Jump to content

Алиф Бонк

Мавод аз Википедиа — донишномаи озод
«Алиф Бонк»
Шакл Ҷамъияти саҳҳомӣ
Иҷозатнома № 0000114 аз 3 январи 2020
Фаъолият Бонки умумӣ
Соли таъсис 2014
Номҳои пешина ТАҚХ «Алиф Сармоя»
Макон  Тоҷикистон: Душанбе
Афроди калидӣ Ҳофиз Шаҳидӣ — раиси шӯрои нозирон
Абдулло Қурбонов — раиси пешина ва ҳаммуассис
Зуҳуршо Раҳматуллоев — ҳаммуассис
Фирдавс Мирзоев — ҳаммуассис
Гуланор Атобек — раис
Шумораи кормандон ▲ 1100 (июли 2023)
Вебгоҳ alif.tj

Алиф Бонк (номи пурра Ҷамъияти саҳомии кушодаи «Алиф Бонк»; номи пешина ТАҚХ «Алиф Сармоя») — ширкати фанноварии молӣ дар Тоҷикистон, ки дар соли 2014 таъсис шуд ва дар соли 2020 ба як бонк табдил шуд. Алиф усули молиявии исломиро дар доираи қонунгузории бонкии Тоҷикистон истифода мекунад. Дафтарҳои Алиф дар Душанбе, Хуҷанд ва якчад шаҳрҳои дигари Тоҷикистон ҷойгир шудаанд.

Таърих

[вироиш | вироиши манбаъ]

Пас аз якчанд соли таҳсилу кор дар хориҷа, Абдулло Қурбонов, Зуҳуршо Раҳматуллоев ва Фирдавс Мирзоев Алифро соли 2014 дар Тоҷикистон таъсис доданд. Тибқи иттилои сомонаи худ, ширкат дар аввал корро бо се нафар оғоз карда, қарзи хурдро ба мардум пешниҳод менамуд ва сипас теъдоди кормандонашро зиёд кард[1]. Дар муддати нуҳ соли охир, Алиф ба яке аз ташкилоти маъруфи fintech дар Тоҷикистон табдил ёфт, ки ба муштариёнаш экосистемаро барои ҳалли масъалаҳои технологӣ ва молиявӣ пешниҳод мекунад. Алиф Бонк пешсафи бозор дар POS-маблағгузорӣ тавассути кортҳои пластикӣ, бузургтарин платформаи онлайни B2C alif shop, ҳамёни мобилии фарогир дар Тоҷикистон alif mobi ва ҳамгироии истисноӣ бо бузургтарин вебсайти эълонҳо дар ҷумҳурӣ мебошад. Ин хизматрасониҳо аз ҷониби якчанд тими бузурги барномасозони ширкат таҳия шуда, мусоидат мекунанд, ки низоми автоматикунонии бонкӣ, CRM, ҳамёни мобилӣ, коркарди кортҳо ва системаи кадрҳову рекрутинг бе мушкилӣ фаъолият кунанд. Alif Capital Holdings Limited ҳоло бо дуввумин ширкати худ дар Ӯзбекистон ва сатҳи байналмилалӣ рушд карда истодааст[2][3]. Бо хариди 25 % саҳмияҳо аз ҷониби Ҳофиз Шаҳидӣ соҳибкори тоҷики муқими Монако Ташкилоти амонатии қарзии хурди «Алиф Сармоя» дар моҳи январи соли 2020 ба бонк табдил ёфт. Бо қарори Раёсати Бонки миллии Тоҷикистон аз 3-уми январи соли 2020, таҳти № 1, ба ҶСК «Алиф Бонк» Иҷозатнома барои анҷом додани амалиёти бонкӣ бо пули миллӣ ва асъори хориҷӣ дода шуд[4][5]. Бино ба иттилои шуъбаи матбуоти Бонки миллии Тоҷикистон, раиси он Ҷамшед Нурмаҳмадзода зимни супоридани Иҷозатнома ба раиси пешинаи «Алиф Бонк» Абдулло Қурбонов барои васеъ кардани шабакаи фаъолият, аз ҷумла, кушодани воҳидҳои сохторӣ дар тамоми минтақаҳои ҷумҳурӣ ва зиёд кардани хизматрасониҳои бонкӣ, бахусус, қарздиҳӣ дастур дод[6].

Солнома

2014

  • 29-уми апрели соли 2014 Алиф Бонк аз тарафи се нафар ташкил шуда, шартномаи қарзи автомобилиро бо аввалин муштарии худ ба имзо расонд.

2015

  • 7-уми октябри соли 2015 CRM — аввалин барномаи хусусии идоракунии муносибатҳои муштариёни Алиф тарҳрезӣ шуд, ки баъдтар соли 2016 ба кор андохта шуд.
  • Дар давоми нуҳ моҳи фаъолият Алиф сандуқи қарзии худро се маротиба афзоиш дод ва дар байни аъзои АТҚХТ дар Тоҷикистон 5-умин ташкилоти қарзии хурд гардид.

2016

  • 14-уми марти соли 2016 ба ташкилоти амонатии қарзии хурди «Алиф Сармоя» барои гузаронидани амалиёти бонкӣ иҷозатнома дода шуд. Пас аз он Алиф ҳуқуқ пайдо кард, то ки пасандоз кушояд ва дар дохилу хориҷи кишвар муомилоти молиявиро анҷом диҳад[7].
  • 1-уми апрели соли 2016 аввалин суратҳисоби амонатӣ кушода шуд.

2017

  • 1-уми январи соли 2017 Алиф низоми автоматикунонии бонкии худро ба кор андохт, ки онро тими барномасозии худи ширкат навишта буданд. Системаи автоматикунонии бонкӣ як маҳсулоти хеле мураккаби нармафзор аст, ки одатан аз ҷониби бонкҳои дигар аз фурӯшандагони байналмилалӣ харидорӣ карда мешавад. Навиштан ва ба кор андохтани системаи автоматикунонии бонкии худ ба Алиф имкон дод, то ки қадами муҳиме дар роҳи табдил шудан ба як ширкати моливию технологӣ гузорад.
  • 17-уми марти 2017 Алиф ба Низоми миллии пардохтии «Корти миллӣ» шомил шуд ва ба барориши кортҳои пардохтии «Корти миллӣ» оғоз кард.
  • 3-юми июни соли 2017 alif shop аввалин мағозаи онлайн дар Тоҷикистон бо имкони хариди мол ба насия ба кор оғоз кард. Дертар alif shop ба бузургтарин бозори онлайни B2C дар Тоҷикистон табдил ёфт.
  • 1-уми августи соли 2017 Алиф Академия кушода шуд ва барои рушди технологияҳои иттилоотӣ дар Тоҷикистон дарсҳои ройгони барномасозиро оғоз намуд.
  • 16-уми октябри соли 2017 Алиф аввалин маркази хизматрасонии бонкиии худро дар Хуҷанд боз кард.
  • 4-уми ноябри соли 2017 Алиф аввалин платформаи эквайринги онлайнии alif pay-ро ба роҳ монд, ки ба дорандагони кортҳои «Корти миллӣ» имкони онлайн пардохт кардани хизматрасониҳоро фароҳам овард. Баъдтар ин роҳи пардохт аз ҷониби дигар бонкҳо ба таври васеъ қабул карда шуд ва ба рушди босуръати соҳаи молиявию технологияҳо дар Тоҷикистон замина гузошт.

2018

  • 6-уми январи соли 2018 alif mobi — яке аз аввалин ҳамёни мобилӣ дар кишвар аз ҷониби Алиф роҳандозӣ шуд. Имрӯз alif mobi ҳамёни мобилии калонтарин буда, ба таври васеъ истифода мешавад ва дорои эътибори баланд дар кишвар мебошад.
  • 29-уми январи соли 2018 Алиф ба низоми байналмилалии интиқоли пулҳо ҳамроҳ шуд.
  • 15-уми марти соли 2018 ширкат корти овердрафтро бо насияи 10-рӯза ба муштариёни худ пешниҳод намуд.
  • 20-уми августи соли 2018 Алиф корти насияи «Салом»-ро ба роҳ андохт. Корти мазкур ба муштариён имкон медиҳад, ки молу маҳсулотро онлайн ва офлайн харидорӣ кунанд. Барои дастгирии кортҳои «Салом», ширкат барномаи махсусеро таҳия кард, ки смартфонҳои оддиро ба POS-терминалҳо табдил медиҳад. Шарикони Алиф дар навбати худ чунин POS-терминалҳоро барои коркарди муомилот ва фурӯш ба насия истифода мебаранд.

2019

  • Моҳи сентябри соли 2019 маркази таълимии ройгон таъсис ёфта, баҳри таълими ихтисосҳои бонкӣ ва шуғли минбаъда дар Алиф ба роҳ монда шуд.
  • Моҳи ноябри соли 2019 Алиф аз соҳибкори тоҷики сокини Монако Ҳофиз Шаҳидӣ маблағгузорӣ ҷалб кард. Дар натиҷаи ин муомила Шаҳидӣ соҳиби 25%-и саҳмияҳои ширкат шуда, раиси шӯрои нозирон гардид. Маблағҳои ҷамъшуда ба Алиф имкон доданд, ки барои гирифтани иҷозатномаи пурраи бонкӣ ба БМТ муроҷиат намояд[8][9].
  • 18-уми декабри соли 2019 Алиф барандаи ҷоизаи тиллои «Бренди сол — 2019. Қуллаи шараф» шуд[10].

2020

  • 3-юми январи соли 2020 «Алиф Сармоя» барои амалиёти бонкӣ таҳти № 0000114 аз Бонки миллии Тоҷикистон иҷозатнома гирифт ва табдил ба Алиф Бонк шуд[11].
  • Моҳи феврали соли 2020 Алиф аз бонки хусусии Швейтсария CBH Bank (Compagnie Bancaire Helvétique SA) сармоягузорӣ дарёфт кард[12].
  • Моҳи июни соли 2020 ширкати италиявии MicroFinanza Rating қобилияти идоравии Алиф Бонкро аз ҷиҳати хафвҳо тасдиқ карда, ба бонк рейтинги молиявии устувори BBB Stable-ро дод[13].
  • Дар моҳи июни соли 2020 Бонки миллии Тоҷикистон пас аз санҷиши фаъолият Алиф Бонкро ба маблағи 500 ҳазор сомонӣ ҷарима баст[14].
  • 7-уми июли соли 2020 барои рушди экосистемаи пардохтҳои рақамӣ дар Тоҷикистон Алиф Бонк ва Visa шарикони стратегӣ шуданд[15].
  • Моҳи сентябри соли 2020 мувофиқи маълумоти Global Banking & Finance, Алиф Бонк бонки ғолиби номинатсияи босуръат рушдёбандаи «Бонки чаканаи Тоҷикистон 2020» гардид[16].
  • Моҳи августи соли 2020 аввалин шуда, барои беҳбудии фаъолият дар Тоҷикистон ва Ӯзбекистон Алиф раванди табдили инфрасохтори худро ба абри гибридӣ бо истифода аз Amazon Web Service оғоз кард[17].

2021

  • 8-уми августи соли 2021 Алиф Бонк дар Ҷоизаи Global Finnovation ICD 2020 барои барномаи alif mobi ва корти насияи «Салом» ҷоиза ба даст овард[18].
  • 13-уми августи соли 2021 интернет-бонки alif business аз тарафи ширкати швейтсарии ImmuniWeb санҷиши амнияти иттилоотиро гузашт.
  • 6-уми сентябри соли 2021 дар давраи навбатии маблағгузорӣ Алиф 8 миллион доллар сармоягузорӣ ва 50 миллион доллар қарз ба даст овард. Ба ин васила Алиф ҳамчун яке аз ширкатҳои азими молиявию технологии минтақа бо арзиши 100 миллион доллар баҳогузорӣ карда шуд.

2022

  • 2-юми ноябри соли 2022 тағйироти куллие дар Алиф Бонк ба вуҷуд омада, раёсаташ Гуланор Атобекро ба ҳайси раиси нави худ интихоб намуд. Ӯ то ин вақт дар вазифаи муовини якуми раиси Алиф Бонк кор мекард. Гуланор Атобек пештар дар ширкати ҷаҳонии Deloitte фаъолият намуда, дар соҳаи аудит соҳиби таҷрибаи 18-сола мебошад[19][20].

Фаъолият

[вироиш | вироиши манбаъ]

«Алиф Бонк» хизматрасониҳои молиявиро бо риояи меъёрҳои маблағгузории исломӣ (Мурабаҳа ва Музораба) пешниҳод менамояд, ки дар доираи қонунгузории Ҷумҳурии Тоҷикистон нисбат ба бонкҳои классикӣ татбиқ мешаванд[21]. Алиф Бонк ният дорад, ки пурра ба системаи бонкдории исломӣ гузарад[22].

Алиф онлайн-мағоза барои харид ба нақду насия, бонки интернетӣ, ҳамёни мобилӣ ва дигар хизматрасониҳои молиявиро бо истифода аз технологияҳои навин ба мардум пешниҳод мекунад[23]. Алиф бонки бисёрсоҳа буда, баҳри рушди технологияҳои молиявӣ диққати худро равона кардааст[24].

Саридораи бонк дар шаҳри Душанбе буда, марказҳои хизматрасонияш дар якчанд шаҳрҳои Тоҷикистон: Хуҷанд, Истаравшан, Панҷакент, Бохтар, Ҳисор, Ваҳдат ва Турсунзода ҷойгир шудаанд[25]. Alif Capital Holdings Limited ширкати холдингии Алиф Бонк, буда саридораи он дар Британияи Кабир ҷойгир мебошад. Мувофиқи иттилои он даромади солонаи пешбинишудаи (run-rate revenue) Алиф Бонки Тоҷикистон ва Alif Moliya ҳамроҳи Alif Tech-и Ӯзбекистон то моҳи июни соли 2023 54 миллион долларро ташкил медиҳад. Дар якҷоягӣ ширкатҳо ба 1,8 миллион муштарӣ хизматрасонӣ карда, бештар аз 1100 корманд доранд ва босуръат рушд карда истодаанд[26]. Алиф Бонк тавонист, ки дар муддати кутоҳ ба яке аз стартапҳои пешрафтаи соҳаи технологияи молиявӣ дар Осиёи Марказӣ табдил шавад[27].

Мушкилот

[вироиш | вироиши манбаъ]

Дар давоми нуҳ соли фаъолият Алиф Бонк ба мушкилоти гуногуне дучор шудааст, ки ин боис шуд, то дар заминаи мудирияти манобеъи кадриву инсонии он ҳамчун необонк тағйироти чашмгире ба вуҷуд биёяд. Аз ҷумла 20-уми июни соли 2020 Бонки миллии Тоҷикистон Алиф Бонкро барои мушкилоти ҷойдошта дар соҳаи кадрӣ 500 000 сомонӣ ҷарима кард, ки онро бонк бидуни баҳс ба ҳисоби корреспондентии Бонки миллӣ ворез кард. Раиси онвақтаи бонк онро дар паёме чунин шарҳ дода буд «ҳар ташкилоти қарзӣ дар камтар аз як сол бояд аз санҷиши ҳамаҷонибаи Бонки миллии Тоҷикистон гузарад, то ба дуруст будани фаъолияти худ бовар ҳосил кунад. Ба наздикӣ мо низ аз чунин тафтиш гузаштем». Инро Абдулло Қурбонов раиси пешинаи бонк «шаффофияти кор» ва «масъулияти бонк дар назди ҷомеа» гуфта буд[28][29]. Мушкилоти дигар бошад, бо Кумитаи андози назди ҳукумати Ҷумҳурии Тоҷикистон сар зад, ки он аз «Алиф Бонк» пардохти иловагии андоз дар ҳаҷми тақрибан 1,6 миллион сомониро (бо дарназардошти ҷаримаҳо) талаб кард, ки онро ба андозҳои давраи соли 2019 рабт дода буд. Сипас, Алиф Бонк ба Шӯрои аппелятсионии назди Кумитаи андози назди ҳукумати Ҷумҳурии Тоҷикистон шикоят кард. Пас аз ҷавоби рад гирифтан, Алиф ба Суди Олии иқтисодӣ шикояти кассатсионӣ супорид ва дар натиҷаи баҳс талош кард, то баранда шавад. Аммо додгоҳ баҳсро ба нафъи Кумитаи андози назди ҳукумати Ҷумҳурии Тоҷикистон ҳал кард ва Алиф маҷбур шуд 1 600 000 сомонӣ маблағ пардохт кунад[30][31].

Сармоягузориҳо

[вироиш | вироиши манбаъ]

Аз рӯзи аввали пайдоиши худ Алиф таваҷҷуҳи сармоягузоронро соҳиб шуда, тавонист сармояҳои мустақими хориҷиро барои рушди низоми бонкдории Тоҷикистон ҷалб намояд. Яке аз чунин сармоягузориҳои назаррас 13-уми ноябри соли 2019 рух дод, ки дар натиҷааш Ҳофиз Шаҳидӣ 25%-и саҳмияҳоро харида, раиси шӯрои нозирони Алиф Бонк гардид. Ҳофиз Шаҳидӣ писари оҳангсози маъруфи тоҷик Толибхон Шаҳидӣ мебошад. Ӯ соҳиби GTL Terminals аст, ки хизматрасониҳои интиқол ва нигаҳдории маҳсулоти нафтиро дар Аврупо, Осиё ва Амрико таъмин мекунад ва ҳамзамон шарики ширкати молиявии Jefferson Capital Holdings Limited мебошад. Ҳофиз Шаҳидӣ сабаби харидани саҳмияҳои Алифро дар босуръат рушд ёфтани он ва сармоягузорӣ ба ватанаш донистааст[32]. Маблағгузории навбатӣ моҳи феврали соли 2020 аз тарафи CBH Bank (Compagnie Bancaire Helvétique ) — як бонки хусусии Швейтсария буд, ки саҳмияи Алифро харидорӣ намуд[33]. Сармоягузори ҷиддии дигаре, ки тавонист ба фаъолияти Алиф ба таври назаррас таъсир гузорад, аз тарафи Jefferson Capital Holdings Limited мебошад. Дар натиҷаи ҳамкорӣ ширкат тавонист 8 миллион доллар сармоя ва 50 миллион доллар қарз ба даст орад. Дар ин давра мутахассисони маҷаллаи байнламилмилалӣ ffnews.com[34] арзиши бозории Алифро 100 миллион доллар баҳо додаанд[35][36].

Роҳбарият

[вироиш | вироиши манбаъ]

Алиф Бонки Тоҷикистон: Раис — Гуланор Атобек[37].

Муовини раис — Далер Каримов[38].

Alif Moliya-и Ӯзбекистон: Раис — Нуриддин Лафизов[39].

Alif Tech-и Ӯзбекистон: Раис— Шохрух Абдулҳамидов[40].

Корбарон

[вироиш | вироиши манбаъ]

Алиф Бонк ҳамчун бонки мукаммал дар Тоҷикистон ва Alif Moliya ҳамроҳи Alif Tech ҳамчун ташкилоти молиявӣ ва электронӣ дар Ӯзбекистон фаъолият мекунанд. Ширкати холдингии онҳо Alif Capital Holdings Limited июли соли 2022 афзоиши рекордии даромади солонаи зиёда аз 150%-ро эълон кард. Дар ин давра шумораи муштариёни Алиф аз 1 миллион нафар гузашт, ки нисбат ба соли гузашта 66 % бештар мебошад[41].

Бонкдории исломӣ

[вироиш | вироиши манбаъ]

Алиф Бонк аз рӯзи аввали пайдоишаш талош дорад, то ки ба бонки исломӣ табдил ёбад ва дар ин замина корҳоеро низ анҷом додааст. 18-уми апрели соли 2022 маълумот дар сомонаи Алиф Бонк нашр шуд, ки мехоҳад низоми бонкдории исломиро пеша кунад ва ин изҳорот баъзе маҳдудиятҳоро ҳангоми пардохт бо корти Visa пешбинӣ мекард. Дар натиҷа дар ҷомеаи шаҳрвандӣ ва шабакаҳои иҷтимоӣ резонансе ба вуҷуд омад, ки роҳбарияти Алиф маҷбур шуданд ин вокунишҳоро баррасӣ карда, ба муштариёнашон оид ба пахши чунин сабабҳо ва омилҳояш маълумот пешниҳод кунанд[42][43].

Маҳсулоти бонкии Алиф

[вироиш | вироиши манбаъ]

Алиф ҳамчун ширкати молиявии дар ҳоли рушд лоиҳаҳои гуногунро дар самтҳои молия, технология ва маориф ба мардум пешниҳод мекунад.

НАБ: Низоми автоматикунонии бонкӣ — соддагардонии раванди коркарди маълумот, таъмини иҷрои амалиёти электронӣ, пардохтҳо дар реҷаи автоматӣ ва баҳисобгирии муҳосибӣ.

CRM: Системаи идоракунии муносибатҳои муштариён — платформаи кории қариб тамоми ширкат мебошад. Дар ин ҷо маълумоти муштариён ва тамоми равандҳои тиҷоратӣ нигоҳ дошта мешаванд.

alif shop [1] — мағозаи интернетӣ барои харид ба насия ва нақд. Ин аввалин бозоргоҳ (макетплейс) дар Ҷумҳурии Тоҷикистон аст, ки қариб ҳамаи мағозаҳои пойтахт ва минтақавиро муттаҳид кардааст. Мағозаҳо маҳсулоти худро дар сайт ҷойгир карда, ба таври чакана мефурӯшанд.

'alif business' — бонки интернетист, ки дар он муштариёни корпоративӣ метавонанд мустақиман аз телефон ё компютери худ амалиёти бонкиро анҷом диҳанд. Платформа барои амнияти иттилоотӣ аз ҷониби ширкати швейтсарии ImmuniWeb[44] озмуда шудааст[45].

Корти «Салом» корти насия мебошад, ки имконияти харидро дар зиёда аз 2000 мағозаи Тоҷикистон фароҳам меорад[46].

alif mobi [2] ҳамёни мобилие мебошад, ки дар Тоҷикистон ва Ӯзбекистон [3] фаъолона истифода мешавад. Бо ин барнома муштариён метавонанд хароҷоти коммуналию дигар хизматрасониро пардохт кунанд, пул интиқол диҳанд, бо QR-рамз харид намоянд ва маблағҳои худро онлайн идора кунанд. alif mobi-ро тавассути беш аз 4000 терминалҳо дар Тоҷикистон ва зиёда аз 1,5 миллион кортҳои пластикӣ пур кардан мумкин аст[47].

alif pay [4] як системаи пардохти онлайн бо истифода аз кортҳои «Корти миллӣ»-и тамоми бонкҳои Тоҷикистон мебошад.

Корти Visa-и Алиф Бонк аз ҳама паҳншудатарин дар байни сокинони Тоҷикистон буда, тибқи иттилои он 60%-и пардохтҳои бренди мазкур дар Тоҷикистон ба Алиф рост меояд[48].

Қарзи нақдӣ ягона хизматрасонии бонк мебошад, ки ба муштариён иҷозат медиҳад, маблағро ба таври нақдӣ қарз гиранд.

Моликон

[вироиш | вироиши манбаъ]

Тибқи иттилои сомонаи Alif Capital Holdings Limited [5] ҳаммуассисону нозирони ширкат Абдулло Қурбонов, Зуҳуршо Раҳматуллоев ва Фирдавс Мирзоев буда, Ҳофиз Шаҳидӣ, Фирдавс Шаҳидӣ, Раҷаббек Сулаймонбеков ва Насим Алибҳай ҳамчун нозирон сабт шудаанд[49].

Эзоҳ

[вироиш | вироиши манбаъ]
  1. ↑ Как финтех в Таджикистане создал собственную экосистему, открыл IT-академию и привлёк $10 миллионов инвестиций в капитал — Алиф на vc.ru
  2. ↑ Alif Bank looks to further international expansion https://www.thebanker.com/World/Central-Eastern-Europe/Alif-Bank-looks-to-further-international-expansion/(language)/eng-GB
  3. ↑ IFC и Алиф Банк подписали соглашение по улучшению корпоративного управления Подробнее: https://asiaplustj.info/ru/news/tajikistan/society/20200914/ifc-i-alif-bank-podpisali-soglashenie-po-uluchsheniyu-korporativnogo-upravleniya
  4. ↑ Ба ҶСК «Алиф Бонк» Иҷозатнома дода шуд https://nbt.tj/tj/news/493148/
  5. ↑ Micro-financing organization using the principles of Islamic Finance upgraded into bank Read more: https://asiaplustj.info/en/news/tajikistan/economic/20200106/micro-financing-organization-using-the-principles-of-islamic-finance-upgraded-into-bank
  6. ↑ Таъсиси боз як бонк дар Тоҷикистон. «Алиф Сармоя» ба «Алиф Бонк» табдили ном кард https://asiaplustj.info/ru/node/276752
  7. ↑ ООО МДО «Алиф-сармоя» выдана лицензия на проведение банковских операций Национальный банк Таджикистана https://nbt.tj/ru/news/431683/?month=08&year=2017
  8. ↑ Таджикский предприниматель из Монако инвестировал в компанию «Алиф Капитал» https://asiaplustj.info/ru/news/tajikistan/economic/20191113/tadzhikskii-predprinimatel-iz-monako-investiroval-v-kompaniyu-alif-kapital
  9. ↑ Рӯйхати ҳайати мушовирони бонк аз сомонаи расми ширкат https://alif.tj/files/supervisory_board.pdf(пайванди дастнорас)
  10. ↑ «Бренди сол — 2019». Беҳтарини тоҷирони Тоҷикистон Подробнее: https://asiaplustj.info/news/tajikistan/economic/20191219/brendi-sol-2019-betarini-toironi-toikiston
  11. ↑ «Алиф Сармоя» переименован в «Алиф Банк» https://khovar.tj/rus/2020/01/alif-sarmoya-pereimenovan-v-alif-bank/ Бойгонӣ шудааст 7 Январ 2020  сол.
  12. ↑ Compagnie bancaire helvétique https://fr.wikipedia.org/wiki/Compagnie_bancaire_helv%C3%A9tique
  13. ↑ https://www.mf-rating.com/reports/?sreport=alif
  14. ↑ Нацбанк Таджикистана оштрафовал «Алиф банк» на 50 тысяч долларов https://tj.sputniknews.ru/20200622/nacbank-tajikistan-oshtrafoval-alifbank-50-tysyach-dollarov-1031450237.html
  15. ↑ Visa и Алиф Банк объявили о стратегическом партнерстве для развития цифровой платежной экосистемы в Таджикистане Подробнее: https://asiaplustj.info/ru/news/tajikistan/economic/20200707/visa-i-alif-bank-obyavili-o-strategicheskom-partnerstve-dlya-razvitiya-tsifrovoi-platezhnoi-ekosistemi-v-tadzhikistane
  16. ↑ GLOBAL BANKING & FINANCE AWARDS® — 2020 — Award Winners https://www.globalbankingandfinance.com/global-banking-finance-awards-2020-award-winners/
  17. ↑ Central Asian Neobank Alif Expands Across Borders with Hybrid Migration to AWS https://aws.amazon.com/ru/solutions/case-studies/alif-bank-case-study/
  18. ↑ PRIX DE L’INNOVATION FINANCIÈRE 2020 https://icd-ps.org/fr/news/icd-announces-winners-of-its-international-financial-innovation-competition-titled-icds-finnovation-award-2020
  19. ↑ Раиси «Алиф Бонк» нав шуд https://sputnik.tj/20221102/gulanor-atobek-raisi-navi-alif-bonk-tayin-1052575933.html
  20. ↑ Роҳбари нави «Алиф Бонк». Гуланор Атобек кист? (аудио) https://pressa.tj/ro%D2%B3bari-navi-alif-bonk-gulanor-atobek-kist/
  21. ↑ https://ru.wikipedia.org/wiki/%D0%90%D0%BB%D0%B8%D1%84_%D0%91%D0%B0%D0%BD%D0%BA
  22. ↑ Sattarova Dilfuza Dilshodbekovna Independent researcher, JSCB «Hamkorbank» Urgench branch; International Experience of Islamic Financial Organizations SSN NO: 2770-0003 https://zienjournals.com Texas Journal of Multidisciplinary Studies; Date of Publication: 30-11-2022 page 138, https://zienjournals.com/index.php/tjm/article/download/2859/2389
  23. ↑ Ilhom Aliyev: It’s Time for Tajikistan to Become a Startup Nation https://thediplomat.com/2019/11/its-time-for-tajikistan-to-become-a-startup-nation/
  24. ↑ «Алиф», как магнит талантов: Тут можно работать кем угодно и когда хочетсяПодробнее: https://asiaplustj.info/ru/news/tajikistan/economic/20200425/alif-kak-magnit-talantov-tut-mozhno-rabotat-kem-ugodno-i-kogda-hochetsya?tg_rhash=4ad06923c19fc6
  25. ↑ Alif Bank opens its banking service centers in Vahdat and Bokhtar Read more: https://asiaplustj.info/en/news/tajikistan/economic/20211104/alif-bank-opens-its-banking-service-centers-in-vahdat-and-bokhtar https://asiaplustj.info/ru/news/tajikistan/society/20211103/alif-bank-otkril-svoi-dveri-v-vahdate-i-bohtare
  26. ↑ Сомонаи холдинги Алиф https://www.alif.holdings/#financial-report
  27. ↑ Alif receives $100 million valuation, raising $8 million in equity and $50 million in debt https://ffnews.com/newsarticle/alif-receives-100-million-valuation-raising-8-million-in-equity-and-50-million-in-debt/
  28. ↑ Бонки миллӣ «Алиф»-ро 500 000 ҷарима баст. Соли оянда боз санҷиш! https://pressa.tj/bonki-mill%D3%A3-alif-ro-500-000-%D2%B7arima-bast-soli-oyanda-boz-san%D2%B7ish/
  29. ↑ За что оштрафовали «Алиф Банк» на полмиллиона сомони, и какие теперь планы у банка? Подробнее: https://www.asiaplustj.info/ru/news/tajikistan/economic/20200622/za-chto-oshtrafovali-alif-bank-na-polmilliona-somoni-i-kakie-teper-plani-u-banka
  30. ↑ Кумитаи андоз аз «Алиф Бонк» пардохти 1,6 млн андозу ҷаримаи иловагиро талаб кардастПодробнее: https://asiaplustj.info/ru/node/295515
  31. ↑ Баҳси андозии Алиф https://www.youtube.com/watch?v=v30gc6OQUuc
  32. ↑ https://fergana.agency/news/112459/
  33. ↑ Таджикский предприниматель из Монако инвестировал в компанию «Алиф Капитал» Подробнее: https://asiaplustj.info/ru/news/tajikistan/economic/20191113/tadzhikskii-predprinimatel-iz-monako-investiroval-v-kompaniyu-alif-kapital
  34. ↑ https://ffnews.com/
  35. ↑ «Алиф» оценили в 100 миллионов долларов Подробнее: https://asiaplustj.info/ru/news/tajikistan/economic/20210908/alif-otsenili-v-100-millionov-dollarov
  36. ↑ Alif receives $100 million valuation, raising $8 million in equity and $50 million in debt https://ffnews.com/newsarticle/alif-receives-100-million-valuation-raising-8-million-in-equity-and-50-million-in-debt/
  37. ↑ Назначен новый руководитель «Алиф банка»: кто он https://tj.sputniknews.ru/20221102/alif-bank-novyy-rukovoditel-1052573164.html
  38. ↑ https://weproject.media/articles/detail/daler-karimov-ob-osobennostyakh-raboty-v-krupneyshem-banke-tadzhikistana-i-pochemu-vazhno-soblyudat-/][https://tj.sputniknews.ru/20221102/alif-bank-novyy-rukovoditel-1052573164.html(пайванди дастнорас)
  39. ↑ Гость: Нуриддин Лафизов, Директор Alif Узбекистан. Диалог о продуктах и развитии BNPL продуктов https://www.youtube.com/watch?v=vlH5i1ZVvFo
  40. ↑ https://statsnet.co/companies/uz/58838429
  41. ↑ ALIF RECORDS 150 %+ YEAR-ON-YEAR REVENUE GROWTH, SURPASSING 1 MILLION + USERS https://financialit.net/news/banking/alif-records-150-year-year-revenue-growth-surpassing-1-million-users
  42. ↑ Популярный в Таджикистане «Алиф Банк» переходит на систему исламского кредитования https://rus.ozodi.org/a/tajikistan-asia-alif-bank/31810741.html
  43. ↑ Бонкдории исломӣ. Фоизҳо. Корти Visa.https://www.youtube.com/watch?v=zSYIVzvaDHg
  44. ↑ https://en.wikipedia.org/wiki/ImmuniWeb
  45. ↑ https://alifwebsite.alif.tj/uploads/attestation_4ce0b3de_344da49e_16324f8f33.pdf
  46. ↑ https://salom.alif.tj/
  47. ↑ Alif Bank looks to further international expansion https://www.thebanker.com/World/Central-Eastern-Europe/Alif-Bank-looks-to-further-international-expansion/(language)/eng-GB
  48. ↑ https://www.alif.holdings/
  49. ↑ https://www.alif.holdings/#founders

Пайвандҳо

[вироиш | вироиши манбаъ]
  • alif.tj — вебгоҳи расмии Алиф Бонк
Баргирифта аз "https://tg.wikipedia.org/w/index.php?title=Алиф_Бонк&oldid=1383236"