Гулкарамшӯрбо

Гулкарамшӯрбо

• Тарзи тайёр намудани Гулкарамшӯрбо: Хомшӯрбояшро аз гӯшти лаҳми серравған ва аз устухони гӯсфанд ё гов мепазанд. Гулкарамро аз ӯзакаш ҷудо карда, бо пиёзу сабзии майдарезашуда якҷоя карда, ба хомшӯрбо меандозанд. Картошкаи доирашакл буридашуда ва намаку қаламфур низ илова мекунанд. Дар оташи паст 20 дақиқа меҷӯшонанд. Сипас, гулкарамшӯрборо ба косаҳо кашида, бо кабудӣ ва пиёзи кабуд истеъмол мекунанд. Ба 500 г гӯшт 1 кг гулкарам, 2 сабзӣ, 3 картошка, 1-2 пиёз 1 бандча кабудӣ ва пиёзи кабуд, намак ва адвиёт (мувофиқи табъ) лозим аст.

Нигаред

• Шӯрбо

Адабиёт

• Фарҳанги забони тоҷикӣ (иборат аз 2 ҷилд) Ҷ. 2 П–Ҷ./Дар зери таҳрири М.Ш.Шукуров, В.А.Капранов, Р.Ҳошим, Н.А. Маъсумӣ. Ҷ. 2. – М: Советская Энциклопедия, 1969, - c. 609.
• Шовалиева М. История кулинарной культуры таджикского народа. – Душанбе: Дониш, 2015.