Бӯстон Сулаймонова (деҳа, н. Абдураҳмони Ҷомӣ)
| Деҳа | |
|---|---|
| Бӯстон Сулаймонова | |
| Кишвар | Тоҷикистон |
| Вилоят | Хатлон |
| Ноҳия | Абдураҳмони Ҷомӣ |
| Ҷамоат | Деҳоти Иттифоқ |
| Забони расмӣ | тоҷикӣ |
| Аҳолӣ | 2335 нафар (2017) |
| Ҳайати миллӣ | тоҷикон, ӯзбакҳо |
| Ҳайати динӣ | мусулмонони ҳанафимазҳаб |
| Коди телефон | +992 3243 |
| Коди мошин | TJ03 |
Бӯстон Сулаймонова — деҳа дар ҷамоати деҳоти Иттифоқи ноҳияи Абдураҳмони Ҷомӣ. Аз Бӯстон Сулаймонова то маркази ҷамоат ва ноҳия 1 км. Аҳолиаш 2335 нафар (2017), тоҷикон. Мактаби таҳсилоти миёнаи умумӣ, бунгоҳи тиббӣ, китобхона, клуб, 5 нуқтаи савдои хусусӣ дорад. Соҳаҳои асосии хоҷагӣ: сабзавоткорӣ, пахтакорӣ ва боғдорӣ. Заминҳо аз наҳри Аскари Шоҳ обёрӣ мешаванд. Мувофиқи иттилои сокини деҳа Ҳомид Амиров аҳолии Б. солҳои 1948 аз водии Рашт, Ромит ва Бадахшон муҳоҷир шуда, дар ҳайати к-зи Миронович кор кардаанд. Бураков Кишвар ва Неъмонов Амир яке аз аввалин сарварони бригадаи к-зи мазкур будаанд. Деҳа ба ифтихори аввалин бригадирзан ва мудири боғча – Бӯстон Сулаймонова, ки то солҳои 1960 дар к-зи Озарбойҷони ноҳияи Куйбишев (ҳозира Абдурраҳмони Ҷомӣ) фаъолият кардааст (аз соли 1970), номгузорӣ шудааст. Дар деҳаи мазкур нимпайкараи ӯ гузошта шудааст.
Эзоҳ[вироиш]
Сарчашма[вироиш]
- Феҳристи номи маҳалҳои Тоҷикистон — Д.: СИЭМТ, 2013. — 332 с. — ISBN 978-99947-33-54-5
- Бӯстон Сулаймонова // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2017, ҷ. 3). — ISBN 978-99947-33-46-0.
|
Ин мақолаи нопурра аз ҷуғрофияи Тоҷикистон мебошад. Шумо метавонед бо пурра кардани ин ба Википедия кумак кунед. |