Гулистон (деҳа, н. Данғара)

Деҳа
Гулистон
Кишвар	Тоҷикистон
Вилоят	Хатлон
Ноҳия	Данғара
Таърих ва ҷуғрофиё
Аҳолӣ
Аҳолӣ	3415 тан (2017)
Миллият	тоҷикон
Эътиқодот	мусулмонони ҳанафимазҳаб
Забони расмӣ	тоҷикӣ
Шиносаҳои ададӣ
Пешшумораи телефон	+992 3312
Нишонаи почта	735140

Гулистон — деҳа дар ҷамоати деҳоти Сангтӯдаи ноҳияи Данғара. Аз Гулистон то маркази ноҳия 40 км; роҳ асфалтпӯш. Аҳолиаш 3415 нафар (2017), тоҷикон.

Таърих

Соли 1961 бунёд шудааст. Аҳолиаш аз деҳаҳои Баҳорак, Шабафрӯз (собиқ Хамиқара) ва Шибонсойи ҷамоати деҳоти Лоҳур кӯчидаанд.

Иқтисод

Деҳа мактаби таҳсилоти миёнаи умумӣ, дорухона, маркази саломатӣ, беморхонаи минтақавӣ, шуъбаҳои милиса, алоқа, «Амонатбонк», маҷмаи маданӣ-варзишӣ, нуқтаҳои хидмати маишӣ, савдои хусусӣ ва фурӯши сӯзишворӣ, хонаи фарҳанг, заводи коркарди сангу шағал, истгоҳи р. о. дорад. Соҳаҳои асосии хоҷагӣ: пахтакорӣ, чорводорӣ ва сабзавоткорӣ. Дар ҳудуди Гулистон 10 хоҷагии хурди деҳқонӣ мавҷуданд. Заминҳо аз дарёи Вахш тавассути насосҳои обкаш обёрӣ мешаванд.

Шахсиятҳои маъруф

Шоир Борон Бадалов, Ҳунарпешаи халқии Тоҷикистон Миралӣ Шодиев дар ҳамин деҳа таваллуд шудаанд.

Сарчашма

• Гулистон // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.

• Тақсимоти маъмурии Ҷумҳурии Тоҷикистон — Д.: СИЭМТ, 2017. — 580 с. — ISBN 978-99947-33-68-2