Баҳром Ғафурӣ
| Таърихи таваллуд | 29 феврал 1976 |
|---|---|
| Зодгоҳ | деҳаи Ҳазрати Мавлоно, ноҳияи Ленин, ҶШС Тоҷикистон |
| Таърихи даргузашт | 7 август 2020 (44 сол) |
| Маҳалли даргузашт | Душанбе, Тоҷикистон |
| Кишвар |
 Тоҷикистон |
| Пеша(ҳо) | овозхони поп, ҳунарпеша |
Баҳром Ғафурӣ (29 феврали 1976, деҳаи Ҳазрати Мавлоно, ноҳияи Ленин, ҶШС Тоҷикистон — 7 августи 2020, Душанбе, Тоҷикистон) — овозхон ва ҳунарпешаи тоҷик.
Зиндагинома[вироиш | вироиши манбаъ]
Баҳром Ғафурӣ 29 феврали соли 1976 дар деҳаи Ҳазрати Мавлонои ноҳияи Ленин ба дунё омадааст. Дар кӯдакӣ ӯ соҳиби 3 бародар ва 2 хоҳар будааст. Баҳром хатмкардаи факултаи иқтисоди Донишгоҳи миллии Тоҷикистон буд.
Эҷодиёт[вироиш | вироиши манбаъ]
Суруди аввалини худро «Парешон шуди ай дил», ҳангоми дар бахши якуми таҳсил карданаш сароидааст. Баҳром соли 1997 миёни мардум шуҳрат пайдо намудааст. Дар миёни мардум албумҳои ӯ «Милоди орзу», «Ошиқи рӯят» ва «Муҳоҷирбача» маҳбубияти хос доранд.
Ҳаёти шахсӣ[вироиш | вироиши манбаъ]
Баҳром солҳои 90-ум издивоҷ намудааст, ки соҳиби 4 писар буд.
Сурудҳо[вироиш | вироиши манбаъ]
- Парешон шуди, ай дил
- Духтари ҳамсоя
- Дар ин замона
- Модар
- Чаки чаки борон (бо Шабнами Сурайё)
- Фарангис
- Муҳоҷирбача
- Умри ман мераваду…
- Имшаб мерам ба диданат ёри ҷон
- Орзу
ва ғайраҳо
Филмнома[вироиш | вироиши манбаъ]
- Сукут(2011)
- Сукут 2 (2013)
- Кин (2018)
- Рӯё (2019)[1]
Ҷоизаҳо[вироиш | вироиши манбаъ]
Баҳром Ғафурӣ чандин маротиба аз сӯи созмонҳои мусиқӣ унвонҳои «Ситораи сол» ва «Овозхони беҳтарин»-ро ба даст овардааст[2].
Моҳи ноябри соли 2009 дар озмуни Big Apple music Awards «Овозхони беҳтарини мард» эълон шуд.
Дар аввалини соли 2014, Баҳром Ғафурӣ ҷоизаи «TOP-50: Одамони услуби шаҳри Душанбе»-ро барои соли 2013 гирифт[3].
Даргузашт[вироиш | вироиши манбаъ]
Баҳром Ғафурӣ бар асари як тасодуф дар роҳ 7 августи 2020, тақрибан соатҳои 4:00 дар синни 44-солагӣ даргузашт. Ҳодиса дар хиёбони Рӯдакии шаҳри Душанбе рух додааст, ки дар нақлиёт овозхон мусофир будааст ва ба худрави «КаМаз» бархурад. Ӯро ба шӯъбаи 5-уми беморхонаи Қарияи Боло интиқол медиҳанд, аммо ӯро наҷот дода наметавонанд. Ҷасади ӯ, худи ҳамон рӯз дар қабристони деҳаашон, ба хок супурда шуд.
Эзоҳ[вироиш | вироиши манбаъ]
- ↑ Баҳром Ғафурӣ тарҳи 300 таронаи навашро гум кардааст - видео(тоҷ.). Radio Ozodi. 3 июни 2015 санҷида шуд.
- ↑ Суқути ситораи санъати тоҷик: даргузашти Баҳром Ғафурӣ - видео(тоҷ.). Sputnik Tajik. 7 августи 2020 санҷида шуд.
- ↑ Победитель ТОП-50 2012 года — Олим Ширинов