Атоуллоҳи Ҳусайнӣ
| Таърихи таваллуд: | 1513 |
|---|---|
Атоуллоҳ Маҳмуди Ҳусайнӣ (форсӣ: عطاالله محمود حسینی; садаи XV — 1513, Машҳад) — шоир, нависанда, назариядон ва адабиётшиноси форс-тоҷик.
Зиндагинома
[вироиш | вироиши манбаъ]Улуми мутадовилаи замон, забону адабиёти форсӣ ва арабиро дар Ҳирот омӯхт. Баъд аз хатми таҳсил дар мадрасаҳои Ҳирот – Ихлосия, Султония ва ғайра ба тадрис машғул шуд. Бо бузургони илму адаби садаи XV Абдурраҳмони Ҷомӣ, Алишер Навоӣ, Абдулғафури Лорӣ ҳамсуҳбат будааст ва аз афкору андешаҳои назарии онҳо баҳра бардоштааст. Аз Атоуллоҳи Ҳусайнӣ ду асар — «Бадоеъу-с-саноеъ», «Рисолаи қофия» ва шеърҳояш ба тавассути манобеи адабӣ ва асарҳои номбурдаи илмиаш боқӣ мондаанд. Атоуллоҳи Ҳусайнӣ афкори назарии адабиётшиносони форс-тоҷик ва навиштаҳои донишмандони арабро оид ба саноеи бадеӣ то андозае ҷамъбаст карда, андешаҳои худро дар асарҳояш иброз намудааст.
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Атоуллоҳи Ҳусайнӣ / Р. Мусулмонқулов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.
- Бадоеъ-ус-саноеъ // Бо сарсухан ва тавзеҳоти Р. Мусулмонқулов. Душанбе, 1974.