Мирзо Аҳмадзода

Мавод аз Википедиа — донишномаи озод
Jump to navigation Jump to search
Мирзо Аҳмадзода
Санаи таваллуд:

13 май 1930(1930-05-13) (89 сол)

Зодгоҳ:

Кӯҳистони Мастчоҳ, ҶШС Тоҷикистон

Мамлакат:

 Тоҷикистон

Фазои илмӣ:

филология

Ҷойҳои кор:

ДДОТ ба номи Садриддин Айнӣ

Дараҷаи илмӣ:

доктори илмҳои филология

Алма-матер:

Омӯзишгоҳи муаллимтайёркунии шаҳри Ӯротеппа (ҳоло Истаравшан, 1950)
Университети Давлатии Тоҷикистон ба номи В. И. Ленин (1956)

Ҷоизаҳо:

Нишони «Аълочии маорифи Тоҷикистон»

Мирзо Аҳмадзода (Мирзо Аҳмадов; тав. 13 майи 1930, Падроғи ноҳияи Кӯҳистони Мастчоҳ, вилояти Суғд) — адабиётшиноси тоҷик. Доктори илмҳои филология (1996), профессор (2007). «Аълочии маорифи Тоҷикистон»

Зиндагинома[вироиш]

Аз оилаи марди донишманд ва шоирпеша Аҳмад Мираминзода. Хатмкардаи Омӯзишгоҳи муаллимтайёркунии шаҳри Ӯротеппа (ҳоло Истаравшан, 1950) ва Универститети Давлатии Тоҷикистон (1956). Муҳаррири Нашриёти давлатии Тоҷикистон (1956-58), ходими хурди илмӣ (1958), аспирант (1958-61), ходими илмӣ (1961-63) ва ходими калони илмии Шуъбаи шарқшиносии АИ ҶТ (1963-68), дотсенти кафедраи адабиёти тоҷик (1968-78), омӯзгор ва декани факултети таъриху филология, баъдтар декани факултети филологияи тоҷики Институти давлатии педагогии Душанбе (ҳоло ДДОТ ба номи Садриддин Айнӣ; 1978—1986) буд. Аз соли 1987 мушовири кафедраи адабиёти тоҷики ҳамин донишгоҳ.

Фаъолияти илмӣ[вироиш]

Мақолаҳои илмиаш аз соли 60 асри 20 чоп шудаанд. Мирзо Аҳмадзода зиёда аз 100 мақолаи илмӣ ва илмӣ-оммавӣ, рисолаҳо доир ба масъалаҳои гуногуни адабиёти классикӣ ва муосири тоҷик таълиф намудааст. «Дарвеши Деҳакӣ» (1967), «Усули таълими ҳаёт ва эҷодиёти Ҳусайн Воизи Кошифӣ» (1969), «Хоҷа Осафи Ҳиравӣ» (1971), «Аҳаммияти „Нафаҳоту-л-унс“ барои омӯхтани ҳаёт ва эҷодиёти шоирони форс-тоҷик» (1979) ва ғайра аз ҷумлаи онҳоанд. Мирзо Аҳмадзода дар омӯзиши ҳаёт ва эҷодиёти адиб ва мутафаккири асри 15-и форс-тоҷик Ҳусайн Воизи Кошифӣ саҳми арзанда дорад. Ҳаёт ва эҷодиёти ин шахсиятро таҳқиқ намуда, бадин васила масъалаҳои ахлоқи ҳамида, усулҳои давлатдорӣ ва ғайраро матраҳ намудааст. Мирзо Аҳмадзода мураттиби мунтахаби ашъори Шавкати Бухороӣ, Убайди Зоконӣ, Адиб Собири Тирмизӣ, Дарвеши Деҳакӣ, Аҳмад Мираминзода ва дигарҳо мебошад.

Осор[вироиш]

  • Дарвеши Деҳакӣ, Д., 1967
  • Шавкати Бухороӣ. Ашъори мунтахаб, Д., 1968
  • Анвори Суҳайлӣ. Дурдонаҳои наср, Д., 1991
  • Футуватномаи султонӣ. Дурдонаҳои наср, Д., 1991
  • Одобунасҳоб. Дурдонаҳои наср, Д., 1991
  • Насри ахлоқӣ-бадеии Ҳусайн Воизи Кошифӣ. Қ. 1, Д., 1994
  • Фахриддин Алии Сафӣ, Д., 1998
  • Мулоаҳмадов Мираминзода. Девони ашъор, Д., 1999
  • Насри ахлоқӣ-бадеии Ҳусайн Воизи Кошифӣ. Қ.2, Д., 2004
  • Ахлоқи ҳамида ва дастури давлатдорӣ, Д., 2006
  • Адиб Собири Тирмизӣ // дар кит. Гулшани адаб. ҷ.1, Д., 1976; Убайди Зоконӣ // дар кит. Гулшани адаб. ҷ. 2, Д., 1975
  • Шавкати Бухороӣ // дар кит. Гулшани адаб. ҷ. 4, Д., 1967[1]

Ҷоизаҳо ва мукофотҳо[вироиш]

Бо нишони «Аълочии маорифи Тоҷикистон» сарфароз гардидааст.

Эзоҳ[вироиш]

  1. ДДОТ. Энсиклопедияи Донишгоҳи омӯзгорӣ (tj-tj). www.tgpu.tj. 12 май 2017 санҷида шуд.

Сарчашма[вироиш]