Алӣ Аҳ­мадов

Алӣ Аҳ­мадов
Аҳ­мадов Алӣ Алиевич
1-умин Комиссари халқии корҳои хориҷии ҶШС Тоҷикистон
29 июли 1944 — июни 1946
Ҷонишин	Ҷаббор Расулов
Таваллуд	16 (29) январ 1911 Хуҷанд, Вилояти Самарқанд, генерал-губернатории Туркистон, Русияи подшоҳӣ
Даргузашт	11 феврал 1971(1971-02-11) (60 сол) Душанбе, ҶШС Тоҷикистон, ИҶШС
Фаъолият	дипломат
Ҷоизаҳо

Алӣ Алиевич Аҳмадов (16 [29] январ 1911, Хуҷанд, генерал-губернатории Туркистон — 11 феврал 1971, Душанбе) — арбоби давлатии шӯравӣ ва тоҷик, Комиссари халқии корҳои хориҷии ҶШС Тоҷикистон (1944—1946).

Зиндагинома

Алӣ Аҳмадов 16 январи соли 1911 дар шаҳри Хуҷанд, дар хонаводаи мӯзадӯз таваллуд шудааст. Дар шаҳри Самарқанд мактаби дусолаи русии маҳаллӣ ва сипас техникумро бомуваффақият хатм кард. Соли 1935 бошад дар Донишкадаи ирригатсия ва механизатсияи хоҷагии қишлоқи шаҳри Тошкант таҳсилро ба анҷом расонд. Алӣ Аҳмадов забонҳои инглисӣ ва арабиро хуб медонист.

Корнома

• 1930—1935 — донишҷӯи Донишкадаи ирригатсия ва механизатсияи хоҷагии қишлоқи шаҳри Тошкант;
• 1935—1940 — кор дар вазифаҳои мухталиф дар соҳаи хоҷагии оби вилояти Ленинобод, то вазифаи сардори хоҷагии оби вилоят, сипас роҳбари қисми тоҷикистонии сохтмони Канали калони Фарғона;
• 1940—1944 — Комиссари халқии хоҷагии оби ҶСШ Тоҷикистон;
• 1944—1946 — Комиссари халқии корҳои хориҷии ҶСШ Тоҷикистон.

Сипас дар вазифаҳои муовини вазири хоҷагии оби ҷумҳурӣ, омӯзгори Донишкадаи ирригатсия ва механизатсияи хоҷагии қишлоқи Тошканд, сарвари Институти масъалаҳои оби Тоҷикистон кор кард.

Дар оғози солҳои 60-ум мушовири масъалаҳои обёрӣ дар Афғонистон буд. Баъди бозгашт аз Афғонистон дар вазифаи сардори шуъбаи равобити берунии «Средазсовнархоз» дар шаҳри Тошканд кор кард.

То бознишастагӣ муовини роҳбари иттиҳодияи «Тоҷикирсовхозстрой» буд.

Ҷоизаҳо

Рутбаи дипломатиаш — Сафири Фавқулода ва Мухтор, бо унвони «Ирригатори хидматнишондодаи ҶШС Тоҷикистон» мушарраф гардида буд.

Таълифот

Роҷеъ ба масъалаҳои обёрӣ ва хоҷагии об беш аз 60 асари илмӣ ба чоп расонидааст.

Даргузашт

Алӣ Аҳмадов 11 феврали соли 1971 даргузашт.