Домулло

Мавод аз Википедиа — донишномаи озод
Jump to navigation Jump to search

Домулло (форсӣ: داملاّ‎) — мухотабест, ки ҳангоми муроҷиат (гуф­ту­гӯ) ҳамчун арзи эҳтиром нисбат ба ходимони барҷаста, соҳибэътибор ва боиззати динӣ, илмиву адабӣ ва маорифу фарҳанг истифода бурда мешавад.

Таърих[вироиш]

Домулло омӯзгори мактабҳои кӯҳнаро мегуфтанд[1], ки якчанд дараҷа доштаст:

  • домуллои кунҷакӣ — муаллими дараҷаи дуюми мадраса, ки шогирдон аввал дарсашонро пеши ӯ хонда тайёр мекарданд ва баъд ба дарсхона рафта, дар пеши мударриси калон ҳамон дарсро мехонданд;
  • домуллои дарсхонагӣ — дарсгӯй дар мадраса, ки дараҷааш аз мударрис пасттар будааст;
  • домуллои сархат — муаллими ҳусни хат дар мактабҳои кӯҳна.

Рӯҳоният ва нишони эҳтиром[вироиш]

Ба рӯҳониён нисбат додани домулло ба урфу одати мардум вобаста буда, дар маъхазҳои фиқҳӣ зикр нагардидааст. Дар мактабҳои ди­нӣ ва мадрасаҳо, таълимгоҳҳои олӣ, миёнаи махсус омӯз­горон (дотсенту проффессорон), шахсони фозилу обрӯ­манд ва соҳибмавқеи соҳаи илму фарҳанг ва адабиётро аз рӯи эҳтиром домулло мегӯянд. Дар Тоҷикистон бо номи бузургон пайванд кардани домулло роиҷ аст (ба монанди домулло Айнӣ, домулло Осимӣ ва ғайра).

Ҳамчунин нигаред[вироиш]

Эзоҳ[вироиш]

  1. Домулло чист? Маънои вожаи домулло(тоҷ.). Вожаҷӯ. vazhaju.com. 17 январи 2018 санҷида шуд.

Сарчашма[вироиш]