Ноҳияи Абдураҳмони Ҷомӣ
| Ноҳияи маъмурӣ | |
| Кишвар |
 Тоҷикистон |
|---|---|
| Тобеъи | Хатлон |
| Маркази маъмурӣ | шаҳраки Ҷомӣ |
| Таърих ва ҷуғрофиё | |
| Таърихи таъсис | 2014 |
| Масоҳат | 0,6 ҳазор км² |
| Вақти минтақавӣ | UTC+05:00 |
| Аҳолӣ | |
| Аҳолӣ | 183 900[2] нафар (2022) |
| Миллият | тоҷикон |
| Мазҳаб | мусулмонон |
| Забонҳои расмӣ | тоҷикӣ |
| Шиносаҳои ададӣ | |
| Рамзи ISO 3166-2 | TJ.KL. |
| Домени интернет | .tj |
| Коди мошинҳо | TJ03 |
 |
|
Ноҳияи Абдураҳмони Ҷомӣ (форсӣ: ناحیه عبدالرحمان جامی ) — яке аз ноҳияҳои идории вилояти Хатлон аст ва дар ҷануби Ҷумҳурии Тоҷикистон ҷой дорад. 29 августи 1930 ташкил ёфтааст. Масоҳаташ 682 км2. Марказаш — шаҳраки Ҷомӣ.
Ҷойгоҳ
[вироиш | вироиши манбаъ]Аз маркази ноҳия то маркази вилояти Хатлон шаҳри Бохтар 36 км, то шаҳри Душанбе 86 км, то наздиктарин истгоҳи роҳи оҳан – Вахш 12 км. Ноҳия 7 Ҷамоати деҳот (Ғиёсов, «Иттифоқ», «Ифтихор», «Дӯстӣ», ба номи М. И. Калинин, «50-солагии Тоҷикистон», Яккатут) ва як Ҷамоати шаҳраки Абдураҳмони Ҷомӣ (маркази ноҳия) дорад.
Мардум
[вироиш | вироиши манбаъ]Аҳолиаш 157,7 ҳаз. кас ҳаз. нафар (2016), асосан тоҷикон, инчунин ӯзбекҳо, русҳо, тоторҳо ва ғайра. Мардуми ноҳия ба забонҳои тоҷикӣ ва узбакӣ сухан мегӯянд. Зичии аҳолӣ дар 1 ҳазор км² - 262,8 нафар.[3]
| Сол | 2021 | 2022 |
| Аҳолӣ, ҳазор наф. |
180,2 | 183,9 |
Таърих
[вироиш | вироиши манбаъ]Номҳои пештарааш Арал, Куйбишев, Хоҷамастон. Бо қарори Маҷлиси Миллии Маҷлиси Олии Ҷумҳурии Тоҷикистон аз 12. 02. 2004 ноҳия Абдураҳмони Ҷомӣ номгузорӣ шудааст.
Ҷуғрофиёи табиӣ
[вироиш | вироиши манбаъ]Ҳудуди ноҳия асосан дар водии Вахш, қисми шимолии он дар водии Ёвон воқеъ аст. Ноҳияро кӯҳҳои на чандон баланд (то 2000 м) иҳота кардаанд: аз ғарб қаторкӯҳи Оқтоғ, аз шимол кӯҳи Рангон ва аз шарқ кӯҳи Қаротоғ. Қисми марказии ноҳия ҳамвор, аз сатҳи баҳр 400 – 500 м баланд. Сарватҳои зеризаминиаш: намаки ош, гаҷ ва ғайра. Аз ҳудуди ноҳия дарёи Вахш мегузарад.
Наботот
[вироиш | вироиши манбаъ]Дар даштҳо янтоқ, шӯра, ҷорӯбак, явшон, дар кӯҳҳо камол, торон, ре-воҷ, савсани кӯҳӣ, кинг, юған, пиёзи кӯҳӣ, шибоғ, латтахор ва ғайра; аз дарахтон писта, дӯлона, бодоми кӯҳӣ ва ғайра мерӯянд.
Ҳайвонот
[вироиш | вироиши манбаъ]Аз ҳайвоноти ваҳшӣ гург, рӯбоҳ, шағол, ҷайра, аз хазандагон сангпушт, чанд намуди мор, аз парандагон кабк, бедона, мусича, гунҷишк, майна ва ғайра вомехӯранд.
Иқлим
[вироиш | вироиши манбаъ]
Иқлими ноҳия континентӣ, субтропикии хушк. Тобистонаш гарм; ҳарорати миёнаи июл 35 – 40°С, ҳарорати баландтаринаш 43°С. Зимистонаш нарм; ҳарорати миёнаи январ 9°С. Боришоти солона ба ҳисоби миёна 271 мм. Давраи нашв (беш аз 50) 300 рӯз. Хоки ҳудуди ноҳия асосан хокистарранг.
Бахшбандӣ
[вироиш | вироиши манбаъ]Бар асоси Қонуни тақсимоти кишварӣ, ноҳияи Ҷомӣ 1 шаҳрак ва 7 ҷамоат[4]. дорад
| Ҷамоатҳои ноҳияи Шаҳритус [4]. | |||||||||||
| Ҷамоат | Аҳолӣ | ||||||||||
|---|---|---|---|---|---|---|---|---|---|---|---|
| Ҷомӣ, шаҳрак | 14 600 | ||||||||||
| Қадриддин Ғиёсов | 16 956 | ||||||||||
| Иттифоқ | 20 008 | ||||||||||
| Ифтихор | 14 223 | ||||||||||
| Калинин | 19 411 | ||||||||||
| Дӯстӣ | 18 192 | ||||||||||
| 50-солагии Тоҷикистон | 18 247 | ||||||||||
| Яккатут | 24 690 | ||||||||||
Ҳукумат
[вироиш | вироиши манбаъ]Сарвари ноҳияи Ҷомӣ Раиси Ҳукумати он аст, ки аз ҷониби Раиси Ҷумҳури Тоҷикистон таъйин мегардад. Ниҳоди қонунгузори ноҳия — Маҷлиси намояндагони халқӣ мебошад, ки аз тарафи ҳама мардуми ноҳия ба муддати 5 сол интихоб мешавад.
Иқтисодиёт
[вироиш | вироиши манбаъ]Дар ҳудуди ноҳия Ассотсиатсияи истифодабарандагони об, 9 корхонаи хурд, 3 корхонаи нақлиётӣ, корхонаи коммуналӣ, 10 корхонаи ёрирасон, 6 ташкилоти саноатӣ, 4 ташкилоти сохтмонӣ, корхонаи нонпазӣ, хонаи хидмати маишӣ, хоҷагии моҳипарварӣ, идораи пиллахушккунӣ фаъолият доранд.
Кишоварзӣ
[вироиш | вироиши манбаъ]Ноҳия дорои хоҷагии кишоварзии мутараққист. Соҳаи асосии он – пахтакорӣ, махсусан навъҳои маҳиннах. Инчунин чорводорӣ, ғаллакорӣ, боғу токдорӣ, лимӯпарварӣ, кишти зироатҳои хӯроки чорво ва кирмакпарварӣ ривоҷ ёфтааст. Ноҳия 927 ташкилот ва хоҷагиҳои деҳқонӣ дорад. Соли 2010 ба пахтакорӣ 850 хоҷагӣ ба чорводорӣ 25 хоҷагии омехта, ба ниҳолпарварӣ як хоҷагӣ ва ба боғдорӣ 5 хоҷагӣ машғул буданд. Майдони умумии заминҳои хоҷагии қишлоқ 59649 га (2009), аз ҷумла заминҳои кишт 16794 га, заминҳои обёришаванда 14580 га, заминҳои лалмӣ 2214 га.
Маориф
[вироиш | вироиши манбаъ]Соли хониши 2009 – 2010 дар ноҳия 41 мактаби таҳсилоти миёнаи умумӣ, 12 мактаби таҳсилоти умумии асосӣ, 8 мактаби ибтидоӣ, як литсей-интернат буд, ки дар онҳо 300576 нафар хонандагон таҳсил мекарданд. Дар ноҳия Омӯзишгоҳи касбҳои техникӣ, филиали Омӯзишгоҳи тиббии шаҳри Қӯрғонтеппа, мактаби санъати бачагона мавҷуд аст.
Фарҳанг
[вироиш | вироиши манбаъ]Ноҳия шуъбаи фарҳанг, 10 китобхона, кохи фарҳанг, хонаи фарҳангии типи шаҳрӣ, 3 хонаи фарҳанги деҳотӣ, 2 дастаи ҳунарӣ: «Ғунча» ва «Шабчароғ» 2 идораи алоқа дорад. Рӯзномаи ноҳиявӣ – «Баҳористон» ном дорад.
Тандурустӣ
[вироиш | вироиши манбаъ]Дар беморхонаи марказӣ, дармонгоҳи ноҳиявӣ, 45 бунгоҳи тиббӣ, 5 беморхонаи минтақавӣ, Маркази мубориза зидди бемориҳои сил, шуъбаи бемориҳои пӯст, гӯшу гулӯ ва бинӣ, Маркази беҳдошти саломатӣ, шуъбаи бемориҳои сироятӣ 82 нафар духтурони маълумоти олидор, 441 нафар кормандони дорои маълумоти миёнаи тиббӣ кор мекунанд.
Роҳу нақлиёт
[вироиш | вироиши манбаъ]Аз ҳудуди ноҳия роҳи оҳани Тирмиз – Қӯрғонтеппа – Ёвон мегузарад.[5]
Эзоҳ
[вироиш | вироиши манбаъ]- ↑ 1.0 1.1 https://stat.tj/storage//1.01.2022.pdf
- ↑ Агентии омори назди Президенти Ҷумҳурии Тоҷикистон. ШУМОРАИ АҲОЛИИ ҶУМҲУРИИ ТОҶИКИСТОН ТО 1 ЯНВАРИ СОЛИ 2022. 22 ноябри 2022 санҷида шуд. Баргирифта аз сарчашмаи аввал 10 октябри 2022.
- ↑ Численность населения Республики Таджикистан на 1 января 2015 года. Сообщение Агентства по статистике при Президенте Республики Таджикистан.. 1 октябри 2016 санҷида шуд. Баргирифта аз сарчашмаи аввал 2 июли 2015.
- ↑ 4.0 4.1 Феҳристи номи маҳалҳои Тоҷикистон. — Душанбе: Сарредаксияи илмии Энсиклопедияи Миллии Тоҷик, 2013. — 332 с.
- ↑ Энсиклопедияи Миллии Тоҷик, Ҷилди 1. А-АСОС – Душанбе: Сарредаксияи илмии Энсиклопедияи Миллии Тоҷик, 2012, - с.42 / Ш. Тошева.
|
Ин мақолаи нопурра аз ҷуғрофияи Тоҷикистон мебошад. Шумо метавонед бо пурра кардани ин ба Википедия кумак кунед. |
| Марказ | | |
|---|---|---|
| Дӯстӣ | ||
| Иттифоқ | Боқӣ Раҳимзода • Бӯстон Сулаймонова • Вахш • Ганҷина • Исмоили Сомонӣ • Истиқлол • Маданият • Нусратулло Махсум • Правда • Файзобод • Чорбоғ • Шаҳристон | |
| Ифтихор | ||
| 50-солагии Тоҷикистон | ||
| Калинин | ||
| Қадриддин Ғиёсов | Арал • Баҳористон • Гулобод • Ғайрат • Зафаробод (Ленинизм) • Коминтерн • Навдӣ • Навоӣ • Озодии Шарқ • Рӯдакӣ • Саъдӣ • Тоҷикистони Сурх • Файзбор • Шарифобод | |
| Яккатут | Яккатут • Дӯстӣ • Лермонтов • Лоҳутӣ • Максим Горкий • Мирзо Турсунзода • Мушкрӯд • Наврӯз • Нусратулло Махсум • Пушкин • Турдиев • Хуросон • Ҷовидон • Ҷомӣ | |
| Маркази маъмурӣ |  | |
|---|---|---|
| Ноҳияҳои тобеи вилоят | Абдураҳмони Ҷомӣ • Балҷувон • Вахш • Восеъ • Данғара • Дӯстӣ • Ёвон • Кӯлоб • Кӯшониён • Қубодиён • Левакант • Мӯъминобод • Мир Сайид Алии Ҳамадонӣ • Носири Хусрав • Норак • Панҷ • Темурмалик • Фархор • Ховалинг • Хуросон • Ҷайҳун • Ҷалолиддини Балхӣ • Шаҳритус • Шамсиддин Шоҳин | |
| Шаҳрҳо | ||
| Пойтахт |  | |
|---|---|---|
| Вилояти мухтор | ||
| Вилоятҳо | ||
| Ноҳияҳои тобеи ҷумҳурӣ | ||