Шоиста Муллоҷонова

Мавод аз Википедиа — донишномаи озод
Jump to navigation Jump to search
Шоиста Муллоҷонова
Шушана Рубеновна Муллоджанова
Санаи таваллуд

3 сентябри 1925

Зодгоҳ

Сталинобод, Тоҷикистон, СССР

Санаи марг

26 июни 2010, Ню Йорк, ИМА

Маҳалли марг
Солҳои фаъолият

1941 — то ҳол

Кишвар
Касб(ҳо)

овозхон ва омӯзгори суруд ва мусиқӣ

Навъи садо

soprano[d]

Асбоб

вокал[d]

Сабк

Шашмақом

Ҷоизаҳо

Шоиста Муллоҷонова (Шоиста Рубеновна Муллоджанова) — овозхон ва омӯзгори суруд ва мусиқӣ, Артисткаи Халқии РСС Тоҷикистон(1957) ва устоди Донишкадаи давлатии санъати Тоҷикистон ба номи М. Турсунзода буд.

Зиндагинома[вироиш]

Шоиста Муллоҷонова (Шушана Рубеновна Муллоджанова) 3 сентябри соли 1925 дар шаҳри Сталинобод дар хонаводаи яҳудии Рубен ва Сивиё Муллоҷоновҳо ба дунё омад. Аз соли 1941 овозхони гурӯҳи рубобнавозони Филармонияи давлатии Тоҷикистон ва дар солҳои 1944 - 1958 овозхони Театри давлатии академии опера ва балети ба номи Садриддин Айнӣ [1] буд. Ӯ ҳамзамон дар соли 1953 Консерваторияи давлатии Москваро хатм кардааст.

Солҳо дар Театри давлатии академии опера ва балети ба номи Садриддин Айнӣ [1] ҳунарнамоӣ карда бисёр нақшҳоро, аз ҷумла Маҳин (дар операи А. Ленский «Тоҳир ва Зуҳра»), Гулизор (дар асари С. Баласанян «Шӯриши Восеъ»), Марфа (дар «Царская невеста»), Виолетта; Гулчеҳра (дар операи У. Ҳоҷибеков «Аршин мал алан»), Микаэла и дигар нақшҳоро иҷро карда аст.

Соли 1958 яккасарои Филармонияи давлатии Тоҷикистон шуд ва сафарҳои ҳунарӣ ба Ҳиндустон, Индонезия, Финландия, Франсия, Юнон, Нидерландия, Дания, Таиланд, Исроил ва дигар кишварҳо дошт.

Аз соли 1975 устоди, дотсенти Донишкадаи давлатии санъати Тоҷикистон ба номи М. Турсунзода буд ва шогирдони зиёде тарбия кардааст. Соли 1991 ҳамроҳ бо хонаводааш ба Амрико кӯчид ва дар Ню-Йорк бо ансамбли «Шашмақом» -и Фотима Куинова ва сипас бо ансамбли «Мақом»-и Илёс Маллаев ҳамкорӣ дошт ва ҳунарнамоӣ мекард. Вай дар солҳои гуногун бо барномаҳои иборат аз таронаҳои классикӣ ва мардумӣ ба даҳҳо кишвари ҷаҳон сафар ва ҳунари тоҷикиро намоиш додааст. Ҳунаршиносон овози Шоиста Муллоҷонова - сопранои лирикиро яке аз навъҳои нодир арзёбӣ кардаанд.

Даргузашт[вироиш]

Овозхони саршинос Шоиста Муллоҷонова 24 июни соли 2010 дар ҳоли беҳушӣ ба бемористони бахши Квинс дар Ню-Йорк интиқол дода шуд ва пизишкон вазъи ӯро сангин донистанд[2]. Вай пас аз се рӯзи бистарӣ дар бемористон рӯзи 26 июни соли 2010 даргузашт[3].

Шоиста Муллоҷонова 27 июни 2010 дар қабристони яҳудиёни Ню-Йорк дар Лонг Айланд ба хок супурда шуд.

Нигаред[вироиш]

Пайнавиштҳо[вироиш]

<references>


  1. 1.0 1.1 Сомонаи театр
  2. Вазъи сангини саломатии овозхон Шоиста Муллоҷонова 24.06.2010 Озодӣ
  3. Шоиста Мулоҷонова даргузашт 27.06.2010 Озодӣ