Бобо Ҳамдамов

Мавод аз Википедиа — донишномаи озод
Бобо Ҳамдамов
соли 1929 — соли 1932
соли 1932 — соли 1933

Таваллуд 2 декабр 1902(1902-12-02)
Даргузашт 2 декабр 1972(1972-12-02) (70 сол)
Душанбе
Дудмон мард
Ҷоизаҳо
ордени Байрақи Сурхи Меҳнат ордени «Нишони Фахрӣ»

Бобо Ҳамдамов (02.12.1902, деҳаи Ярм[1], ноҳияи Мастчоҳ — 02.12.1972, ноҳияи Ҷаббор Расулов) — ходими давлатии ҶШС Тоҷикистон, аввалин Раиси Суди Олии ҶШС Тоҷикистон, Раиси шаҳри Сталинобод (Душанбе)[2].

Зиндагинома[вироиш | вироиши манбаъ]

Коргари корхонаҳои гуногуни вилояти Фарғона (1921—1922), сарбози Артиши Сурх (1922—1923). Солҳои 1923—1932 бар зидди аксулинқилобиҳо муборизаҳо бурдааст. Раиси шӯрои деҳоти Палдорак ва Ланглифи ноҳияи Масчо (1924—1925), раиси Комиҷроияи вилояти Ӯротеппа ва раиси Суди ҳавзаи вилоятҳои Ӯротеппаву Панҷакент (1925—1928), суди мухтори Ҷумҳурии Мухтори Шӯроии Сотсиалистии Тоҷикистон (1928 — октябри 1929), раиси Суди Олии ҶШС Тоҷикистон (1929-32), ҳамзамон солҳои 1929—1931 муовини раиси ҳавзаи кумитаи иҷроияи Кӯлоб, солҳои 1932—1933 раиси Шурои шаҳри Сталинобод буд. Бобо Ҳамдамов роҳбари таҳияи нақшаи умумии сохтмони шаҳри Сталинобод буд ва хишти аввалини сохтмони пойтахтро тибқи нақшаи мазкур ӯ гузоштааст.

12 марти 1933 бо роҳбарии Бобо Ҳамдамов нахустин анҷумани колхозчиёни пешқадами ноҳияи Сталинобод баргузор шуд. Июни 1933 дар асоси мактубҳои беимзо ба ширкат дар созмони миллатгароёнаи зиддиинқилобӣ гунаҳгор карда, 8 моҳ дар маҳбас нигоҳ дошта шуд. Солҳои 1934—1937 раиси колхози «Коммуна»-и ноҳияи Масчо буд. Солҳои таъқибот дубора ба маҳбас афтод ва аз 10 августи 1937 то июли 1939 дар маҳбаси тафтиши НКВД-и шаҳри Сталинобод нигоҳ дошта шуд. Солҳои 1940—1954 дар ноҳияи Масчо ба ҳайси сардори Раёсати кишоварзӣ, намояндаи Вазорати андӯхти маҳсулоти кишоварзӣ, намояндаи иттиҳоди ноҳиявии истеъмолкунандагон, раиси колхози ба номи Андреев фаъолият намуд. Солҳои 1954—1962 раиси колхозҳои «Ленинград», «Ҳаёти Нав» (баъдтар «Съезди XXII КПСС»)-и ноҳияи Пролетар буд. Узви сексияи тоҷикистонии собиқадорони инқилоб ва ҷанг дар назди Хонаи афсарони шаҳри Душанбе.

Ҷоизаҳо[вироиш | вироиши манбаъ]

Бо орденҳои Байрақи Сурхи Меҳнат, «Нишони Фахрӣ» ва медалҳо қадр шудааст.

Некдошт[вироиш | вироиши манбаъ]

Соли 2014 маҳалла (шаҳрак)-и Зарафшон 2-и шаҳри Душанбе ва соли 2014 мактаби №29-и ноҳияи Кӯҳистони Мастчоҳ, ҳамчунин, 26.11.2015 Осорхонаи шахсии Бобохон Ҳамдамов ба хона-осорхонаи Бобохон Ҳамдамов иваз карда шуд.

Адабиёт[вироиш | вироиши манбаъ]

  1. Ҳамдамов Бобо // Донишномаи Душанбе. — Д.: СИЭМТ, 2016. — С. 660—661. — 732 с. — ISBN 978-99947-33-89-7.
  2.  «Родмарди љонфидо», Душанбе, нашриёти «Ирфон», 2001. (Маљмўаи маќолањо, хотирањо, шеърњо дар бораи Б. Њамдам. Ёддоштњои Б. Њамдам (сањ.72-118).
  3.  «Бо номи халќ. Хотирањои Б. Њамдам. Ба чоп тайёркунанда Дилафрўз Икромї. Нашриёти «Ирфон», Душанбе, с. 1976.
  4. «Душанбе. Донишнома», Душанбе, «Ганљ  нашриёт», 2016, сањ. 189-190, 405, 585 – 586, 662-663.
  5. «Солдат революции». Статья. Автор И. Каландаров. Журнал «Социализм: теория и практика», №1- 2, (13-14), 2002.
  6. «Бобо Њамдам – председатель  Сталинабада». Статья. Автор И. Каландаров. Газета «Паёми Душанбе», 19.11. 2004 г.
  7.  «Ҳалолат бод, Бобохони Њамдам!». Шеър. Муаллиф Равшани Њамроњ. Ба ифтихори 90-солагии маќоми пойтахтро доро гардидани ш. Душанбе. Рўзномаи «Паёми Душанбе», №21, (1876), 14.3.2014.
  8. «Таърихро корнамоињои арзандаи фарзандони бонангу номус ба вуљуд овардаанд». Маќола. Муаллиф Барнои Валї.  Рўзномаи «Инсон ва ќонун». №3 (184). Марти с. 2017.
  9. «Ҳаќбин. Маќола. Муаллиф Умари Шерхон. Рўзномаи «Минбари халќ», №45 (1181), 31.10. 2018.
  10. «Бобохон Њамдамов кї буд?». Маќола. Муаллиф  Њусейни Нарзулло. Рўзномаи «Садои мардум», №11(3961), 26.1.2019.
  11.  «Мубориз». Маќола. Муаллифон Шералї Раљабалиев, Сайфуллоњи Муллољон.  «Љавонони Тољикистон», №44 (9626), 31.10.2019.
  12. «Њаёти пурталотуми як муборизи воќеї». Маќола. Муаллифон Шералї Раљабалиев, Сайфуллоњи Муллољон. Рўзномаи «Машъал», №12 (8025), 25.4.2020.
  13. «Њаќшинос». Маќола. Муаллиф Умари Шерхон. Рўзномаи «Љумњурият», №212 (24067) 28.10.2020.
  14. Ёде аз корнома». Маќола. Муаллифон Шарифљон Шарифов, Фаридун Миракзода. Рўзномаи «Минбари халќ», №50 (1396), 21.12. 2022.
  15. «Улица в Душанбе названа именем Бобо Хамдамова». Статья. Автор Талъат Нигорова. Газета «Вечерний Душанбе», 15 апреля 2014 г.
  16. «Хўшањо аз гўшаи хотироти падар».  Пора аз достони мустанад. Муаллиф Мирзо Шукурзода. «Адабиёт ва санъат», №3(2233), 18.1.2024.

Эзоҳ[вироиш | вироиши манбаъ]

  1. Махалля Зарафшон-2 переименована в честь Б.Хамдамова | Новости Таджикистана ASIA-Plus. www.asiaplustj.info. 31 Январ 2024 санҷида шуд.
  2. ХАМДАМОВ Бобо | ЦентрАзия. centrasia.org. 31 Январ 2024 санҷида шуд.