Парвиз Пӯлодӣ

Парвиз Пӯлодӣ
форсӣ: پرویز پولادی‎
Таърихи таваллуд:	12 декабр 1970(1970-12-12) (54 сол)
Зодгоҳ:	ноҳияи Ҳисор, НТҶ, ҶШС Тоҷикистон, ИҶШС
Шаҳрвандӣ:	Тоҷикистон  ИҶШС
Касб:	ҳунарпеша, ҳунарпешаи синамо, ҳунарпешаи театр, овозхон, оҳангсоз, садогузор
Корнома:	2010 — то ҳол
IMDb:	ID 13918659

Парвиз Пӯлодӣ (Абдулазизов Парвиз Пӯлодович; 12 декабри 1970, деҳаи Қалъаи Ҳисор, ноҳияи Ҳисор, ҶШС Тоҷикистон) — оҳангсоз, овозхон, ҳунарпешаи театру синамо.

Зиндагинома

Институти киною театри ба номи М. Шепкини шаҳри Маскавро соли 1992 ба итмом расондааст. Солҳои 1992—2010 ҳамчун актёри Театри давлатии ҷавонони ба номи М. Воҳидов, коргардони идораи драмавии телевизиони тоҷик, овозхони ансамбли давлатии рақсии «Лола», овозхони ансамбли «Сипар»-и Вазорати корҳои дохилии ҷумҳурӣ, овозхони Филармонияи халқии ноҳияи Ҳисор заҳмат кашидааст. Солҳои 2010—2014 мудири шуъбаи фарҳанги ноҳияи Ҳисор буд. Чун овозхон «Дӯст медорам туро», «Ассалом», «Ишқи аввал», «Бори ғам», «Арӯсӣ», «Модар», «Ватан», «Ман чаро дил ба ту додам», «Ту куҷоӣ», «Омадам» барин сурудҳои дилнишин ба хидмат овардааст. Бисёр сарояндагони касбию ҳаваскор дар ҳавои оҳангҳояш таронаҳо замзама мекунанд. Дар спектакли театрҳо нақш бозида, ҷаҳони қаҳрамононашро хуб мекушод. Аз истеъдодаш дар студияю ширкатҳои филмбарории Русия ва Қазоқистон борҳо истифода шудааст.

Ҷоизаҳо

Бо медали «Хидмати шоиста» шарафёб гардидааст.

Адабиёт

• Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.