Боғи Устод Рӯдакӣ

Мавод аз Википедиа — донишномаи озод
Jump to navigation Jump to search
Даромадгоҳ ба Боғи Устод Рӯдакӣ дар Душанбе
Муҷассамаи Устод Рӯдакӣ дар Боғи Устод Рӯдакӣ

Боғи устод А. Рӯдакӣ (Боғи Устод Рӯдакӣ) – дар маркази ш. Душанбе воқеъ аст.

Тавсиф[вироиш]

Боғ дар қисмати марказии ноҳияи Исмоили Сомонии ш. Душанбе, соҳили чапи дарёи Варзоб (Душанбе) воқеъ аст. Масоҳати майдони боғ - 8 га ташкил медиҳад. Сохтори боғ шакли чоркунҷа дошта дар паҳлӯи хиёбони А. Рӯдакӣ ҷойгир шудааст. Соли 2007 мувофиқи лоиҳаи генералии тармими шаҳр ба ҷойи боғи марказии фароғат ва истироҳатии шаҳрӣ, ки ба номи В.И. Ленин гузошта шуда буд - боғи муосир, «Боғи Устод Рӯдакӣ» бунёд шудааст. Баъди тармими нави саҳни боғ, аз онҷо ҳамаи атраксиону чойхонаи «Фароғат» гирифта шудаанд. Боғи марказии пойтахт бо дизайни замонавии аврупоӣ тармим карда шудааст. Гулгашти асосии боғ ба даромадгоҳи «Коҳи Миллат» пайваста шудааст. Дар маркази боғ ба муносибати 1150 солагии сардафтари адабиёти тоҷик, муҷассамаи Абӯабдуллоҳ Рӯдакӣ бунёд шудааст. Саҳни боғ бо гулу дарахтони ороишӣ ва фаввораҳои дорои рангу мусиқӣ ороиш дода шудааст.

Таърих[вироиш]

Боғ миёнаи солҳои 1930 аз рӯи лоиҳаи архитекторони ш. Ленинград М. Баранов ва Н. Баранов бунёд шуда буд. Дар маркази боғи марказии фароғат ва истироҳат нусхаи биринҷии ҳайкали В.И. Ленин, ки назди Институти Смолнийи ш. Ленинград вокеъ аст, ба Душанбе оварда шуда буд. Бинобар ин, дар замони шӯравӣ боғи марказии фароғат ва истироҳати шаҳри Душанбе ба номи В.И. Ленин гузошта шуда буд. Саҳни боғ бо гулу дарахтони ороишӣ ва фаввораҳо, атраксионҳо, майдончаҳо ва диг. ороиш дода шуда буд. Соли 1970-ӯм дар дохили боғ чойхонаи дуошёнаи «Фароғат» сохта шуда амал мекард.

Пайвандҳои беруна[вироиш]


Манобеъ[вироиш]

  • Салия Мамаджанова, Рустам Мукимов. Архитектура и градостроительство Душанбе (история, теория и практика). – Душанбе, 2008. – С. 278