Википедиа

Аз Википедиа
Ҷаҳиш ба: новбари, Ҷустуҷӯи
Www.wikipedia.org screenshot 2013.png

Википедиаэнсиклопедияе мебошад, ки дар асоси технологияи викӣ офарида шудааст ва озодона дар шабакаи Интернет бо забонҳои бисёр дастрас мебошад. Он аз тарафи ҳамаи хоҳишмандон ривоҷ меёбад. Аз ибтидои ташкилёбӣ, соли 2001, Википедиа ба донишномаи машҳуртарин табдил ёфта, рӯз то рӯз пурратар мегардад.

Таърих[вироиш]

Хусусияти хоси интернет-энсиклопедияи Википедиа (ба туфайли технологияи wiki, ки асоси корбарии сомона аст) аз он иборат аст, ки вироиш ва таҳрири мақолаҳоро ҳар як шахси истифодабарандаи шабакаи Интернет, ки низоми Википедияро риоя мекунад, мавриди истифода, яъне навиштаву (вироишу) таҳрир карда метавонад. Дар баробари ин, дар аксар ҳолатҳо, ҳатто бе сабти ном дар сомона вироиш ва таҳрири мақолаҳо имконпазир мебошад. Кулли тағйиротҳои ба ягон мақолаҳои ин энсиклопедия ворид намудаи чунин ихтиёриён дарҳол ба ҳамаи муштариёни сомона маълум мегардад. Википедиа аз ҷониби ихтиёриёни кулли ҷаҳон ба 285 забонҳои ҷаҳонӣ, аз ҷумла 491 дар инкубатор, эҷод карда мешавад. Дар он 29 миллион мақолаҳо ҷойгир шудаанд. Интернет-сомонаи Википедиа аз рўи миқдори зиёраткунандагон, дар ҷойи 5 байни сомонаҳои ҷаҳонӣ мебошад — ҳар моҳ ба сомона қариб 480 миллион нафар одамон ворид мешаванд. Соли 2001 аз ҷониби Ҷими Уэйлс ва Ларри Сенгер ба кор андохтани Википедиа, ҳоло он ба яке аз бузургтарин ва аз ҳама маъмултарин маълумотнома дар Интернет мубаддал гаштааст. Аз рўи ҳаҷми иттилоот ва фарогирии мавзўъҳо Википедиа энсиклопедиаи аз ҳама пурратарин ва беҳтарин дар таърихи башарият мебошад. Яке аз ҷиҳатҳои хуби Википедиа ҳамчун энсиклопедяи универсалӣ, фароҳам овардани имконияти пешниҳоди иттилоот ба забони модарии корбарон мебошад, ки ба ҳамин васила қиммати иттилооти воридшударо, ҳамчун ҷанбаи фарҳангӣ нигоҳ медорад.

То 13 декабри соли 2012 дар Википедиа 285 қисматҳои забонҳои ҷаҳонӣ (аз он ҷумла 274-тои он фаъол) мавҷуданд. Аз ҷумла, 10-тои он зиёда аз 750 ҳазор мақола, 41 зиёда аз 100 ҳазор мақола, 117 зиёда аз 10 ҳазор мақола ва 222 қисматҳо зиёда аз 1 ҳазор мақола доранд.


"Ҷимбо Вейлс мегӯяд, ки Wikipedia як донишномаи озоди мардумӣ ва ҷаҳонист. Дар он метавон ҳама гуна маълумотро пайдо кард. Шояд саволе нест, ки посухи он дар ин сомона набошад. Истифода аз ин иттилоъ озод ва ройгон аст. Гузашта аз ин ба наздикӣ сомонаи тоҷикии Википедиа дар шабакаи ҷаҳонии интернет нашр хоҳад шуд. Ин муждаи наврӯзист! Муборак!"[1]

Нигаред[вироиш]

Сарчашмаҳо[вироиш]

  1. Тоҷикон дар Википедиа