Баҳман

Мавод аз Википедиа — донишномаи озод
(Тағйири масир аз Моҳи Баҳман)
Ҷаҳиш ба: новбари, Ҷустуҷӯи
 
Моҳи хуршедӣ Давра (тақрибан)
Фарвардин 21 март — 20 апрел
Урдибиҳишт 21 апрел — 21 май
Хурдод 22 май — 21 июн
Тир 22 июн — 22 июл
Мурдод 23 июл — 22 август
Шаҳривар 23 август — 22 сентябр
Меҳр 23 сентябр — 22 октябр
Обон 23 октябр — 21 ноябр
Озар 22 ноябр — 21 декабр
Дей 22 декабр — 20 январ
Баҳман 21 январ — 19 феврал
Исфанд 20 феврал — 20 март

Баҳман (порсӣ: بهمن ) ё Далв (порсӣ: دلو ) - моҳи 11ум дар Тақвими Эронӣ ва 30 Рӯз аст.

БАҲМÁН بهمن (аз паҳлави vahuman – нексиришт, фаришта),

1) яке аз амшоспандон (ҳафтфариштаи муқаррабу арҷманд аз дини Зардуштия);

2) рӯзи дуюми ҳар моҳи солшумории шамсӣ;

3) номи ёздаҳумин моҳи солшумории шамсӣ ва моҳи дуюми зимистон (аксаран ба номи амшоспанд машҳур);

4) гиёҳ, бехест сафед ё сурхранг мисли сабзӣ (зардак). Дар китобҳои тибби қадим ба номи Баҳмани сафеду Баҳмани сурх ва баҳманину баҳманон фаровон ёд мешавад;

5) дар қисме аз лаҳҷаҳои забони форсии дарӣ барфи анбӯҳи аз кӯҳ сарозершударо (дар тоҷикӣ тарма) низ Баҳман меноманд.

6) дар адабиёти бадеии асрҳои миёна абрҳои охири зимистон ва ибтидо баҳорро, ки хеле анбӯҳу борандаанд, абри Баҳман ёд кардаанд;

7) баҳманрӯз, рӯзи тақвими офтобӣ – хуршедии авестоӣ ва номи моҳи 11-уми сол. Ориёиҳо рӯзи ҷуфт шудани моҳу рӯзро ҷашн мегирифтанд. Ба иттилои Абурайҳони Берунӣ дар Суғд дар ин рӯз зардуштиён хӯроке аз ҷамъи донаҳои зироат дар дегҳо мепухтанд ва баҳмани сафед, ки махсуси амшоспандон аст, бо шири соф мехӯрданд ва муътақид буданд, ки ҳофизаро қавӣ менамояд. Дар Хуросон, дар ин рӯз дар дегҳо аз донаҳои зироат ва гӯшт хӯрок мепазанд ва гулҳои ёсумани сурху зард чида, ба сайри саҳро мебароянд ва хурсандӣ мекунанд.

Манбаъ[вироиш]

  • Ю. Яқубов, Б. Раҳматов.

Энсиклопедияи миллии тоҷик, ҷилди 2