Барно Исҳоқова

Мавод аз Википедиа — донишномаи озод
Jump to navigation Jump to search
Барно Исҳоқова
Бахмал Бераҳовна Исҳоқова
Санаи таваллуд

12 май 1927(1927-05-12)

Зодгоҳ

Тошканд, ҶШС Ӯзбакистон, СССР

Санаи марг

7 сентябр 2001(2001-09-07) (74 сол)

Маҳалли марг

Рамле, Исроил

Касб(ҳо)

овозхон

Асбоб

daf[d] ва вокал[d]

Ҷоизаҳо

Исҳоқова Барно (номи аслиаш: Бахмал Бераҳовна Исҳоқова; 12 майи 1927 дар Тошканд, ҶШС Ӯзбекистон, ИҶШС таваллуд шудааст ва 7 сентябри соли 2001 дар Рамле, Исроил вафот кардааст), сарояндаи тоҷик, устоди бузурги Шашмақом. Артисткаи халқии ҶШС Тоҷикистон.

Ҳолнома[вироиш]

Барно Исҳоқова дар оилаи яҳудиёни бухорӣ - Бераҳ ва Роҳел Исҳоқова ба дунё омадааст. Пас аз издивоҷ ба Исроэл Бадалбоев ба Самарқанд кӯч мебандад ва чанд сол дар манзили хешони шавҳараш ба сар мебарад. Баъди таваллуди фарзанди дуюм дар оила бо шавҳару фарзандон ба шаҳри Душанбе (Сталинобод) меояд. Фарзандони Барно Исҳоқова ва Исроэл Бадалбоев панҷ нафаранд: Софя, Олга, Тамара, Берта ва Роман.

Барно Исҳоқова солисткаи (сарояндаи яккахон)-и Филармонияи давлатии Тоҷикистон буд ва дар Кумитаи давлатиии радио ва телевизиони ҶШС Тоҷикистон низ фаъолият дошт. Ӯ яке аз шашмақомсароёни беҳтарин дар Тоҷикистон ва Осиёи Миёна мебошад. Устод Садриддин Айнӣ бо ҳаловат аз садои Барно Исҳоқова ӯро "Левичаи занҳо" ном гузошта буд (ба номи Леви Бобохонов ё Левича Ҳофиз, устоди бузурги Шашмақом дар Бухоро). Чанд сол дар факултаи мусиқии шарқи Донишкадаи давлатии санъати Тоҷикистон ба номи М. Турсунзода ба ҳайси дотсент фаъолият дошт ва ба шогирдон таълим медод.

Асосан бо забонҳои тоҷикӣ, ӯзбекӣ, русӣ ва забони модарии худ - забони яҳудиёни бухорӣ суруд месароид.

Дар соли 1992 баъди фурӯпошии ИҶШС (СССР) ва оғози ҷанги шаҳрвандии Тоҷикистон ҳамроҳи аҳли оилаи худ ба Исроил кӯч баст. 7 сентябри соли 2001 дар шаҳри Рамлеи Исроил аз олам даргузашт ва дар гӯшаи яҳудиёни бухории оромгоҳи "Ҳар ҲаМенухот" (Кӯҳи Марҳумон) дар шаҳри Байтулмуқаддас (Иерусалим) ба хок супурда шуд.

Пас аз вафоти Барно Исҳова нависандаи шинохтаи яҳудии бухорӣ, шодравон Арон Шаломаев дар бораи ҳаёт ва фаъолияти ин сарояндаи маъруф бо номи "Барнои мо" ("Наша Барно", "ברנו שלנו" - "Барно шелану") дар се забон - тоҷикӣ, русӣ ва иврит китобе навишт.

Қабри Барно Исҳоқова дар қабристони "Ҳар ҲаМенухот"и шаҳри Байтулмуқаддас (Иерусалим), Исроил соли 2013

Пайванди беруна[вироиш]