Баркаган Зиновий Соломонович

Баркаган Зиновий Соломонович
Таърихи таваллуд	25 апрел 1925(1925-04-25)
Зодгоҳ	Одесса, ҶШС Украина, ИҶШС
Таърихи даргузашт	27 декабр 2006(2006-12-27) (81 сол)
Маҳалли даргузашт	Барнаул, Русия
Кишвар	ИҶШС
Ҷойҳои кор	ДДТТ
Алма-матер	Донишгоҳи миллии тиббии Одесса[d]
Роҳбари илмӣ	Isidor Abramovich Oybin[d]
Ҷоизаҳо

Баркаган Зиновий Соломонович (25 апрели 1925, Одесса — 27 декабри 2006, Барнаул) — терапевт, доктори илми тиб (1965), профессор (1966), Корманди шоистаи илми Федератсияи Россия (1982), Дорандаи мукофоти давлатии ИҶШС (1987).

Зиндагинома

Баъди хатми Донишкадаи тиббии шаҳри Одесса (1946) дар клиникаи терапияи госпиталӣ кор кардааст. Соли 1949 ба Тоҷикистон омада, дар Институти давлатии тиббии Тоҷикистон ба номи Абуалӣ ибни Сино ба сифати ассистент, дотсент, мудири кафедраи касалиҳои дарунӣ ифои вазифа намудааст (1956). Баъди аз Тоҷикистон кӯч бастанаш дар Донишгоҳи давлатии тиббии Олтой ба сифати мудири кафедраи таълими бемориҳои дарунӣ (1956-97) заҳмат кашидааст. Самти фаъолияти илмии Б. ба тибби тропикӣ мансуб буда, с-ҳои дар Тоҷикистон буданаш оид ба ин масъала як силсила таҳқиқот анҷом додааст. Дар водии Вахш, дараҳои Анзобу Тагоб таҷрибаҳо гузаронда, роҳҳои безарар гардондани заҳри мор, каждуму ғунда, ҳазорпо ва дигар ҷонваронро муайян намуд. Муаллифи зиёда аз 500 асару мақолаҳои илмӣ, аз ҷумла 15 монография. Зери роҳбарии Б. 27 нафар рисолаи докторӣ ва 76 нафар рисолаи номзади илмро ҳимоя кардаанд. Бо ордену медалҳо сарфароз гаштааст.

Осор

• Опыт лечения фенамином крапивницы. Сталинабад, 1950;
• Применение фенамина при бронхиальной астме. Сталинабад, 1951;
• Болезнь Боткина. Сталинабад, 1959; Кровь и жизнь. Барнаул, 1969;
• Геморрагические заболевания и синдромы. М., 1988.

Сарчашма

• Баркаган Зиновий Соломонович // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.