Ваҳдат (деҳа, н. Темурмалик)

Деҳа
Ваҳдат
Кишвар	ТоҷикистонТоҷикистон
Вилоят	Хатлон
Ноҳия	Темурмалик
Ҷамоат	Деҳоти Бобоюнус
Номҳои пешина	Кунчибулоқ
Забони расмӣ	тоҷикӣ
Аҳолӣ	465 нафар (2017)
Ҳайати миллӣ	тоҷикон
Ҳайати динӣ	мусулмонони ҳанафимазҳаб
Коди телефон	+992 3314
Нишонаи почта	735340
Коди мошин	TJ03

Ваҳдат (то 28 феврали 2013 Кунчибулоқ) — деҳа дар ҷамоати деҳоти Бобоюнуси ноҳияи Темурмалик. Аз Ваҳдат то маркази ҷамоат 2 км, то маркази ноҳия 17 км; роҳ автомобилгард. Аҳолиаш 465 нафар (2017), тоҷикон.

Иқтисод

Осиёб ва ҷувози равғанкашии хусусӣ дорад. Деҳа мактаб надорад. Талабагон дар мактаби таҳсилоти миёнаи умумии деҳаи Чилча таҳсил мекунанд. Соҳаҳои асосии хоҷагӣ: зироаткорӣ ва чорводорӣ. Заминҳо лалмӣ.

Мардум

Аҳолиаш солҳои 1930 аз деҳаҳои Шайдон, Ҳамрогиё, Дараи Боҳтур, Саталмуш, Дашти Майдон, Мулкон, Дӯлонамайдон, Файзободи ҷамоати деҳоти Сари Хосори ноҳияи Балҷувон ва деҳаи Дараи Мухтори ноҳияи Ховалинг кӯчида, дар ҳайати колхози Калинин кор кардаанд.

Шахсиятҳои маъруф

Доктори илмҳои филологӣ Абдусаттор Мирзоев, олими соҳаи тиб Музаффар Набиев, Бригадири хизматнишондодаи Тоҷикистон Давлат Сафаров (дорандаи ордени Хӯшаи тилоии СССР) дар ҳамин деҳа ба дунё омадаанд.

Сарчашма

• Ваҳдат // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2021, ҷ. 3). — ISBN 978-99947-33-46-0.

• Тақсимоти маъмурии Ҷумҳурии Тоҷикистон — Д.: СИЭМТ, 2017. — 580 с. — ISBN 978-99947-33-68-2