурзода барандаи «Беҳтарин ҳунарпешаи мард»-и Ҷоизаи миллии «Тоҷи Сомон» шудааст[5].
22 декабри 2022 дар бисту ҳаштумин Ҷашнвораи байнуламллии филми Калкутта Netpac Award барои Беҳтарин филм ба Дов (Fortune) эҳдо шуд[6].
Эзоҳ[вироиш | вироиши манбаъ]
- ↑ Сарвинози Саидалӣ. Филми ҳунарии «Дов» дар Душанбе намоиш дода шуд. Радиои «Тоҷикистон» (29 октябри 2022). 3 ноябри 2022 санҷида шуд.
- ↑ В Москве состоялась премьера таджикского фильма «Фортуна»(рус.). МИР 24. 3 ноябри 2022 санҷида шуд.
- ↑ Fortune. BIFF Newsletter. 3 ноябри 2022 санҷида шуд. Баргирифта аз сарчашмаи аввал 3 ноябри 2022.
- ↑ Муҳиддин Музаффар: “Ба пояи синамои миллӣ бояд хидмат кунам”(рус.). halva.tj. 3 ноябри 2022 санҷида шуд.
- ↑ Нахустнамоиши филми “Дов” дар кинотеатри “Ватан” баргузор мегардад. Радиои Фарҳанг (25 октябри 2022). 3 ноябри 2022 санҷида шуд.
- ↑ Priyanka Dutta. 28th KIFF Concludes With A Star-Studded Award Ceremony(англ.) (25 December 2022). 27 Декабри 2022 санҷида шуд.
 |
|---|
