Далёни Боло

Деҳа
Далёни Боло Далёни Боло
Парчам Нишон
Кишвар	ТоҷикистонТоҷикистон
Вилоят	Вилояти Суғд
Ноҳия	Ғончӣ
Координатаҳо	39°44′32″ а. шим. 68°59′40″ т. ш.
Забони расмӣ	тоҷикӣ
Аҳолӣ	(2011) 6342 нафар
Ҳайати миллӣ	тоҷикҳо
Ҳайати динӣ	мусулмонон
Номи қавмӣ	далёнӣ
Вақти минтақавӣ	UTC+5
Коди телефон	+992
Коди мошин	02TJ
Далёни Боло

Далёни Боло – деҳаест дар Ҷамоати Далёни Болои ноҳияи Ғончӣ. Дар деҳа соли 2011 1644 хонавода ва 6342 нафар ба қайд даромада буданд.

Ҷуғрофияи табиӣ

Ҷамоати деҳоти Далёни Боло дар шимолу ғарби ноҳияи Ғончӣ дар зери қаторкӯҳҳои Туркистон воқеъ буда аз шимолу ғарб бо Ҷамоати Нофароҷи ноҳияи Истаравшан зиёда аз 30 км ҳаммарз мебошад.Аз тарафи шарқ бо Ҷамоати Калининобод, аз шимолу шарқи бо Ҷамоати Чавкандаки ноҳияи Истаравшан, аз тарафи шимол бо ноҳияи Истаравшан, аз ҷанубу ғарб бо ноҳияи Кӯҳистони Мастчоҳ ҳамсарҳад мебошад. Ҳудуди Ҷамоат 12117 га, иқлими он субтропики хушк буда, ҳаҷми боришотӣ аз 500 то 700 мм буда ҳарорати миёнаи ҳаво дар моҳҳои июн-июл 30-35 С, дар кӯҳҳо 12-15 С, дар моҳи январ -2-6 ва дар кӯҳҳо -12-15 С хушк мебошад. Сатҳи паҳни ноҳамвори теғадор аз шимол ба ҷануб аз 500 метр то 4743 метр тадриҷан баланд шуда маркази Ҷамоат деҳаи Далёни Боло дар баландии 1050 м аз сатҳи баҳр ҷойгир мебошад. Ҷамоат аз захираҳои табии масолеҳи бинокорӣ (гил, хок, сангҳои таҳкурсӣ, сангҳои барои истеҳсоли оҳак) санги мармар бой мебошад. Хокҳои Ҷамоат асосан хоки хокистарранги тира, зардхок, шағалхок, инчунин хокҳои серсанг ва рег вомехӯранд. Хоки минтақаи бешазори арча ва доманаи кӯҳсор қаҳваранг ё худ доминаранг буда, поёнтар ба гашти дашт он ба тирахаки кушод ва зардхок таҷлил меёбад.

Набототу ҳайвонот

Дар ҳамвории доманакӯҳҳо дар баландиҳои (1000-1900 метр) набототи биёбонию нимбиёбони эфемирҳо, шибоғ, шутурхор, ҷӯробак, кавар, ковук ва гайра, дар куххо дар баландихои зиёда аз 1100-1900 дар биёбони дамои хӯшадорҳо, лубиёҳо, гулҳо, буттаҳои зирк, настаранг, бодомӣ, бодоми талхак ва ғайраҳо мерӯянд. Дар водиҳои ноҳия бошад зироатҳои маданӣ, гандум, ҷав, ҷавдор, сулӣ, ҷуворимакка, нахуд, лаблабу, шалғам, турб, пиёз, сабзӣ, помидор, бодиринг, харбуза, каду, ангуру тут, себ, нок, шафтолу, зардолу, гелос парвариш меёбанд.