Зафар (деҳа, н. Ёвон)

Деҳа
Зафар
Кишвар	Тоҷикистон
Вилоят	Вилояти Хатлон
Ноҳия	ноҳияи Ёвон
Ҷамоат	Деҳоти Норин
Таърих ва ҷуғрофиё
Аҳолӣ
Аҳолӣ	5600 тан (2018)
Миллият	тоҷикон
Эътиқодот	мусулмонони ҳанафимазҳаб
Забони расмӣ	тоҷикӣ
Шиносаҳои ададӣ
Пешшумораи телефон	+992 3141
Нишонаи почта	735310

Зафар (то 27.9.2017 Ӯртақайнар) — деҳа дар ҷамоати деҳоти Норини ноҳияи Ёвон.

Иқтисод

Соли 1890 бунёд шудааст. Аз деҳа то маркази ноҳия (шаҳраки Ёвон) 27 км. Аҳолиаш 5600 нафар (январи 2018). Деҳа муассисаи таҳсилоти миёнаи умумӣ, 3 масҷиди панҷвақта ва ҷомеъ, беморхона, маркази саломатӣ, 4 дорухона, 40 нуқтаи савдои хусусӣ, 3 дукони нонпазӣ, гӯштфурӯшӣ, ду тарабхона («Урта-қайнар», «Қайнар-сити»), ошхона, нуқтаи фурӯши сӯзишворӣ, филиали бонкҳои «Амонатбонк», «Бонки Эсхата» ва ташкилоти амонатии қарзии хурди «Ҳумо», маркази фурӯши чиптаҳои ҳавопаймо, сартарошхона, толори варзишӣ, варзишгоҳ ва заводи пахтатозакунӣ дорад. Соҳаҳои асосии хоҷагӣ: пахтакорӣ, боғдорӣ ва чорводорӣ. Заминҳо тавассути наҳри «Р-1» аз рӯди Вахш обёрӣ мешаванд. Дар ҳудуди деҳа 52 хоҷагии деҳқонии инфиродӣ фаъолият доранд.

Адабиёт

• Зафар // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.

• Тақсимоти маъмурии Ҷумҳурии Тоҷикистон — Д.: СИЭМТ, 2017. — 580 с. — ISBN 978-99947-33-68-2