Каримов Хуршед Ҳилолович

Каримов Хуршед Ҳилолович
Санаи таваллуд:	1935
Санаи марг:	12 январ 2014(2014-01-12)
Маҳалли марг:	Душанбе, Тоҷикистон
Мамлакат:	ИҶШС  Тоҷикистон
Фазои илмӣ:	биология
Алма-матер:	MSU Faculty of Biology[d]

Хуршед Ҳилолович Каримов (10 декабри 1935, Самарқанд - 12.01.2014) - олим, физиолог ва биохимики тоҷик, доктори илмҳои биология (1974), академики Академияи илмҳои Тоҷикистон (1985), узви вобастаи Академияи илмҳои Тоҷикистон (1981). Арбоби шоистаи илми Ҷумҳурии Тоҷикистон (1996). Дорандаи Ҷоизаи давлатии ба номи Абӯалӣ ибни Сино (2011).

Зиндагинома

Донишгоҳи давлатии ба номи М. В. Ломоносови Москавро хатм кардааст (1958). Аспиранти Донишкадаи ботаникаи АИ ҶШС Тоҷикистон (1958—1961). Аз с. 1961 ходими хурд, ходими калони илмй, мудири лабораторияи ғизодиҳӣ ва мубодилаи моддаҳои Шӯъбаи физиология ва биофизикаи растаниҳои АИ ҶШС Тоҷикистон (аз с. 1964 Донишкадаи физиология ва биофизикаи растанй). Ҷонишини директор оид ба корҳои илмй (1966—1986) ва аз с. 1986 директори хамин донишкадаи АИ ҶШС Тоҷикистон .

Осори илмӣ

Каримов муаллифи 150 асару маколаҳои илмист. Асарҳои Каримов ба тадқиқи физиологияи зироати хоҷагии кишоварзӣ, ки зимистон нашъунамо мекунад, асосҳои назариявии дар заминҳои обӣ тамоми сол парвариш намудани растанй, физиологияи чигит ва гайраҳо бахшида шудаанд. Раиси Совети координационй оид ба Программаи республикавии илмӣ-техникии «Хуроки чорво». Раиси Правленияи ҷамъияти «Дониш»-и АИ ҶШС Тоҷикистон.

Мукофот

• Медали «Барои меҳнати шоён. Ба муносибати 100-солагии рӯзи таваллуди В.И.Ленин»,
• Медали ҷашнии «20-солагии Истиқлолияти давлатии ҶТ»,
• Ифтихорномаҳои Раёсати Шӯрои Олии ҶШС Тоҷикистон,
• Арбоби шоистаи илми Ҷумҳурии Тоҷикистон (1996).
• Дорандаи Ҷоизаи давлатии ба номи Абӯалӣ ибни Сино (2011).

Манобеъ

Академияи илмҳои Ҷумҳурии Тоҷикистон.Ҳайати шахсӣ. – Душанбе: Дониш, 2011. - 216 с.

Нигаред

• Академияи илмҳои Тоҷикистон