Берн

Шаҳр
Берн олмонӣ: Bern
Парчам Нишон
Кишвар	ШвейсарияШвейсария
Кантон	Берн
Округ	Берн
Координатаҳо	47°00′00″ с. ш. 07°27′00″ в. д.
Мэр	Александр Шаппат
Масоҳат	51,6 км²
Забони расмӣ	олмонӣ
Аҳолӣ	▲ 131 554 нафар (2015)
Номи қавмӣ	бернӣ, берниҳо
Коди телефон	031
Сайти расмӣ	bern.ch (олмонӣ)(фр.)(ит.)(англ.)
Берн

Бе́рн (олмонӣ: Bern [ˈbɛrn], фр. Berne, итол. Berna, румш. Berna) — пойтахти Швейтсария, маркази маъмурии округи Берн. Дар ду соҳили дареи Ааре, дар баландии 572 м аз сатҳи баҳр воқеъ аст. Масоҳ. 51,60 км². Аҳолиаш 123 466 нафар (2009). Забони расмӣ — олмонӣ. Аэропорти байналмилалӣ дорад. Роҳи оҳан ва роҳи автомобилгард Бернро бо шаҳрҳои Аврупо пайваст мекунад.

Таърих

Берн соли 1191 бунёд шудааст. Аз соли 1848 пойтахти Швейтсария. Дар охири садаи XIX ва аввали садаи XX маркази инқилобгарони муҳоҷири рус буд.

Саноат

Маркази калони саноатии мамлакат (баъд аз Сюрих ва Базел). Соҳаҳои асосии саноаташ: радиоэлектроника, электротехника ва мошинаҳои дақиқ (телефон, таҷҳизот, асбобҳои барқӣ, мошинаҳои полиграфӣ ва ғайра), бофандагӣ, дорусозӣ, кимиёӣ, хӯрокворӣ (консерв, орд, шоколад, пиво), чӯбгарӣ, табъу нашр ва ғ.

Иқтисод

Берн бонкҳои калонтарин (Фолксбонк, бонки миллӣ) ва ғ. ҳастанд. Дар он қароргоҳи созмонҳои байналмилалӣ мавҷуданд. Берн маркази сайёҳии байналмилалист. Дар Берн Академияи илмҳои дақиқ (1815), донишгоҳ (1834), Калисои ҷомеаи Винсенти Муқаддас (1421—1588) ва ратуша (1406—1417), бинои парламент (1852—1901), китобхонаи миллӣ, боғи ботаникӣ, театр (1903) ва Осорхонаи Алберт Энштейн ҷойгир аст.

Адабиёт

• Берн // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2021, ҷ. 2). — ISBN 978-99947-33-52-4.

Пайвандҳо

• Официальный сайт города Берн
• Интерактивная карта Берна
• Берн Информация