Каҷровут

Мавод аз Википедиа — донишномаи озод
Jump to navigation Jump to search
Деҳа
Деҳаи Каҷровут
Кишвар

Тоҷикистон

Вилоят

Суғд

Ноҳия

Деваштич

Ҷамоат

Ҷамоати Исмоили Сомонӣ

Забони расмӣ

тоҷикӣ

Ҳайати миллӣ

тоҷикон

Ҳайати динӣ

мусулмонони ҳанафимазҳаб

Деҳаи Каҷровут — деҳа дар ҷамоати деҳоти Исмоили Сомонии ноҳияи Деваштич.

Каҷровут дар ҷамоати Исмоили Сомонии ноҳияи Деваштичи вилояти Суғд (минтақаи Калининободи н. Ғончӣ) воқеъ гардидааст. Аз деҳа то маркази ҷамоат 10км ва то маркази ноҳия ба масофаи 37км роҳ аст. Аҳолиашро пурра тоҷикон ташкил дода, шуморааш тақрибан 2000 нафарро ташкил мекунад. Ҳамчунин, деҳа дорои мактаб (МТМУ №35), 2 мағоза, бунгоҳи тиббӣ ва масҷиди панҷвақта мебошад, ки сокинон ҳамарӯза аз ин муассисаҳо истифода мебаранд. Аксарияти бошандагони деҳа ба кишти ғалладонаву картошка машғуланд. Бо фаро расидани ҳавои мусоид, қисме аз мардони деҳа ба муҳоҷирати меҳнатӣ мераванд.

Маълумот[вироиш]

Каҷровут деҳаест воқеъ дар доманаи қаторкӯҳҳои сарбафалаккашидаи Туркистон. Дорои манзараҳои зебову ҷойҳои (ба қавли мардуми муқимӣ) таърихист. Ин деҳа таърихи зиёда аз ҳазорсола дорад. Тавре пиронсолони нақл мекунанд, то замони ташкил шудани деҳа аз ин ҷо роҳе мегузашт. Косибону ҳунармандон аз Мастчоҳи кӯҳӣ ба воситаи ҳамин роҳ ба Истаравшан мол мебурданду аз онҷо боз ба тариқи ҳамин роҳ бармегаштанд. Азбаски роҳ бисёр дур буду косибон то ба манзили худ расидан бисёр азоб мекашиданд, онҳо барои истироҳати худ дар мавзеи “Хирмани Халил” кулбае месозанд. Бо мурури замон миқдори хонаҳо дар сари роҳ рӯз то рӯз меафзояду дар натиҷа деҳае бо номи “Каҷровут” бунёд мегардад. Каҷровут калимаи яғноби буда, маънояш (каҷ-каҷ,ровут-дара) “Каҷдара” мебошад. Аксари мардуми деҳа аз Яғнобу Мастчоҳи кӯҳӣ омада муқимӣ шудаанд. Лаҳҷаи гуфтугӯи мардуми рустои кӯчак бо шевои Мастчоҳиён монандӣ дорад. Деҳа бисёр манзараҳои зебову тамошобоб дорад. Аз он ҷумла Сойи Мазор. Ин мавзеъ макони муқаддасе ба ҳисоб меравад. Ин ҷойро оромгоҳи Эшони Суфӣ низ меноманд. Аз ҳар гӯшаву канор мардум баҳри зиёрат ба ин даргоҳи муқаддас меоянд. Азбаски деҳа дар доманаи кӯҳҳои сарбафалаккашида ҷойгир шудааст, баҳорон хеле зебо мешавад. Дар кӯҳҳои зебои ин русто лолаи кӯҳӣ, торон ва дигар растаниҳои зебову шифобахш мерӯянд.

Шахсони барӯманди деҳа

1. Азизи Азиз – нависандаи бачагона, адиб, рӯзноманигор 2. Рӯзибой Мавлонзода – рӯзноманигор, муассис ва сардабири «Сомониён», «Ворисони Сомониён», «Ахтарон», «Афсонаҳо» ва щ. «Бобои Наврӯз». 3. Фахриддини Холибек – рӯзноманигори маъруф, бо тахаллуси Фарҳоди Милод суруд мехонад.