Олег Фезов

Мавод аз Википедиа — донишномаи озод
Jump to navigation Jump to search
Олег Фезов
Oleg Fesov Lakatum.jpg
Иттилооти асосӣ
Санаи таваллуд

23 май 1963(1963-05-23) (56 сол)

Зодгоҳ

Хоруғ, ВАКБ, ҶШС Тоҷикистон

Касб(ҳо)

оҳангсоз, сароянда, мусиқидон

Асбоб

гитара ва вокал[d]

Ношир(он)

Blue Flame Records

olegfezov.com

Олег Фезов (тав. 23 майи 1963, Хоруғ, ВАКБ, ҶШС Тоҷикистон) — мусиқидон, овозхон ва оҳангсози тоҷик.

Зиндагинома[вироиш]

Аҷдоди Олег Фезов аз минтақаи Кӯҳистони Бадахшонибуда, дар санъати мусиқии тоҷику афғон хидмат намудааст. Соли 1990 Омӯзишгоҳи бадеии шаҳри Душанберо хатм кардааст.

Дар солҳои Ҷанги шаҳрвандии Тоҷикистон Олег Фезов ба Маскав муҳоҷират кард. Баъдтар ӯ аз он ҷо ба Олмон рафта, он ҷо қарор гирифт.

Ҳамсараш Лола Туйғуншоева, офарандаи нақши Нисо дар филми «Субҳи нахустини ҷавонӣ» мебошад[1].

Фаъолияти ҳирфаӣ[вироиш]

Олег Фезов аз охири солҳои 1980 қадамҳои нахустини худро ба саҳна гузошта, дар баробари ин, касби бастакорӣ ва танзимкориро пеша намуда, баъдтар сурудхонӣ мепардозад.

Хусусияти мафтункунандаи Шарқ ва асари соддалавҳонаи санъат ҳамҷоя бо кордонии инструменталӣ, истифодабарии ҳам асбобҳои мусиқии ба ҳама маълум ва ҳам асбобҳои мусиқии халқӣ (соз, ӯд ва ғайра) ин албомҳои Олег Фезовро намунаи «мусиқии ҷаҳонӣ» мекунанд.

Албомҳо[вироиш]

Соли 1993 дар Олмон албоми ӯ бо номи «Лалайки Помир» (Oleg Fesov, Lalaiki Pamir, Blue Flame Records) мебарояд. Сурудҳои беҳтарини ин албом ба бисёр маҷмӯаҳои шинохати мусиқиҳои этникӣ дохил шуданд: Voice of Europe (ҳамчун намояндаи мусиқии ИДМ), Crossing Cultures ва дигарон. Соли 1995 Лалайки Помир аз тарафи ширкати Miramar/BMG дар ИМА аз нав мебарояд.

Соли 1997 ширкати Manas Records (Руссия) дар Олмон албоми дуюми Олег Фезовро бо номи «Лакатум» (Oleg Fesov, Lakatum. MR 7003) мебарорад. Инчунин, албоми якум, Лалайки Помир (MR 7002) низ такроран бароварда мешавад. Лакатум дар муддати кӯтоҳ ба даҳҳаи дуюми руйхати World Music (дар ҳолати майи соли 1997) медарояд, ки ин ҳодисаи фавқуллода дар таърихи сабти овозии Тоҷикистон мебошад.

Ҷоизаҳо[вироиш]

Беҳтарин рассом-ороишгари матбуоти даврии бачагонаи Осиёи Миёна ва Қазоқистон (1990). Дорандаи ҷоизаи фестивали Байналхалқии «Садои Осиё».

Эзоҳ[вироиш]