Адрасмон

Шаҳрак
Адрасмон
Акс:File:Adrasman, Tajikistan - panoramio (21).jpg
Нишон
Кишвар	ТоҷикистонТоҷикистон
Вилоят	Суғд
Ноҳия	Гулистон
Координатаҳо	40°38′44″ а. шим. 69°59′25″ т. ш.
Таъсис	26 марти 1941
Забони расмӣ	тоҷикӣ
Аҳолӣ	14 600 нафар (2015)
Ҳайати миллӣ	тоҷикон, ӯзбакҳо, русҳо
Ҳайати динӣ	мусулмонон, масеҳиён
Вақти минтақавӣ	UTC+5
Коди телефон	+992 3453, +992 92
Нишонаи почта	735780
Коди мошин	TJ02
Адрасмон Адрасмон

Адрасмон — шаҳрак (аз 26 марти 1941), тобеи шаҳри Гулистон.

Ҷуғрофиё

Дар қисми шимолии вилояти Суғд, байни қаторкӯҳҳои Қаромазору Қурама ҷойгир аст. Аввал ҳамчун деҳа ба ҷамоати деҳоти Қаромазори ноҳияи Ашт тобеъ буд. Аҳолиаш 12910 нафар (2009), тоҷикон, ӯзбекҳо ва миллатҳои дигар. Аз Адрасмон то шаҳри Қайроққум 72 км; роҳ асфалтпӯш.

Иқтисод

Адрасмон 5 мактаби таҳсилоти миёнаи умумӣ, мактаби мусиқӣ, нуқтаи санитарии тиббӣ, 2 дорухона, 2 китобхона, 2 клуб, 8 нуқтаи хидмати маишӣ, боғчаи кӯдакон, 12 нуқтаи савдои хусусӣ, 5 ошхона ва чойхона дорад. Адрасмон аз қадим бо маъданҳои рангаи худ машҳури ҷаҳон буд. Аз конҳои назди Адрасмон маъдани сурб, нуқра, руҳ, тило, уран ва висмут истихроҷ мекунанд. Корхонаҳои асосии Адрасмон: Комбинати полиметаллии давлатии «Қаромазор» (1927), идораҳои кони Консой (1937) ва кони Қаромазор (1956), заводи таҷҳизоти пастшиддати барқии Адрасмон (1959), Комбинати қӯрғошиму руҳ (1970), Идораи шахтасозии Адрасмон (1972), Комбинати маъдантозакунӣ (1993).

Адабиёт

• Қомуси Қайроққум, Х., 2004.

Сарчашма

• А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2021, ҷ. 1). — ISBN 978-99947-33-45-3.