Шукурҷон Зуҳуров

Мавод аз Википедиа — донишномаи озод
Jump to navigation Jump to search
Шукурҷон Зуҳуров
Зуҳуров Шукурҷон Зуҳурович
Парчам
Раиси Маҷлиси намояндагони Маҷлиси Олии Ҷумҳурии Тоҷикистон
аз 17 марти 2010
Пешгузашта: Сайдулло Хайруллоев
 
Эътиқод: Ислом
Саннаи таваллуд: 16 апрел 1954(1954-04-16) (65 сол)
Панҷ, вилояти Қурғонтеппа,
ҶШС Тоҷикистон, ИҶШС
Фарзандон: 5 фарзанд
Ҳизб: Ҳизби халқии демократии Тоҷикистон (аз соли 1991)
Маълумот: Институти муҳандисии заминсозии шаҳри Маскав (1976), Академияи идоракунии Федератсияи Русия (1992)
 
Мукофотҳо:

Ордени «Дӯстӣ», Ордени «Шараф»

Шукурҷон Зуҳуров (Зуҳуров Шукурҷон Зуҳурович; тав. 16 апрели 1954, ноҳияи Панҷ, вилояти Қурғонтеппа, ҶШС Тоҷикистон, ИҶШС) — ходими давлатӣ ва сиёсии тоҷик. Раиси Маҷлиси намояндагони Маҷлиси Олии Ҷумҳурии Тоҷикистон ва Раиси Шӯрои Маҷлиси намояндагони Маҷлиси Олии Ҷумҳурии Тоҷикистон (аз соли 2010)[1].

Зиндагинома[вироиш]

Зуҳуров Шукурҷон 16 апрел, соли 1954 дар ноҳияи Панҷи вилояти Хатлон таваллуд шудааст. Академияи идоракунии Федератсияи Россия ва Донишгоҳи муҳандисӣ - заминсозии шаҳри Москваро бо ихтисоси муҳандиси заминсоз хатм намудааст. Дар вазифаҳои муҳандис - заминсози ноҳияи Ҳамадонии вилояти Хатлон, сардори шӯъбаи истифодаи замин ва заминсозии Кумитаи иҷроияи Шӯрои депутатҳои собиқ вилояти Қурғонтеппа, инструктор, мудири шӯъба ва котиби Кумитаи Марказии комсомоли Тоҷикистон, раиси Кумитаи иҷроияи Шӯрои депутатҳои халқи ноҳияи Комсомолобод (ҳоло Нуробод), раиси Кумитаи давлатии меҳнат ва тайёр кардани кадрҳои коргарии Ҷумҳурии Тоҷикистон, мудири шӯъбаи шуғл ва ҳифзи иҷтимоии аҳолии Дастгоҳи иҷроияи Президенти Ҷумҳурии Тоҷикистон, раиси ноҳияи Панҷи вилояти Хатлон, муовини Роҳбари Дастгоҳи иҷроияи Президенти Ҷумҳурии Тоҷикистон ва Вазири меҳнат ва шуғли аҳолии Ҷумҳурии Тоҷикистон фаъолият намудааст. Зуҳуров Шукурҷон аз оғоз то охири гуфтушунидҳои сулҳи байни тоҷикон иштирок намуда, дар ду давраи аввал (Москва, Теҳрон) раиси ҳайати ҳукуматӣ ва дар давраҳои дигар муовини аввали раиси ин ҳайат буд. Аз соли 1997 то соли 2000 бо фармони Президенти Ҷумҳурии Тоҷикистон дар вазифаи раиси Зеркомиссияи муҳоҷирони Комиссияи оштии миллӣ кор кардааст. Ӯ дар як вақт, аз соли 1998 то соли 2000 вазифаи раиси Маркази ҳамоҳангсозии лоиҳаҳои барқарорсозии баъдиҷангро иҷро намудааст.

Вакили Маҷлиси Олии Ҷумҳурии Тоҷикистон даъвати якум (1995 - 2000). Зуҳуров Шукурҷон 28 феврали соли 2010 аз ҳавзаи интихоботии Рашт, № 12 вакили Маҷлиси намояндагони Маҷлиси Олии Ҷумҳурии Тоҷикистон даъвати чорум ва 16 марти соли 2010 дар ҷаласаи якуми иҷлосияи якуми Маҷлиси намояндагони Маҷлиси Олии Ҷумҳурии Тоҷикистон даъвати чорум Раиси Маҷлиси намояндагони Маҷлиси Олии Ҷумҳурии Тоҷикистон ва Раиси Шӯрои Маҷлиси намояндагони Маҷлиси Олии Ҷумҳурии Тоҷикистон интихоб гардидааст. Президенти гурӯҳи миллии парламентии Тоҷикистон дар Иттиҳоди Байнипарламентии ҷаҳон низ мебошад.

Шукурҷон Зуҳуров - аз Ҳавзаи интихоботии Рашт № 12 шаҳру ноҳияҳои тобеи ҷумҳурӣ - вакили Маҷлиси намояндагони Маҷлиси Олии Ҷумҳурии Тоҷикистон даъвати V [2]

Ҷоизаву медалҳо[вироиш]

  • Ордени «Дӯстӣ»
  • Ордени «Шараф»
  • Медали «20–солагии Истиқлолияти давлатии Ҷумҳурии Тоҷикистон»
  • Ифтихорномаи Президиуми Шӯрои Олии Ҷумҳурии Тоҷикистон

Ҳамчунин нигаред[вироиш]

Эзоҳ[вироиш]

Пайвандҳои беруна[вироиш]

КОМИССИЯИ МАРКАЗИИ ИНТИХОБОТ ВА РАЪЙПУРСИИ ҶУМҲУРИИ ТОҶИКИСТОН