Зебо Аминзода

Мавод аз Википедиа — донишномаи озод
Jump to navigation Jump to search
Зебо Аминзода
Аминзода Зебо Муҳиддиновна
Санаи таваллуд:

3 октябр 1948(1948-10-03) (70 сол)

Мамлакат:
Мукофоту ҷоизаҳо:
Ҳунарпешаи халқии ҶШС Тоҷикистон— 1980 Ҳунарпешаи халқии ИҶШС— 1986

Зебо Аминзода (Аминзода Зебо Муҳиддиновна; тав. 3 октябри соли 1948, шаҳри Хуҷанд, ҶШС Тоҷикистон) — раққоса ва балетмейстери тоҷик. Ҳунарпешаи халқии ҶШС Тоҷикистон (1980). Ҳунарпешаи халқии ИҶШС (1986).

Зиндагинома[вироиш]

Зебо Аминзода 3 октябри соли 1948 дар ш.Хуҷанд ба ҷаҳон омадааст. Хатмкунандаи Омӯзишгоҳи хореографии Маскав (аз 9 солагӣ таҳсилашро оғоз намудааст) дар назди Театри Калони ИҶШС ва Мактаби олии рақсу хореографии Тошканд (1962-1965) аст. Инчунин соли 1980 Донишкадаи давлатии омӯзгории Ленинобод ба номи С.М. Кировро хатм кардааст.[1] Солҳои 19651978 — ҳунарпешаи Театри мусиқӣ-мазҳакавии ба номи А. Пушкини ш. Ленинобод [2].

Ансамбли давлатии рақсии «Зебо»[вироиш]

Ӯ 11 майи соли 1979 ансамбли давлатии рақсии «Зебо» назди Кумитаи телевизион ва радиои назди Ҳукумати Ҷумҳурии Тоҷикистон (пештар Кумитаи телевизион ва радиои назди Совети вазирони ҶШС Тоҷикистон) таъсис дода буд. Зебо Аминзода, ки дар он вақт вазифаи роҳбари ансамблро ба ӯҳда дошт, дар асоси озмун 25 нафар духтаронро интихоб намуда, баъдан 10 нафар духтарони зебою истеъдодноктарин ба ансамбл қабул шуданд. Солҳои 19781993 Зебо Аминзода — роҳбари бадеии Ансамбли давлатии рақсии «Зебо» назди Кумитаи телевизион ва радиои назди Ҳукумати Ҷумҳурии Тоҷикистон (пештар Кумитаи телевизион ва радиои назди Совети вазирони ҶШС Тоҷикистон[3]. Ӯ чунин рақсҳои дилчаспро ба саҳна ворид намудааст: «Ҷавонӣ», «Туёна», «Чӯпонӣ», «Занг», «Санам», «Боди сабо», «Дар чаман», «Муноҷот», «Вохӯрӣ» ва диг. Репертуари ансамбл аз рақсҳои халқии тоҷикӣ, афғонӣ, эронӣ, озарбойҷонӣ, русӣ, ҳиндӣ, уйғурӣ, ӯзбекӣ ва дигарҳо иборат буд. Ансамбли рақсии «Зебо» тайи якчанд сол на фақат дар Тоҷикистон балки дар ҳудуди собиқ ИҶШС ва берун аз он машҳур гардида, дар бисёр кишварҳои ҷаҳон ҳунарнамоӣ кард. Ансамбли мазкур ҷоизи мукофоти Комсомоли ленинӣ гардида, соли 1986 роҳбари он унвони фахрии Ҳунарпешаи халқии ИҶШС касб намуд.[4].

Солҳои 19931996 Зебо Аминзода — раиси Шӯрои координатсионии телерадиокомпанияи "Мир". Солҳои 19962003 — мушовири Раиси МТРК «Мир», Кумитаи иқтисодии Иттиҳоди иқтисодии ИДМ (Межгосударственного экономического комитета Экономического союза СНГ) буд. Дар ш. Москва истиқомат мекард.

Соли 2012 Зебо Аминзода ба Тоҷикистон баргаштааст ва дар назди Театри давлатии мусиқӣ-мазҳакавии ба номи К. Хуҷандӣ дастаи рақсии кӯдаконаи "Зебо"-ро таъсис намудааст. Соли 2014 Зебо Аминзода боз барои таъсиси ансамбли рақсии «Зебо» ба Душанбе даъват карда шудааст. Ҳоло роҳбари бадеии ансамбли давлатии рақсии «Зебо»-и назди Кумитаи телевизион ва радиои назди Ҳукумати Ҷумҳурии Тоҷикистон мебошад.[5] Ансамбли «Зебо» ҳоло машҳур шудааст. Соли 2015 бо якчанд раққосаҳои ансамбл ба Оман сафар карданд.

Пайвандҳои беруна[вироиш]

Адабиёт[вироиш]

  • Народные артисты СССР. В 2-х тт. / Авторы-составители М. В. Музалевский и В. Л. Иванов. — М.: РИЦ «Кавалер», 2007.